Logo

Syed Shayan Real Estate Archive

Logo

From Real Estate History

3 March

Home
1 Historical Event found for 3 March
1

3 مارچ 1845

3 مارچ 1845 کو فلوریڈا امریکہ کی 27ویں ریاست بنا۔

3 مارچ 1845 کو فلوریڈا امریکہ کی 27ویں ریاست بنا۔

فلوریڈا سے قبل امریکہ میں 26 ریاستیں موجود تھیں۔ 3 مارچ 1845 کو اسے بھی امریکی ریاست بنانے کی ضرورت اس لیے محسوس ہوئی کہ اُس وقت امریکہ میں غلامی کے حامی اور مخالف ریاستوں کے درمیان سیاسی توازن قائم رکھنا ضروری تھا۔ فلوریڈا جنوبی ریاست تھا اور غلامی کی اجازت دیتا تھا، اس لیے اسے ریاست بنانے کے ساتھ ہی ایک غلامی مخالف ریاست کو بھی شامل کیا گیا تاکہ سینیٹ میں طاقت کا توازن برقرار رہے۔

فلوریڈا کا کل رقبہ تقریباً 170,312 مربع کلومیٹر یعنی لگ بھگ 42 ملین ایکڑ ہے، جس کی وجہ سے یہ ریاست اپنے زمینی رقبے اور ساحلی پٹی دونوں اعتبار سے نمایاں اہمیت رکھتی ہے۔

ابتدائی زمانے میں فلوریڈا اپنی زرخیز زمینوں، خصوصاً سٹرس کے باغات اور بڑے بڑے زرعی فارموں کی وجہ سے معروف تھا۔ بعد ازاں بیسویں صدی میں اس کے سمندر کے کنارے لوگوں کی اکثریت نے رہائشی اور تفریحی جائیدادیں بنانا شروع کر دیں اور پھر آگے چل کر یہی رجحان اس ریاست کی اصل شناخت بن گیا۔

میامی بیچ اور پام بیچ جیسے ساحلی علاقوں کی ترقی نے Beachfront جائیداد کو باقاعدہ ایک باوقار سرمایہ کاری کے شعبے کے طور پر دنیا میں متعارف کروایا، جہاں زمین کی قیمت اس کے رقبے کی بنیاد پر نہیں بلکہ سمندر کے نظاروں، خوشگوار موسم، ساحل تک براہِ راست رسائی اور وہاں کے لگژری طرزِ زندگی کے مطابق طے ہونے لگی۔

ساحلوں پر ہوٹلوں، ریزورٹس، تفریحی مراکز اور پُرتعیش رہائشی منصوبوں کی تعمیرات نے سمندر کنارے جائیداد کو ایک اسٹیٹس سمبل بنا دیا۔

فلوریڈا کا نام ریئل اسٹیٹ کی تاریخ میں ایک ایسے واقعے کی وجہ سے کافی مشہور ہے جسے 1920 کی دہائی کا Florida Land Boom کہا جاتا ہے۔ اس زمانے میں زمینوں کی خرید و فروخت میں ایسی تیزی آئی کہ دیکھتے ہی دیکھتے ساحلی علاقوں کی قیمتیں کئی گنا بڑھ گئیں۔ اخبارات میں بڑے بڑے اشتہارات دیے جاتے تھے، لوگوں کو بتایا جاتا تھا کہ آج خریدیں گے تو کل امیر ہو جائیں گے، اور زیرِ تعمیر منصوبوں میں بھی پیشگی بکنگ شروع ہو گئی تھی۔

زمین کو صرف رہنے اور اپنے ذاتی مقاصد کے بجائے سرمایہ کاری کے طور پر خریدنے کا تصور اسی واقعے سے نمایاں ہوا۔ یہی انداز بعد میں دنیا کے دوسرے ساحلی شہروں نے بھی اختیار کیا، اور یوں فلوریڈا کا یہ تجربہ جدید ریئل اسٹیٹ مارکیٹنگ کی ایک نمایاں مثال بن گیا۔

آج بھی فلوریڈا اپنے رہائشی منصوبوں، پُرتعیش ساحلی جائیداد، ریٹائرمنٹ کمیونٹیز اور سیاحت سے وابستہ کمرشل پراپرٹی کے لیے مشہور ہے۔ دنیا کے بے شمار ارب پتی افراد یہاں رہائش اختیار کیے ہوئے ہیں، جن میں سابق امریکی صدر ڈونلڈ ٹرمپ کی رہائش گاہ Mar a Lago بھی اسی ریاست میں واقع ہے۔

▪️ سید شایان ریئل اسٹیٹ آرکائیو

ریفرنس:
Encyclopaedia Britannica, “Florida” and “Florida land boom of the 1920s”, Britannica Online Edition.
Views
3

مزید خبریں "On This Date" سے

news
لندن میں صنعتی مزدوروں کے رہائشی مکانات کے لیے ہاؤسنگ ایکٹ منظور کیا گیا

13 نومبر 1872 کو برطانوی پارلیمنٹ نے لندن میں رہائش کے ناقص حالات کو بہتر بنانے کے لیے ایک ہاؤسنگ ریفارم ایکٹ منظور کیا۔ اس قانون کے تحت گنجان اور غیر صحت مند ب...

مزید پڑھیں
news
پشاور نے اندرون شہر کے دباؤ کو کم کرنے کے لیے پہلی رنگ روڈ ہاؤسنگ توسیع کا آغاز کیا

17 نومبر 1994 کو پشاور ڈویلپمنٹ اتھارٹی (PDA) نے اندرون شہر کے شدید دباؤ کو کم کرنے کے لیے پہلی رنگ روڈ ہاؤسنگ توسیع اسکیم کا آغاز کیا۔ 1990 کی دہائی کے وسط تک ...

مزید پڑھیں
news
ڈچ نوآبادی پر برطانوی کنٹرول کے بعد نیویارک کا نیا نام رکھا گیا

2 فروری 1665 کو برطانوی افواج نے ڈچ نوآبادی نیو ایمسٹرڈم پر باضابطہ کنٹرول مستحکم کر لیا، جو آج کے مین ہٹن کے علاقے میں واقع تھی، اور اسی موقع پر اس شہر کا نام...

مزید پڑھیں
news
ایفل ٹاور کی تکمیل نے عالمی تعمیراتی معیارات کو ازسرِ نو ترتیب دیا

1889 میں ایفل ٹاور کی تکمیل نے عالمی تعمیراتی طریقوں کو بدل دیا، یہ ثابت کرتے ہوئے کہ لوہا نہ صرف مضبوط بلکہ خوبصورت عمارتوں کے لیے بھی موزوں مواد ہو سکتا ہے۔ ا...

مزید پڑھیں
news
ہوم اسٹیڈ ایکٹ کے تحت امریکی زمین پر حقِ ملکیت حاصل کرنے کا آغاز

یکم جنوری 1863 کو امریکہ میں ایک اہم قانون نافذ ہوا جسے ہوم اسٹیڈ ایکٹ (Homestead Act) کہا جاتا ہے۔ اس قانون نے پہلی مرتبہ عام شہریوں کو یہ حق دیا کہ وہ حکومت ...

مزید پڑھیں

سید شایان ڈاٹ کوم سے مزید دریافت کریں

ماڈل ٹاؤن لاہور- ایک ماڈرن سوسائٹی جسے لاہور کے قدیمی جنگل میں آباد کیا گیا

ماڈل ٹاؤن لاہور- ایک ماڈرن سوسائٹی جسے لاہور کے قدیمی جنگل میں آباد کیا گیا

ماڈل ٹاؤن لاہور ایک جدید رہائشی سوسائٹی جو لاہور کے قدیمی جنگل میں بسائی گئی ماڈل ٹاؤن سوسائٹی کے لیے زمین کی خریداری اور حصول بھی ایک نہایت ...

مزید پڑھیں
ماڈل ٹاؤن سوسائٹی کی 500 ایکڑ زمین کہاں گئی؟

ماڈل ٹاؤن سوسائٹی کی 500 ایکڑ زمین کہاں گئی؟

ماڈل ٹاؤن سوسائٹی کی 500 ایکڑ زمین کہاں گئی؟ ماڈل ٹاؤن لاہور کی زمین 1921 سے 1924 کے درمیان مختلف مرحلوں میں خریدی گئی۔ ابتدا 1921 میں ہوئی جب...

مزید پڑھیں

Select Date