🔳 پاکستان کے 105 بجلی گھروں (IPPs) کے حکومتی معاہدے
▫
ہماری ریسرچ بتاتی ہے کہ 105 میں سے صرف 18 منصوبے مکمل غیر ملکی ہیں، 70 منصوبے سرکاری، فوجی فلاحی یا مکمل پاکستانی نجی ملکیت میں ہیں اور 17 مشترکہ منصوبے (جوائنٹ ونچر) شامل کیے جائیں تو 87 منصوبے مکمل یا جزوی پاکستانی ملکیت میں آتے ہیں۔
▫
حکومت 18 غیر ملکی منصوبوں سے بین الاقوامی قوانین کے مطابق مذاکرات کرے، لیکن باقی 87 معاہدوں کی الگ الگ جانچ کرکے غیر ضروری کیپیسٹی پیمنٹس، مراعات اور منافع کم کرے۔ اس طرح عوام کے بجلی کے بلوں میں کافی کمی کی جا سک گی ۔
▫
حکومت بارہا کہتی ہے کہ معاہدے تبدیل یا ختم کیے گئے تو یہ بجلی کمپنیاں بین الاقوامی ثالثی میں چلی جائیں گی۔سوال یہ ہے کہ ان 105 معاہدوں میں سے حقیقتاً کن بجلی گھروں کو یہ حق حاصل ہے؟ کیا سرکاری، فوجی فلاحی اور مکمل پاکستانی نجی ادارے بھی بیرونِ ملک ثالثی میں جا سکتے ہیں، یا یہ خطرہ صرف غیر ملکی سرمایہ کاروں سے متعلق ہے؟عوام کو ہر معاہدے کی ملکیت، ثالثی کی شق اور اس کی تجدید کی قانونی و معاشی بنیاد جاننے کا حق ہے۔اس قسط میں یہ واضح ہو جائے گا کہ 105 پاور معاہدوں میں سے کتنے فریق اب بھی بین الاقوامی ثالثی کا دروازہ کھٹکھٹا سکتے ہیں۔ عوام یہ بھی سمجھ سکیں گے کہ بین الاقوامی ثالثی کا حقیقی خطرہ کن معاہدوں میں اب بھی موجود ہے، اور حکومت نے مدت ختم ہونے کے بعد بعض آئی پی پیز کے معاہدوں کو کیوں برقرار رکھا اور ان کی تجدید کس بنیاد پر کی۔ آئیے، پوری تفصیل سمجھتے ہیں۔🔲 عوامی تحقیقاتی سلسلہ | قسط 52موضوع: پاکستان کا بجلی کا نظام کیسے ٹھیک ہوگا؟عنوان: 105 آئی پی پیز کو علیحدہ علیحدہ کیٹگری میں رکھا جاۓ۔🔺 نجی اور سرکاری بجلی گھروں کو ایک ہی IPP نظام میں لانے کے بعد سوال یہ ہے کہ حکومت یہ نظام بدلنا بھی چاہتی ہے، یا اسے بجلی کے بلوں کی شکل میں عوام کی جیب سے پیسہ نکالنے کا آسان ذریعہ مل گیا ہے؟تحریر و تحقیق: سید شایانپاکستان کے بجلی کے نظام اور آئی پی پیز پر کی جانے والی میری تحقیق کی 50ویں قسط شائع ہوئی تو بہت سے قارئین نے سوال کیا کہ ملک میں 105 آئی پی پیز یا پاور معاہدوں کی موجودگی کا ثبوت کیا ہے اور ان منصوبوں کے اصل مالکان کون ہیں؟میں نے واضح کیا تھا کہ 105 پاور معاہدوں کا یہ سرکاری عدد وزارتِ توانائی نے پیش کیا تھا۔قارئین کا دوسرا اور زیادہ اہم سوال یہ تھا کہ ان بجلی گھروں اور کمپنیوں کے اصل مالکان کون ہیں؟اس قسط میں، میں ان تمام 105 پاور معاہدوں سے متعلق منصوبوں اور کمپنیوں کے نام باقاعدہ طور پر پیش کرنے جا رہا ہوں۔قارئین کی آسانی کے لیے میں نے انہیں 5 بنیادی حصوں میں تقسیم کیا ہے:1. وفاقی یا صوبائی حکومت کے زیرِ کنٹرول بجلی گھر اور منصوبے2. فوجی فاؤنڈیشن، ایف ایف سی گروپ اور دیگر فوجی فلاحی اداروں سے وابستہ منصوبے3. مکمل غیر ملکی ملکیت والے آئی پی پیز4. پاکستانی اور غیر ملکی شراکت داری Joint venture والے آئی پی پیز5. مکمل پاکستانی نجی ملکیت والے آئی پی پیزاس تقسیم کا مقصد یہ واضح کرنا ہے کہ پاکستان کے پاور معاہدوں میں حکومت، فوجی فلاحی اداروں، غیر ملکی سرمایہ کاروں اور پاکستانی کاروباری گروپوں کا اصل حصہ کتنا ہے۔امید ہے کہ یہ درجہ بندی 105 پاور معاہدوں کی ملکیت اور ساخت کو سمجھنے میں مدد دے گی اور اس موضوع پر پائی جانے والی الجھن کو کم کرے گی۔1۔ وفاقی یا صوبائی حکومتوں کے زیرِ کنٹرول 21 منصوبے۔یہ وہ منصوبے یا معاہدے ہیں جن کا بنیادی کنٹرول وفاقی حکومت، صوبائی حکومت، واپڈا، پاکستان اٹامک انرجی کمیشن، آزاد کشمیر یا کسی دوسرے ریاستی ادارے کے پاس ہے۔نمبر 1: آزاد کشمیر جاگراں اوّل پن بجلی منصوبہ، آزاد جموں و کشمیر کا سرکاری ہائیڈل منصوبہنمبر 2: چشمہ نیوکلیئر پاور پلانٹ سی 1، پاکستان اٹامک انرجی کمیشننمبر 3: چشمہ نیوکلیئر پاور پلانٹ سی 2، پاکستان اٹامک انرجی کمیشننمبر 4: چشمہ نیوکلیئر پاور پلانٹ سی 3، پاکستان اٹامک انرجی کمیشننمبر 5: چشمہ نیوکلیئر پاور پلانٹ سی 4، پاکستان اٹامک انرجی کمیشننمبر 6: سینٹرل پاور جنریشن کمپنی، جینکو دوم، وفاقی سرکاری جنریشن کمپنینمبر 7: دارال خوڑ پن بجلی منصوبہ، خیبر پختونخوا، پیڈونمبر 8: جامشورو کول پاور منصوبہ، جامشورو پاور کمپنی، سرکاری شعبہنمبر 9: کراچی نیوکلیئر پاور پلانٹ کے 2، پاکستان اٹامک انرجی کمیشننمبر 10: کراچی نیوکلیئر پاور پلانٹ کے 3، پاکستان اٹامک انرجی کمیشننمبر 11: کوٹ ادو پاور کمپنی لمیٹڈ، کیپکو، واپڈا سب سے بڑا شیئر ہولڈر، ملازمین کے ٹرسٹ سمیت ریاستی اثر و کنٹرولنمبر 12: مالاکنڈ سوم پن بجلی منصوبہ، خیبر پختونخوا کا سرکاری ہائیڈل منصوبہنمبر 13: نیلم جہلم پن بجلی منصوبہ، واپڈا، وفاقی سرکاری منصوبہنمبر 14: ناردرن پاور جنریشن کمپنی، جینکو سوم، وفاقی سرکاری جنریشن کمپنینمبر 15: نیشنل پاور پارکس مینجمنٹ کمپنی، بلوکی، وفاقی حکومتنمبر 16: نیشنل پاور پارکس مینجمنٹ کمپنی، حویلی بہادر شاہ، وفاقی حکومتنمبر 17: پنجاب تھرمل پاور، تریموں، حکومتِ پنجابنمبر 18: قائداعظم تھرمل پاور، بھکی، حکومتِ پنجابنمبر 19: قائداعظم سولر پاور پرائیویٹ لمیٹڈ، حکومتِ پنجابنمبر 20: رانیولیا پن بجلی کمپلیکس، خیبر پختونخوا، پیڈونمبر 21: واپڈا کے بجلی منصوبے، واپڈا کے متعدد ہائیڈل منصوبوں کا مجموعی اندراجان 21 سرکاری منصوبوں کی فہرست سے واضح ہوتا ہے کہ صارف ان کی بجلی، قرض، مقررہ اخراجات، کیپیسٹی چارجز اور بعض صورتوں میں سرمایہ کاری پر باقائدہ منافع ادا کرتا ہے۔ اس لیے عوام یہ پوچھنے میں حق بجانب ہیں کہ سرکاری منصوبوں کو کیپیسٹی چارجز اور منافع کس بنیاد پر، کس شرح سے اور کس مقصد کے لیے دیا جا رہا ہے؟2۔ فوجی فلاحی اداروں کے زیرِ کنٹرول 5 منصوبےیہ پاک فوج کے دفاعی بجٹ کے براہِ راست ادارے نہیں بلکہ فوجی فلاحی ٹرسٹوں اور ان کی کمرشل کمپنیوں کے کاروباری منصوبے ہیں۔ اس فہرست میں بنیادی نام فوجی فاؤنڈیشن اور فوجی فرٹیلائزر کمپنی سے متعلق ہیں۔نمبر 1: فوجی کبیر والا پاور کمپنی لمیٹڈ، فوجی فاؤنڈیشننمبر 2: ایف ایف سی انرجی لمیٹڈ، فوجی فرٹیلائزر کمپنینمبر 3: فاؤنڈیشن پاور کمپنی ڈہرکی لمیٹڈ، فوجی فاؤنڈیشننمبر 4: فاؤنڈیشن ونڈ انرجی اوّل لمیٹڈ، فوجی فاؤنڈیشننمبر 5: فاؤنڈیشن ونڈ انرجی دوم لمیٹڈ، فوجی فاؤنڈیشنان 5 منصوبوں کو صارفین کے بجلی کے بلوں سے کیپیسٹی چارجز، ٹیرف میں شامل منافع اور سرمایہ کاری پر منافع کیوں اور کس شرح سے دیا جا رہا ہے؟ یہ منصوبے غیر ملکی سرمایہ کاروں کے نہیں بلکہ ہمارے اپنے فوجی فلاحی اداروں کے زیرِ کنٹرول ہیں۔ حکومت یہ بھی واضح کرے کہ کیا ان کے معاہدوں میں واقعی بیرونِ ملک ثالثی کا حق موجود ہے؟ اگر نہیں تو انہیں بین الاقوامی ثالثی کے خطرے میں کیوں شامل کیا جاتا ہے؟3۔ سو فیصد غیر ملکی ملکیت کے منصوبے، 18یہ وہ منصوبے ہیں جن میں کوئی پاکستانی اسٹریٹجک ایکویٹی شریک سامنے نہیں آتا یا حقیقی اور فائدہ مند ملکیت عملاً مکمل غیر ملکی ہے۔ محض پاکستان میں کمپنی رجسٹر ہونے سے اسے پاکستانی منصوبہ نہیں سمجھا گیا۔نمبر 1: اپولو سولر ڈویلپمنٹ پاکستان لمیٹڈ، چینی اور ہانگ کانگ اسپانسرنمبر 2: بیسٹ گرین انرجی پاکستان لمیٹڈ، چینی اسپانسرنمبر 3: کریسٹ انرجی پاکستان لمیٹڈ، چینی اسپانسرنمبر 4: ہالمور پاور جنریشن کمپنی لمیٹڈ، برطانوی فائدہ مند ملکیت، مرکزی مالک تقریباً 99.9 فیصدنمبر 5: ہوا انرجی پرائیویٹ لمیٹڈ، غیر ملکی ہولڈنگ، جے سی ایم اور متعلقہ بیرونی سرمایہ کارنمبر 6: ساہیوال کول پاور ، ہوانینگ شانڈونگ رویی انرجی پرائیویٹ لمیٹڈ، چیننمبر 7: جھمپیر پاور پرائیویٹ لمیٹڈ، سنگاپور ہولڈنگ، کینیڈین جے سی ایم اور دبئی سے متعلق سرمایہنمبر 8: کروٹ پاور کمپنی پرائیویٹ لمیٹڈ، چائنا تھری گورجز گروپنمبر 9: میرا پاور لمیٹڈ، گلپور، کوریائی اسپانسرزنمبر 10: پورٹ قاسم الیکٹرک پاور کمپنی پرائیویٹ لمیٹڈ، چین اور قطر، دونوں حصے غیر ملکینمبر 11: اسٹار ہائیڈرو پاور لمیٹڈ، کوریائی اسپانسرز، پترینڈ پن بجلی منصوبہنمبر 12: توانیر ایران، ایرانی سرکاری بجلی فراہم کنندہ، پاکستان کے اندر آئی پی پی نہیں بلکہ درآمدی معاہدہنمبر 13: تھر کول بلاک 1 پاور جنریشن کمپنی، شنگھائی الیکٹرک اور چینی اسپانسرنمبر 14: تھری گورجز فرسٹ ونڈ فارم پاکستان، چائنا تھری گورجزنمبر 15: تھری گورجز سیکنڈ ونڈ فارم پاکستان، چائنا تھری گورجزنمبر 16: تھری گورجز تھرڈ ونڈ فارم پاکستان، چائنا تھری گورجزنمبر 17: یو ای پی ونڈ پاور پرائیویٹ لمیٹڈ، چینی ملکیتنمبر 18: زورلو انرجی پاکستان لمیٹڈ، زورلو انرجی، ترکیان 18 منصوبوں اور معاہدوں میں بین الاقوامی ثالثی اور غیر ملکی سرمایہ کاری کے قانونی تحفظ کا سوال سب سے زیادہ اہم ہے۔ عوام کو یہ جاننے کا حق ہے کہ ان میں سے کون سے منصوبے واقعی بین الاقوامی ثالثی میں جا سکتے ہیں، انہیں کس معاہدے یا قانون کے تحت یہ حق حاصل ہے اور حکومت نے ان کی شرائط تبدیل کرنے یا مدت پوری ہونے پر انہیں ختم کرنے کے بجائے کس بنیاد پر برقرار رکھا؟ محض غیر ملکی ملکیت حکومت کو ہر شرط تسلیم کرنے کا لامحدود جواز نہیں دیتی۔4۔ پاکستانی اور غیر ملکی مشترکہ ملکیت کے 17 منصوبےیہ سب سے زیادہ غلط فہمی پیدا کرنے والا خانہ ہے۔ ان منصوبوں کو کبھی مکمل غیر ملکی بنا کر پیش کیا جاتا ہے اور کبھی صرف پاکستانی گروپ کے نام سے۔ حقیقت یہ ہے کہ ان میں پاکستانی اور غیر ملکی اسٹریٹجک سرمایہ دونوں موجود ہیں۔ اس لیے کسی تنازعے، معاہدے میں تبدیلی یا ثالثی کے خطرے کا جائزہ لیتے وقت پاکستانی شریک کا حصہ بھی عوام کے سامنے ہونا چاہیے۔نمبر 1: اٹک جین لمیٹڈ، اٹک گروپ کے پاکستانی کارپوریٹ ادارے اور بیرونِ ملک ہولڈنگ اور فائدہ مند ملکیتنمبر 2: چائنا پاور حب جنریشن کمپنی پرائیویٹ لمیٹڈ، چائنا پاور اور پاکستانی حبکونمبر 3: اینگرو پاور جین تھر پرائیویٹ لمیٹڈ، پاکستانی اسپانسرز کے ساتھ چینی سی ایم ای سی کا حصہنمبر 4: گل احمد ونڈ پاور لمیٹڈ، پاکستانی گل احمد گروپ کے ساتھ انفراکو ایشیا اور بین الاقوامی سرمایہنمبر 5: ہڑپہ سولر پرائیویٹ لمیٹڈ، پاکستانی اکثریت کے ساتھ سری لنکن ونڈ فورس کا حصہنمبر 6: ہیلیوس پاور پرائیویٹ لمیٹڈ، ناروے کی اسکیٹک اور پاکستانی نظام انرجینمبر 7: ایچ این ڈی ایس انرجی پرائیویٹ لمیٹڈ، ناروے کی اسکیٹک اور پاکستانی نظام انرجینمبر 8: ہائیڈرو چائنا داؤد پاور پرائیویٹ لمیٹڈ، چینی ہائیڈرو چائنا اور پاکستانی داؤد شریکنمبر 9: میریڈین انرجی پرائیویٹ لمیٹڈ، ناروے کی اسکیٹک اور پاکستانی نظام انرجینمبر 10: میٹرو پاور کمپنی لمیٹڈ، پاکستانی علی محمد خاندان اور انفراکو ایشیانمبر 11: ایس کے ہائیڈرو پرائیویٹ لمیٹڈ، سکی کناری، چینی گیزوبا اکثریت اور پاکستانی اقلیتی شریکنمبر 12: تھل نووا پاور تھر پرائیویٹ لمیٹڈ، حبکو، تھل، نووا اور ڈیسکون کے ساتھ چینی سی ایم ای سینمبر 13: تھر انرجی لمیٹڈ، حبکو اور ایف ایف سی کے ساتھ چینی سی ایم ای سینمبر 14: ٹرائیکون بوسٹن اے، پاکستانی سیفائر اور ٹرائیکون اور غیر ملکی اسٹریٹجک شریکنمبر 15: ٹرائیکون بوسٹن بی، پاکستانی سیفائر اور ٹرائیکون اور غیر ملکی اسٹریٹجک شریکنمبر 16: ٹرائیکون بوسٹن سی، پاکستانی سیفائر اور ٹرائیکون اور غیر ملکی اسٹریٹجک شریکنمبر 17: زیفر پاور پرائیویٹ لمیٹڈ، پاکستانی خلیلی، اقبال اور دوسہ خاندان، اور برٹش انٹرنیشنل انویسٹمنٹ، سابقہ سی ڈی سی گروپاس کیٹگری میں 17 منصوبے شامل ہیں۔ حکومت کو ہر منصوبے کے بارے میں صاف بتانا چاہیے کہ اس میں پاکستانی سرمایہ کاروں کا کتنا حصہ ہے اور غیر ملکی سرمایہ کاروں کا کتنا۔ یہ بھی واضح کیا جائے کہ معاہدہ کون تبدیل کر سکتا ہے اور تنازع پیدا ہونے پر فیصلہ پاکستان میں ہوگا یا بیرون ملک۔ جس منصوبے میں پاکستانی اور غیر ملکی دونوں شریک ہوں، اسے مکمل غیر ملکی یا مکمل پاکستانی کہنا غلط ہے5۔ مکمل پاکستانی نجی ملکیت کے 44 پاور پراجیکٹسیہ وہ منصوبے ہیں جن کے معلوم اسٹریٹجک اسپانسر پاکستانی نجی گروپ، خاندان، صنعت یا پاکستانی کمپنی ہیں اور کسی واضح غیر ملکی اسٹریٹجک ایکویٹی پارٹنر کی نشاندہی نہیں ہوتی۔ یہاں پاکستانی سے مراد منصوبے کا اسٹریٹجک کنٹرول ہے، نہ کہ لسٹڈ کمپنی کے روزانہ بدلتے معمولی پبلک فلوٹ کی قومیت۔نمبر 1: اے سی ٹی ونڈ پرائیویٹ لمیٹڈ، ٹپال گروپ و دیگر پاکستانی گروپنمبر 2: اے سی ٹی 2 ڈِن ونڈ پرائیویٹ لمیٹڈ، اختر، اسماعیل اور تاپال گروپسنمبر 3: اے جے پاور پرائیویٹ لمیٹڈ، پاکستانی نجی اسپانسرزنمبر 4: المعیز انڈسٹریز لمیٹڈ، پاکستانی شوگر اور انڈسٹری گروپنمبر 5: آرٹسٹک انرجی پرائیویٹ لمیٹڈ، آرٹسٹک ملینرزنمبر 6: آرٹسٹک ونڈ پاور پرائیویٹ لمیٹڈ، آرٹسٹک ملینرزنمبر 7: اٹلس سولر لمیٹڈ، اٹلس اور شیرازی گروپ، سابق چینی اثاثہ اب پاکستانی کنٹرول میںنمبر 8: چنار انرجی لمیٹڈ، پاکستانی نجی اسپانسرنمبر 9: چنیوٹ پاور لمیٹڈ، پاکستانی شوگر گروپنمبر 10: دین نرجی لمیٹڈ، دین گروپنمبر 11: اینگرو پاور جین قادرپور لمیٹڈ، موجودہ پاکستانی اسپانسر، لبرٹی گروپنمبر 12: گل احمد الیکٹرک لمیٹڈ، گل احمد گروپنمبر 13: حمزہ شوگر ملز لمیٹڈ، پاکستانی شوگر گروپنمبر 14: انڈس ونڈ انرجی لمیٹڈ، انڈس گروپنمبر 15: جے ڈی ڈبلیو شوگر ملز یونٹ دوم، پاکستانی نجی گروپنمبر 16: جے ڈی ڈبلیو شوگر ملز یونٹ سوم، پاکستانی نجی گروپنمبر 17: کوہ نور انرجی لمیٹڈ، پاکستانی نجی گروپنمبر 18: لیک سائیڈ انرجی لمیٹڈ، نوینہ اور پاکستانی گروپنمبر 19: لاریب انرجی لمیٹڈ، حبکو کا 74.95 فیصد کنٹرول، باقی معلوم اسپانسر بھی مقامینمبر 20: لبرٹی ڈہرکی پاور لمیٹڈ، لبرٹی گروپ، سابق ٹی این بی اثاثہ اب پاکستانی ملکیتنمبر 21: لبرٹی پاور ٹیک لمیٹڈ، لبرٹی اور مکاٹی گروپنمبر 22: لبرٹی ونڈ پاور اوّل لمیٹڈ، لبرٹی گروپنمبر 23: لبرٹی ونڈ پاور دوم پرائیویٹ لمیٹڈ، لبرٹی گروپنمبر 24: لکی الیکٹرک پاور کمپنی لمیٹڈ، لکی اور یونس برادرز گروپنمبر 25: لکی رینیوایبلز پرائیویٹ لمیٹڈ، لکی گروپ، سابق ٹرائیکوم منصوبہنمبر 26: ماسٹر گرین انرجی لمیٹڈ، ماسٹر گروپنمبر 27: ماسٹر ونڈ انرجی لمیٹڈ، ماسٹر گروپنمبر 28: میٹرو ونڈ پاور لمیٹڈ، پاکستانی اقبال اور میٹرو گروپنمبر 29: نارووال انرجی لمیٹڈ، حبکو کی مکمل ملکیتنمبر 30: ناسڈا گرین انرجی لمیٹڈ، صورتی گروپنمبر 31: نشاط چونیاں پاور لمیٹڈ، نشاط اور منشا گروپنمبر 32: نشاط پاور لمیٹڈ، نشاط اور منشا گروپنمبر 33: اورینٹ پاور کمپنی پرائیویٹ لمیٹڈ، پاکستانی نجی اسپانسرزنمبر 34: آر وائی کے ملز لمیٹڈ، پاکستانی شوگر گروپنمبر 35: سچل انرجی ڈویلپمنٹ پرائیویٹ لمیٹڈ، عارف حبیب گروپنمبر 36: سیف پاور لمیٹڈ، سیف اللہ گروپنمبر 37: سیفائر الیکٹرک کمپنی لمیٹڈ، سیفائر گروپنمبر 38: سیفائر ونڈ پاور کمپنی لمیٹڈ، سیفائر ٹیکسٹائل اور بینک الفلاحنمبر 39: شاہ تاج شوگر ملز لمیٹڈ، پاکستانی نجی اور پبلک شیئر ہولڈرزنمبر 40: تیناگا جنراسی لمیٹڈ، پاکستانی داؤد لارنس پور اور متعلقہ گروپنمبر 41: تھل انڈسٹریز کارپوریشن لمیٹڈ، پاکستانی نجی گروپنمبر 42: اوچ پاور لمیٹڈ، 2024 کی خریداری کے بعد سیفائر فائبرز اور مائنڈ برج، دونوں پاکستانینمبر 43: اوچ دوم پاور پرائیویٹ لمیٹڈ، 2024 کی خریداری کے بعد سیفائر فائبرز اور مائنڈ برج، دونوں پاکستانینمبر 44: یونس انرجی لمیٹڈ، یونس برادرز اور لکی گروپیہ 44 منصوبوں پر مشتمل سب سے بڑی کیٹگری بہے۔ اس لیے یہ عمومی دعویٰ درست نہیں کہ تمام پاور معاہدوں کو صرف غیر ملکی سرمایہ کاروں کی بین الاقوامی ثالثی کے خوف سے تبدیل نہیں کیا جا سکتا۔عوام کو یہ جاننے کا حق ہے کہ ان مکمل پاکستانی کمپنیوں میں سے کن کمپنیوں کے معاہدوں میں بیرونِ ملک ثالثی کی شق موجود ہے، انہیں کیپیسٹی چارجز اور سرمایہ کاری پر منافع کس بنیاد پر دیا جا رہا ہے اور مدت ختم ہونے کے بعد بعض معاہدوں کو کیوں برقرار رکھا گیا یا ان کی تجدید کیوں کی گئی؟اس قسط کے آخر میں گذارش ہے کہ جب تک حکومت خود مکمل جدول جاری نہیں کرتی، یہ پانچ پوائنٹس یاد رکھیں۔21 سرکاری + 5 فوجی فلاحی + 18 مکمل غیر ملکی + 17 مشترکہ + 44 مکمل پاکستانی = 105۔(جاری ہے۔ باقی اگلی قسط میں)
