بھجواۓ ہیں
▫️زیادہ درجہ حرارت اور کم بارشیں جنگلات کو خشک اور آتش گیر بنا رہی ہیں، جس سے آگ لگنے کے امکانات بڑھتے جا رہے ہیں۔
▫️جنگلوں میں آگ کیوں لگتی ہے ؟ ایک جائزہ
اردو کا ایک محاورہ ہے “جنگل کی آ گ کی طرح پھیلنا” اور یہ عموماً اس وقت بولا جاتا ہے کہ جب کسی واقعہ یا اطلاع کے پھیلنے کی رفتار کو بیان کرنا ہو۔ مثال کے طور
“اس کی کامیابی کی خبر جنگل کی آگ کی طرح پورے شہر میں پھیل گئی”۔
دیکھا جاۓ تو عام حالات میں جنگل کی آگ کی رفتار 1.6 سے 9.6 کلومیٹر فی گھنٹہ تک ہوتی ہے۔ لیکن اگر اس وقت ہوا بھی چل رہی ہو تو آگ کی رفتار 16 سے 24 کلومیٹر فی گھنٹہ تک جا پہنچتی ہے۔ اس کے مقابلے میں ایک صحت مند انسان کے چلنے کی اوسط رفتار تقریباً 5 سے 6.5 کلومیٹر فی گھنٹہ ہوتی ہے اور دوڑنے کی رفتار 13 سے 16 کلومیٹر فی گھنٹہ تک ہوتی ہے۔
اس لئیے یہ ضروری نظر آتا ہے کہ پاکستان کے اربن ماہرین جنگلوں اور شہروں کے درمیان خصوصاً اسلام آباد کے لئیے ایک واضح بفر زون Buffer Zone قائم کریں اور ان میں ‏(Firebreaks) یا “زمین کی پٹیاں” تیار کی جائیں فائر بریکس کا مقصد آگ کے پھیلاؤ کو روک کر آگ بجھانے میں مدد فراہم کرنا اور انسانی جانوں اور املاک کی حفاظت کرنا ہوتا ہے۔ دراصل یہ وہ خالی جگہیں ہوتی ہیں جو جنگل یا آگ کے متاثرہ علاقے میں جان بوجھ کر خالی چھوڑی جاتی ہیں تاکہ آگ کو پھیلنے سے روک کر کسی بھی ناگہانی حادثے سے بچا جا سکے۔
پاکستان میں حالیہ جنگلات کی آگ نے عوام اور حکام دونوں کو پریشان کر دیا ہے۔ اس وقت ملک میں مختلف مقامات پر جنگلوں میں آگ بھڑک رہی ہے، جن میں بلوچستان کے کوہ سلیمان کے علاقے میں سب سے زیادہ نقصان ہو رہا ہے۔ یہاں چلغوزے کے درختوں کا تقریباً 40 فیصد حصہ جل چکا ہے۔ چلغوزے کے درختوں کا جلنا ایک بڑا ماحولیاتی اور معاشی نقصان ہے۔
اس کے علاوہ، خیبر پختونخوا کے شانگلہ ضلع میں بھی آگ لگنے کے واقعات پیش آئے ہیں جن میں چار افراد ہلاک ہو گئے ہیں
اسلام آباد کے مارگلہ ہلز نیشنل پارک میں حالیہ جنگلات کی آگ کے نتیجے میں تقریباً 45 ایکڑ رقبے پر آگ بھڑک چکی ہے، جس نے بہت سے درختوں کو شدید نقصان پہنچایا ہے اس آگ نے بہت سے جنگلی جانوروں کے habitats کو تباہ کر دیا، جس سے ان کی بقا کو خطرہ لاحق ہو گیا ہے۔ کچھ جنگلی جانور آگ سے بچنے کے لئے اپنے علاقے چھوڑنے پر مجبور ہو گئے ہیں۔
پاکستان میں فارسٹ (Forests) اور مینگرووز (Mangroves) دو طرح کے جنگلات ہیں۔ فارسٹ زمینی جنگلات ہیں جو خشکی پر اگتے ہیں اور پہاڑی، میدانی، اور ریگستانی علاقوں میں پائے جاتے ہیں۔ یہ جنگلات میٹھے پانی یا خشکی پر اگتے ہیں اور مختلف اقسام کی جنگلی حیات کا مسکن ہوتے ہیں، اور کاربن ڈائی آکسائیڈ کو جذب کرتے ہیں۔ دوسری طرف، مینگرووز Mangroves
ساحلی جنگلات ہیں جو کھارے پانی میں اگتے ہیں اور سمندری ساحلوں پر پائے جاتے ہیں۔ یہ جنگلات ساحلی کٹاؤ کو روکتے ہیں اور سمندری جانداروں کا مسکن ہیں۔
پاکستان میں تقریباً 15 کے قریب زمینی جنگل اور 37 کے قریب نیشنل پارکس ہیں اور گزشتہ دس سالوں میں پوری دنیا میں زمینی جنگلوں میں آتشزدگی کے واقعات میں حد درجہ اضافہ ہُوا ہے۔
جنگلوں میں آگ لگنے کی وجوہات کئی ہوسکتی ہیں اور یہاں چند اہم وجوہات بیان کی جارہی ہیں:
1. موسمی تبدیلیاں (Climate Change) : حالیہ دہائیوں میں موسمی تبدیلیاں بڑھ گئی ہیں جس کی وجہ سے درجہ حرارت میں اضافہ ہوا ہے۔ یہ اضافہ خشک سالی کا سبب بنتا ہے جس سے جنگلوں کو آگ لگنے کے امکانات زیادہ ہوجاتے ہیں۔
2. انسانی عوامل (Human Factors) : انسانوں کی جانب سے جنگلوں میں پکنک، کیمپنگ، اور دیگر سرگرمیاں بڑھ گئی ہیں۔ ان سرگرمیوں کے دوران آگ کا غیر محتاط استعمال جنگلوں میں آگ لگنے کا سبب بن سکتا ہے۔
3. بجلی کی تاریں (Electrical Lines) : جنگلوں کے قریب سے گزرنے والی بجلی کی تاریں کبھی کبھی ٹوٹ جاتی ہیں اور آگ لگنے کا سبب بنتی ہیں۔
4. قدرتی وجوہات (Natural Causes) : قدرتی وجوہات جیسا کہ آسمانی بجلی کا گرنا بھی جنگلوں میں آگ لگنے کا سبب بن سکتا ہے۔
5. زرعی سرگرمیاں (Agricultural Activities) : کسانوں کی جانب سے کھیتوں کو جلانے کی کوشش بھی کبھی کبھار جنگلوں میں آگ پھیلنے کا سبب بنتی ہے۔
6.لکڑی کاٹنا (Deforestation): جنگلات کی کٹائی اور لکڑی کا غیر قانونی حصول جنگلات کو کمزور بنا رہا ہے، جس سے آگ لگنے کے امکانات بڑھ گئے ہیں۔
7.غیر مؤثر جنگل انتظام (Ineffective Forest Management):
جنگل کی صفائی (Forest Clearing): کچھ علاقوں میں جنگلات کی مؤثر صفائی نہیں کی جاتی، جس سے خشک پودے اور لکڑی جمع ہوجاتی ہے، جو آگ لگنے کا سبب بن سکتی ہے۔
جنگل کی آگ جسے Bushfire یا wildfire بھی کہتے ہیں،
کی وجہ سے از حد ماحولیاتی نقصان ہوتا ہے، جس میں درختوں کی تباہی، جنگلی حیات کا نقصان، اور فضائی آلودگی شامل ہیں۔ آگ سے بچاؤ کے لئے مناسب اقدامات اور عوامی آگاہی کی مہم کی ضرورت ہے تاکہ جنگلات کی حفاظت کی جا سکے۔
(سید شایان نے یہ آرٹیکل شہری و دیہی زندگی کے رئیل اسٹیٹ ریسرچ پورٹل اور تھنک ٹینک SyedShayan.com کے لئیے تحریر کیا)

شخصیات نے گھر میں رہنے کی بجاۓ زندگی کا بیشتر حصہ ہوٹلوں میں گزارا اور پھر وہیں ہوٹل میں یا کسی ہسپتال میں وہ انتقال کر گئے۔
آئیے! جانتے ہیں۔
🔹 کوکو شنیل (Coco Chanel) مشہور فرانسیسی خاتون فیشن ڈیزائنر تھیں، جنہوں نے 20ویں صدی میں فیشن کی دنیا میں انقلاب برپا کیا۔ وہ اپنی جدید اور نفیس ڈیزائننگ کے لیے مشہور ہیں، جیسے
‏ (Little Black Dress)

اور چینل نمبر 5 پرفیوم (Chanel No. 5 perfume)۔
ان کا برانڈ “شانل” (Chanel) دنیا بھر میں لگژری فیشن، پرفیومز اور اعلیٰ معیار کی مصنوعات کے لیے جانا جاتا ہے۔ شانل کے لوگو کے دو آپس میں جڑے ہوئے “C” ہیں، جو کوکو شینیل کے نام کی علامت ہیں۔

کوکو شینیل (Coco Chanel) 1930 کی دہائی میں ہوٹل رٹز (Hotel Ritz) میں رہائش پذیر ہوئیں اور پھر دوسری جنگ عظیم کے دوران بھی وہیں رہیں۔ جنگ کے بعد بھی ان کا قیام ہوٹل رٹز میں ہی رہا۔

وہ تقریباً 30 سال تک ہوٹل رٹز میں مقیم رہیں، اور 10 جنوری 1971 کو اسی ہوٹل میں ان کا انتقال ہوا۔ ہوٹل رٹز ان کی زندگی کا ایک اہم حصہ بن گیا تھا اور ان کے مشہور فیشن ہاؤس کے قریب ہونے کے باعث یہ ہوٹل ان کے لیے ایک مثالی رہائش گاہ تھی۔

🔹ایلن مسک (Elon Musk) نے اپنی مشہور الیٹرک کار ٹیسلا (Tesla) کا نام ، ایک مشہور سائنسدان اور مُوجد نکولا ٹیسلا (Nikola Tesla) کے نام پر رکھا ہے

نکولا ٹیسلا کی سب سے مشہور ایجادات میں اے سی (Alternating Current) اور ٹیسلا کوائل شامل ہیں۔

نکولا ٹیسلا نے اپنی زندگی کے آخری 10 سال نیویارک کے “نیو یارکر ہوٹل” (New Yorker Hotel) میں گزارے۔ وہ 1933 میں اس ہوٹل میں منتقل ہوئے اور 1943 تک وہیں مقیم رہے۔ ان کا انتقال 7 جنوری 1943 کو اسی ہوٹل کے کمرہ نمبر 3327 میں ہوا۔
🔹جسٹس اے آر کارنیلئس (Justice A.R. Cornelius):
جسٹس اے آر کارنیلئس، پاکستان کے قانونی فلسفی، معروف جج اور سپریم کورٹ آف پاکستان کے چیف جسٹس تھے۔ انئوں نے 1960 سے 1968 تک چیف جسٹس آف پاکستان کے طور پر خدمات سرانجام دیں۔

آگرہ میں پیدا ہونے والے جسٹس کارنیلئس نے لاہور کے فلیٹیز ہوٹل (Faletti’s Hotel) میں اپنی زندگی کا ایک بڑا حصہ گزارا۔ اس ہوٹل میں ان کے قیام کے دوران، ان کے لئے ایک خاص کمرہ مختص تھا، جسے اب “جسٹس کارنیلئس سویٹ” (Justice Cornelius Suite) کہا جاتا ہے۔ انہوں نے اس ہوٹل میں تقریباً 40 سال گزارے، جسٹس اے آر کارنیلئس کا انتقال 21 دسمبر 1991 کو لاہور کے سروسز اسپتال میں ہُوا جب انہیں شدید علالت کے سبب فلیٹیز ہوٹل سے سروسز ہسپتال منتقل کیا گیا تھا ۔ جہاں وہ کچھ دن کے بعد انتقال کر گئے۔

ان کی علالت کی خبر کا اخبارات میں پڑھ کر ان کے بیٹے مائیکل کارنیلئس امریکہ سے پاکستان پہنچے آخری وقت میں وہ اور سروسز ہسپتال کے اسوقت کے رجسٹرار اور آج کے ہارٹ فزیشن، ڈاکٹر جاوید سبزواری ( ڈاکٹر صاحب اطلاعاً میرے بڑے بھائی بھی ہیں😎) ان کے پاس تھے۔

جسٹس کارنیلئس کا شمار پاکستان کے سب سے زیادہ محترم اور بااصول ججوں میں ہوتا ہے۔ ان کی زندگی اور خدمات نے پاکستان کی عدلیہ پر گہرے اثرات مرتب کیے ہیں۔

🔹ہاورڈ ہیوز (Howard Hughes) ایک مشہور امریکی کاروباری شخصیت، فلم پروڈیوسر، اور ہوا باز تھے، جنہوں نے ۔ 1938 میں، انہوں نے دنیا کے گرد تیز ترین سفر مکمل کر کے عالمی شہرت حاصل کی۔

ہاورڈ ہیوز کا تعلق ایک بہت ہی امیر خاندان سے تھا۔

انہوں نے ہالی ووڈ میں بھی اپنی شناخت بنائی۔ انہوں نے کئی مشہور فلموں کی پروڈکشن کی، جن میں "ہیلز اینجلس" (Hell's Angels)، "دی آؤٹ لاء" (The Outlaw)، اور "سکارفیس" (Scarface) شامل ہیں۔ ان کی فلمیں اپنے وقت کی جدید ترین اور مہنگی پروڈکشنز میں شمار ہوتی تھیں۔

ہاورڈ ہیوز (Howard Hughes) اپنی زندگی کے آخری سالوں میں مختلف ہوٹلوں میں رہائش پذیر رہے۔ ان کا یہ پرسرار اور تنہائی کا شکار یہ طرزِ زندگی 1966 کے آس پاس شروع ہوا جب انہوں نے لاس ویگاس میں ڈیزرٹ ان ہوٹل (Desert Inn Hotel) میں قیام کرنا شروع کیا۔ اس کے بعد، وہ مختلف شہروں میں مختلف ہوٹلوں میں مقیم رہے، جن میں لاس اینجلس، ناسو، لندن، نکوسیا، اور دیگر مقامات شامل تھے۔

ہاورڈ ہیوز نے اپنی زندگی کے آخری تقریباً 10 سال گھر سے باہر دوستوں کے ساتھ ان کے محلوں میں یا لگژری ہوٹلوں میں گزارے۔ ان کا یہ طرزِ زندگی ان کی بڑھتی ہوئی پراسراریت اور تنہائی پسندی کی وجہ سے مشہور تھا۔

ہاورڈ ہیوز (Howard Hughes) کا انتقال 5 اپریل 1976 کو ہوا۔ اس وقت وہ میکسیکو کے شہر اکاپولکو (Acapulco, Mexico) میں ایک ہوٹل میں مقیم تھے۔ ان کا انتقال ان کی ذاتی ہوائی جہاز میں اس وقت ہوا جب انہیں طبی امداد کے لیے ہسپتال لے جایا جا رہا تھا۔

🔹تنسی ولیمز (Tennessee Williams) جو ایک

مشہور امریکی ڈراما نگار تھے، جو “اے اسٹریٹ کار نیڈ ڈیزائر” (A Streetcar Named Desire) اور “کیٹ آن اے ہاٹ ٹِن روف” (Cat on a Hot Tin Roof) جیسے کلاسک ڈراموں کے لیے مشہور ہیں نے اپنی زندگی کے آخری 15 سالوں کا بڑا حصہ نیویارک کے ہوٹل الیسی (Hotel Elysée) میں گزارا۔ وہ اس ہوٹل میں قیام پذیر تھے کیونکہ وہ اپنے کام کے لیے ایک پرسکون اور مستقل جگہ چاہتے تھے۔ تنسی ولیمز کا انتقال 25 فروری 1983 کو ہوٹل الیسی میں ہی ہوا۔

تنسی ولیمز کی زندگی میں ہوٹل الیسی ان کا گھر بن گیا تھا، جہاں انہوں نے اپنے آخری سال گزارے اور اپنی بہت سی تخلیقات مکمل کیں۔

🔹آرٹیکل کے آخر میں ، میں ایک گمنام جاپانی خاتون حساکو ہاسےگاوا کی پراسرار زندگی کے بارے میں بتانا چاہوں گا جو لگ بھگ 40 سال نیویارک کے قلب میں ایک بہترین لگژری ہوٹل، بیلویڈیر ہوٹل (Belvedere Hotel) کے کمرہ 208 میں رہی۔ ان کے بارے میں زیادہ معلوم نہیں ہو سکا، یہاں تک کہ ان لوگوں کو بھی جو روزانہ انہیں راہداریوں میں ملتے یا ان کے ساتھ رہتے تھے۔ وہ 1934 میں جاپان میں پیدا ہوئی تھیں، اور 1970 کی دہائی میں نیویارک منتقل ہوئیں۔ لوگوں کا کہنا ہے کہ وہ سب کے ساتھ مہربان اور خوش اخلاق تھیں۔ ہوٹل کے عملے کو وہ پسند تھیں کیونکہ وہ ہمیشہ ان کا خیرمقدم کرتی تھیں اور ان کی چھوٹی چھوٹی مہربانیوں کے لیے ان کا شکریہ ادا کرتی تھیں۔

ہوٹل میں مقیم ایک اور خاتون رینی کویریجرو، جو ان کے سامنے والے کمرے میں رہتی تھیں اور ہاسےگاوا کبھی کبھی ان سے مختصر بات چیت کر لیا کرتی تھیں، لیکن انہوں نے اپنے بارے میں زیادہ کبھی کسی کو کچھ نہیں بتایا۔ یہاں تک کہ ایک دن 2016 میں، ہاسےگاوا اپنے اپارٹمنٹ میں 82 سال کی عمر میں مُردہ پائی گئیں۔

انہیں نیویارک کے ہارٹ آئی لینڈ، امریکہ کے سب سے بڑے عوامی قبرستان، میں دفن کیا گیا۔ مجھے ان کی کہانی ریڈیو ڈائریز کے پروگرام "دی ان مارکڈ گریویارڈ" سے ملی ہے۔

افسوس؛ یہ گمنامی ان کی موت کے بعد بھی ان کے ساتھ رہی۔

میں ممنون ہوں اپنے آفس کی گرافکس انچارج ، اقرأ نواز کا جنہوں نے مضمون کی تصاویر کو آپ کے لئیے آسان کر کے پیش کیا۔

(سید شایان نے یہ آرٹیکل رئیل اسٹیٹ ریسرچ پورٹل اور تھنک ٹینک SyedShayan.com کے لئیے تحریر کیا)

ولا” کا نام دیا تھا۔ دلیپ کمار سے ناکام محبت اور پھر بعد میں کشور کمار سے شادی کے وقت بھی وہ اسی گھر میں تھی اور یہیں اس کا انتقال ہوا ، جس کے بعد یہ گھر کافی عرصہ غیر آباد بھی رہا یہاں تک کہ لوگوں میں یہ داستانیں عام ہو گئیں کہ رات کو اس غیر آباد گھر سے کسی عورت کے رونے کی آواز آتی ہے۔ جو اپنی ادھوری محبت کو یاد کر کے روتی ہے چنانچہ ایک وقت آیا کہ اس گھر کے ارد گرد سے لوگوں نے گزرنا

کم کر دیا اور یہ گھر ایک عرصے تک بھوت بنگلہ کے نام سے مشہور بھی رہا، تاوقتیکہ اسے گرا کر اس جگہ پر ایک کمرشل بلڈنگ تعمیر کر دی گئی۔

باندرا ممبئی، بھارت کا ایک مشہور علاقہ ہے جو اپنے پوش ماحول اور فلمی ستاروں کی رہائشگاہوں کی وجہ سے جانا جاتا ہے۔ آپ اسے لاہور کا گلبرگ سمجھ لیجئیے۔ یہ علاقہ مشرقی باندرا (Bandra East) اور مغربی باندرا (Bandra West) میں تقسیم ہے۔ مغربی باندرا خاص طور پر اپنی شاندار سڑکوں، ریستورانوں، کیفے، اور خریداری کی جگہوں کی وجہ سے مشہور ہے۔ اس علاقے میں کئی مشہور فلمی ستاروں اور کاروباری شخصیات کے مکانات بھی موجود ہیں۔

پالی ہِل ( Pali Hill ) باندرا ویسٹ (Bandra West) کا ایک خاص اور اعلیٰ طبقے کا رہائشی علاقہ ہے۔ یہ علاقے اپنے خوبصورت مکانات، ہرے بھرے ماحول، اور پرسکون فضاء کے لیے مشہور ہیں۔ پالی ہِل میں کئی مشہور شخصیات اور بالی ووڈ کے اداکاروں دلیپ کُمار، سائرہ بانو، عامر خان، سنجے دت ، جاوید اختر ، روینہ ٹنڈن ، فریدہ جلال کے گھر بھی موجود ہیں

مدھوبالا کے بارے میں لائف میگزین (Life Magazine) نے اگست 1951 میں ایک فیچر شائع کیا تھا۔ کہ جب اس کی خوبصورتی اور اداکاری نے بین الاقوامی سطح پر بھی مقبولیت حاصل کر لی تھی۔ اس فیچر میں اس کےگھر کے اندر اور باہر کی کچھ تصاویر بھی شائع کی گئیں تھیں وہی تصاویر میں اس وقت آپ سے شئیر کر رہا ہوں۔

ان تصاویر کو دیکھ کر لگتا ہے کہ یہ گھر ممبئی کے قدیمی فن تعمیر کا نمونہ ہے۔ اور یہ گھر ممکنہ طور پر بمبئی ڈیکو آرٹ اسٹائل میں بنا ہو سکتا ہے، جو 1930 اور 1950 کے دوران بہت مشہور تھا۔ اس میں موجود خصوصیات جیسے کہ چھت پر موجود راؤنڈ بالکنیز، گولائی والی کھڑکیاں، اور سفید چونے کا استعمال، اس دور کے فن تعمیر کی عکاسی کرتا ہے یہ گھر یا تو برطانوی راج کے آخری عشروں میں بنا ہو سکتا ہے یا پھر آزادی کے فوراً بعد۔ بہرحال، بغیر کسی واضح تاریخ یا معلومات کے، صحیح سن کا تعین کرنا ممکن نہیں ہے۔

مدھوبالا کا انتقال 23 فروری 1969 کو ہوا تھا، جب ان کی عمر صرف 36 سال تھی۔

(یہ آرٹیکل سید شایان نے رئیل اسٹیٹ ریسرچ پورٹل اور تھنک ٹینک SyedShayan.com کے لئیے تحریر کیا)

جیسے سافٹ ویئر جینئس کے لیے ہی بنایا جا سکتا ہے۔ اس گھر میں گھومتے ہوۓ قدم قدم پر احساس ہوتا ہے کہ ایسا گھر کسی technology lover کا ہی ہو سکتا ہے۔ یہ 66,000 مربع فٹ پر محیط ہے اور میڈینا، واشنگٹن میں واقع ہے۔ (میڈینا ، سیئٹل کے مشرق میں واقع ایک پرتعیش اور محفوظ رہائشی علاقہ ہے۔) زینادو کی تعمیر میں 7 سال لگے اور یہ بل گیٹس کی باقائدہ رہائش گاہ بھی ہے جہاں وہ 2005 میں شفٹ ہوۓ۔
اس گھر کی تعمیر اور اس میں استعمال ہونے والی جدید ترین ٹیکنالوجی نے اسے دنیا کے سب سے منفرد اور شاندار گھروں میں شامل کر دیا ہے۔
1941میں ریلیز ہونے والی فلم “Citizen Kane” میں
فلم کا مرکزی کردار اداکار چارلس فوسٹر کین، جو کہ ایک میڈیا ٹائیکون ہے، اپنے ذاتی محل “Xanadu” میں رہتا ہے، جو کہ اس کی بے پناہ دولت اور طاقت کی علامت ہے۔ بل گیٹس کے گھر “زینادو 2.0” کا نام مجھے اس فلم کی شاندار اسٹیٹ کی یاد دلاتا ہے،
"زینادو" (Xanadu) کا مطلب شاندار اور پُرتعیش جگہ ہے، اور بل گیٹس نے واقعی یہاں اپنی جنت تخلیق کی ہے۔
زینادو نام کے آگے 2.0 کا ریفرنس جدیدیت، اپ گریڈیشن، اور 2nd generation یا ورژن کی طرف اشارہ کرتا ہے۔ یہ اصطلاح عام طور پر سافٹ ویئر اور ٹیکنالوجی کی دنیا میں استعمال ہوتی ہے، جہاں کسی پروڈکٹ یا سسٹم کا نیا اور بہتر ورژن پیش کیا جاتا ہے۔ جیسا کہ
‏ “Windows 2.0” یا “Web 2.0” جو اپنے پہلے ورژنز کے مقابلے میں زیادہ بہتر اور جدید ہیں۔ یا
‏“Web 2.0” کا مطلب ایسی ویب سائٹس اور سروسز ہیں جو انٹرایکٹو اور یوزر جنریٹڈ کانٹینٹ کی بنیاد پر بنی ہوتی ہیں۔
بل گیٹس کے گھر کو “زینادو 2.0” کا نام دینے کا مطلب یہ ہے کہ یہ ایک جدید، اپ گریڈ شدہ اور تکنیکی طور پر دوسرے گھروں کی نسبت ترقی یافتہ رہائش گاہ ہے۔
اس گھر کی خاص بات یہ ہے کہ گھر کے مکین یا مہمان دیواروں پر موجود آرٹ ورک کو ایک ٹچ سے بدل سکتے ہیں، کیونکہ دیواریں بالکل ٹچ اسکرین کی طرح کام کرتی ہیں۔ یہاں ایک 60 فٹ کا سوئمنگ پول ہے جس میں زیرِآب موسیقی کا نظام ہے اور ایک مصنوعی ندی ہے جس میں مچھلیاں بھی موجود ہیں۔ بل گیٹس کا پسندیدہ 40 سالہ میپل کا درخت الیکٹرانک طریقے سے مانیٹر کیا جاتا ہے اور اسے 24 گھنٹے پانی فراہم کیا جاتا ہے۔ اس کے علاوہ، یہ گھر قدرتی ماحول کا فائدہ اٹھا کر درجہ حرارت کو کنٹرول کرتا ہے اور حرارت کے ضیاع کو کم کرتا ہے۔
گھر کے اردگرد موجود مصنوعی ندی اور باغات نہ صرف نظروں کو خوبصورتی فراہم کرتے ہیں بلکہ اردگرد کے ماحول کو بھی ٹھنڈا رکھتے ہیں۔ یہ ندی پانی کی خصوصیات اندرونی درجہ حرارت کو متوازن رکھنے میں مدد کرتی ہے۔ ندی اور باغات کی وجہ سے گھر کے اندرونی درجہ حرارت میں توازن رہتا ہے۔ اور قدرتی طریقے سے ہوا کو ٹھنڈا کرنے میں مدد ملتی ہے ، جس سے ایئر کنڈیشننگ کی ضرورت کم ہو جاتی ہے۔
بل گیٹس اور میلنڈا گیٹس نے مئی 2021 میں اپنی طلاق کا اعلان کیا تھا۔ ان کی طلاق 2021 میں ہوئی تھی، اور اسی سال انہوں نے اپنی جائیداد اور اثاثوں کی تقسیم کے بارے میں معاہدہ کیا تھا۔ لیکن آج مئی 2024 میں بھی بِل گیٹس اسی گھر میں مقیم ہیں اس کا مطلب یہ ہے کہ اثاثوں کی تقسیم میں یہ گھر بل گیٹس کے حصّے میں آیا ہے
اس گھر میں 7 بیڈ رومز اور 24 باتھ رومز ہیں اور 2500 مربع فٹ کا جِم بھی ہے جس کے ساتھ ٹرامپولین روم بھی شامل ہے
گھر میں ایک وسیع کتب خانہ ہے جس میں نادر اور قیمتی کتابوں کا ذخیرہ موجود ہے۔ اس کتب خانے میں لیونارڈو دا ونچی کی نوٹ بکس میں سے ایک نایاب نوٹ بک بھی شامل ہے، جسے بل گیٹس نے 30.8 ملین ڈالر میں خریدا تھا۔
گھر کے ٹرامپولین روم کی چھت 20 فٹ اونچی ہے، جہاں بچوں اور بڑوں دونوں کے لیے تفریح کا انتظام ہے۔ یہاں ایک ہوم تھیٹر بھی موجود ہے جو 20 لوگوں کے بیٹھنے کی گنجائش رکھتا ہے اور انتہائی جدید ساؤنڈ اور ویژول سسٹمز سے لیس ہے۔
گھر میں جگہ جگہ سینسرز نصب ہیں جو رہائش پذیر افراد کی موجودگی کو محسوس کرتے ہیں اور ان کی موومنٹ کے مطابق لائٹس اور دیگر سسٹمز کو ایڈجسٹ کرتے ہیں۔تمام سسٹمز ایک مرکزی کمپیوٹر کے ذریعے کنٹرول کیے جاتے ہیں۔
بل گیٹس کے گھر “زینادو 2.0” میں ایک وسیع گیراج موجود ہے جس میں 23 سے 24 گاڑیوں کی گنجائش ہے۔ بل گیٹس کی کار کلیکشن میں مختلف لگژری اور کلاسک گاڑیاں شامل ہیں، جن میں سے زیادہ تر پورش برانڈ کی ہیں۔ ان کی کلیکشن میں پورش 959، پورش ٹائیکن ٹربو، پورش 911 (930)، فراری 348، بی ایم ڈبلیو 7 سیریز، ٹیسلا ماڈل ایکس، مرسڈیز بینز ایس کلاس، فورڈ فوکس، اور شیورلیٹ سبربن جیسی گاڑیاں شامل ہیں۔ یہ گاڑیاں نہ صرف ان کی لگژری زندگی کی عکاسی کرتی ہیں بلکہ ان کی گاڑیوں کے شوق کو بھی ظاہر کرتی ہیں۔
بلاشبہ بل گیٹس کا یہ گھر ان کی ذاتی پسند اور ٹیکنالوجی سے ان کی محبت کا عکاس ہے،
(سید شایان نے یہ آرٹیکل رئیل اسٹیٹ ریسرچ پورٹل اور تھنک ٹینک SyedShayan.com کے لئیے تحریر کیا)

اصطلاح رائج ہے
یہ دور اندازًہ 2.5 ملین سال قبل شروع ہوا اور تقریباً 10,000 سال قبل ختم ہوا۔ اس دور میں انسان زیادہ تر غاروں یا عارضی پناہ گاہوں میں رہتا تھا۔ غاروں کا زمانہ (Cave Dwelling Era) یا پالیتھک دور میں انسانی زندگی کا انحصار شکار اور جنگلی پھلوں پر تھا۔

▫️اس کے بعد نیولیتھک دور (Neolithic Era) یعنی جدید پتھر کا زمانہ (New Stone Age)، تقریباً 10,000 سال قبل شروع ہوا۔ اس دور میں انسان نے غاروں سے نکل کر مٹی، پتھر ، اور لکڑی کے مستقل مکانات بنائے۔ اور ایک دوسرے کے ساتھ ساتھ گھر بنا کر رہنا شروع کیا۔ زراعت کا آغاز ہوا، مویشی پالنا (domestication of animals) اور مٹی کے برتن کی ایجاد نے بھی انسانی طرزِ رہائش کو متاثر کیا۔

▫️ اس کے بعد انسانی تہذیب میں کانسی Bronze داخل ہوتی ہے اور یہ کانسی کا دور (Bronze Age) کہلاتا ہے۔ یہ دور، تقریباً 3300 قبل مسیح میں شروع ہوا۔ اس دور میں شہری بستیوں (urban settlements) کی تعمیر شروع ہوئی اور مکانات، عوامی عمارات (public buildings)، اور قلعے (fortresses) بنائے جانے لگے۔ آرکیٹکٹ یا ماہرینِ تعمیرات کا نیا شعبہ سامنے آیا جس کے نتیجے میں مٹی، پتھر، اور کانسی (bronze) کے استعمال سے مضبوط اور پائیدار عمارات کی تعمیرات کا آغاز ہُوا۔
▫️اس کے بعد لوہے کا دور (Iron Age) تقریباً 1200 قبل مسیح میں شروع ہوا۔ اس دور میں قلعے اور بیرونی دیواریں (walls) تعمیر ہونا شروع ہوئیں۔ شہری منصوبہ بندی (urban planning) میں سڑکوں، بازاروں، اور عوامی مقامات (public places)کی ترتیب دی گئی۔ گھروں کی تقسیم (house division) میں مختلف کمروں میں رہنے یا ان کے دیگر استعمال کا رواج پڑا۔

▫️آئرن ایج کے بعد آتا ہے کلاسیکی دور (Classical Period) یہ دور تقریباً 8ویں صدی قبل مسیح سے 6ویں صدی عیسوی تک پھیلا ہوا ہے، اس عہد میں یونانی اور رومی طرز تعمیر (Greek and Roman architecture) نے انسانی رہائش میں انقلاب برپا کیا۔ ستونوں (columns)، محرابوں (arches)، اور گنبدوں (domes) کا استعمال بڑھا۔ شہروں میں بیت الخلاء (public baths)، حمام (baths)، اور عوامی باغات (public gardens) جیسی سہولیات کو انسان سے روشناس کروایا گیا

▫️کلاسیکی دور کے بعد قرون وسطیٰ (Medieval Period) (5ویں سے 15ویں صدی) کا دور شروع ہوتا ہے جس میں گھروں سے آگے بڑھ کر انسان نے اپنے لئیے قلعے (castles) اور محل (palaces) تعمیر کرنا شروع کیے جو بیک وقت رہائش اور دفاعی مقاصد کے لیے استعمال ہوتے تھے۔ گوتھک طرز تعمیر (Gothic architecture) میں بلند گرجا گھر اور نوکیلے محراب (pointed arches) کا رواج عام ہُوا۔ گاؤں اور قصبے زیادہ منظم ہوئے، اور رئائشی مکانات کے ساتھ دفاتر (workplaces) بھی بنائے جانے لگے۔

▫️اس کے بعد کا دور نشاۃ ثانیہ (Renaissance) کہلاتا ہے ، 14ویں سے 17ویں صدی تک پھیلا ہوا ہے جس میں بحالی طرز تعمیر (Renaissance architecture) نے انسانی رہائش میں جمالیاتی اور عملی پہلوؤں (aesthetic and functional aspects) کو ملا کر خوبصورت اور فنکارانہ عمارات (artistic buildings) بنائیں۔ بڑی بستیوں اور شہروں کا قیام سامنے آیا ، اور رہائش کے ساتھ ساتھ تجارتی اور صنعتی سرگرمیاں بھی شروع کی گئیں۔

▫️ نشاۃ ثانیہ کے بعد آج کا دور جسے جدید دور (Modern Era) کہتے ہیں، اس میں انسانی رہائش میں بڑی تبدیلیاں آئیں۔ جدید عمارات میں اسٹیل ، شیشے اور کنکریٹ کا استعمال بڑھا، اور آسمان کو چھوتی عمارات (skyscrapers) بننے لگیں۔ شہری منصوبہ بندی (urban planning) میں زوننگ (zoning)، ٹرانسپورٹ سسٹم (transport systems)، اور شہری سہولیات (urban amenities) کا تصور آیا ۔ ماحول دوست رہائش (eco-friendly housing) کا رجحان بڑھا، جہاں توانائی کی بچت (energy efficiency)، شمسی توانائی (solar energy)، اور پائیدار مواد (sustainable materials) کا استعمال عام ہوا۔

لیکن میرے لئیے دلچسپی اس وقت بڑھی کہ جب انسان نے دوبارہ غار نُما گھروں میں رہنا شروع کر دیا کہ یہ گھر ، ماحول دوست (eco-friendly)، پائیدار (sustainable) اور سستے ثابت ہو رہے ہیں۔

حالیہ برسوں میں یہ گھر لوگوں میں اس لئیے بھی مقبول ہو رہے ہیں۔ کہ یہ گھر، جو عام طور پر چٹانوں یا پہاڑوں میں تراشے جاتے ہیں، یا زمین کو گہرا کھود کر ایک بڑے گڑھے کے اطراف میں بناۓ جاتے ہیں ، اپنی قدرتی خوبصورتی ، پائیداری اور توانائی کی بچت کرنے کے لیے مشہور ہیں۔

ٹروگلوڈائٹ ہومز کی قدرتی تھرمل انسولیشن (natural thermal insulation) کی خصوصیت انہیں گرم موسم میں ٹھنڈا اور سرد موسم میں گرم رکھتی ہے، جو توانائی کی بچت میں مددگار ثابت ہوتی ہے۔ زمین یا پہاڑ کے اندر بنائے جانے کی وجہ سے یہ گھر ماحول دوست (environmentally friendly) ہیں اور موسمی اثرات سے ان کو کوئی فرق نہیں پڑتا۔ چٹانوں میں تراشے جانے کی وجہ سے یہ گھر مضبوط اور طویل مدت تک قائم رہتے ہیں۔ ان گھروں کا غار نما ڈیزائن قدرتی روشنی اور ہوا کی گردش سے رہائش کو مزید آرام دہ بناتا ہے۔ ٹروگلوڈائٹ ہومز کی دوبارہ مقبولیت دیکھ کر میرے ذہن میں آ رہا ہے کہ انسان ایک طرف مریخ پر قدم رکھنے کی تیاری بھی کر رہا ہے اور دوسری طرف وہ اپنے اصل کی طرف لوٹ جانے کو بھی بےقرار ہے۔

(یہ مضمون انسانی رہائش کے تاریخی ارتقاء کا ایک جامع جائزہ پیش کرتا ہے، جس میں پتھر کے دور سے لیکر آج کے جدید دور تک کی ترقیات کو مرحلہ وار بیان کیا گیا ہے۔

امید ہے کہ میرا یہ مضمون انسانی رہائش کے مختلف ادوار اور ان کی ترقی کو سمجھنے میں مددگار ثابت ہوگا۔ اس طرح کی مزید تحریروں کےُلئیے انسانی رہائش اور رئیل اسٹیٹ ریسرچ پورٹل SyedShayan.com کو وزٹ کیجئیے)

محل نما گھر بنوا رکھا تھا اور جہاں انہیں زندگی کی تمام آسائشات حاصل تھیں اور اس کے ساتھ انہوں نے نواب صاحب کی کچھ تصاویر بھی مجھ سے شئیر کیں۔ جس میں وہ ایک عالیشان گھر کے ساتھ دکھائی دیتے ہیں اور یہ تصاویر انٹرنیٹ پر بھی ان کے نام اور شکل کے ساتھ موجود ہیں۔

میں اب اصل حقائق کی طرف آتا ہوں۔ نواب اکبر بگٹی کو جس غار میں ہلاک کیا گیا تھا، وہ بلوچستان کے علاقے کوہلو میں واقع “تراتانی” کے پہاڑی علاقے میں تھی۔ 2006 میں پاکستانی فوج نے ایک آپریشن کیا تھا، جس کا مقصد اکبر بگٹی کو زندہ گرفتار کرنا یا پھر ہلاک کر دینا تھا۔ کافی دن محاصرے کے بعد پاکستانی فوج نے تراتانی کی اس غار پر حملہ کیا جہاں اکبر بگٹی اپنے حامیوں کے ساتھ پناہ لئیے ہوئے تھے۔ پاکستانی فوج کی طرف سے ان کے غار پر کئی بم داغے گئے، ایک بم غار کے داہنے پر پھٹنے سے غار منہدم ہو گیا اور جس کے نتیجے میں اکبر بگٹی اپنے تمام جانثاروں اور محافظین سمیت شہید ہو گئے۔ بلاشبہ ان کی زندگی اور جدوجہد بلوچستان کی تاریخ میں ایک اہم باب ہے ۔

میں پہلے آپ کے ساتھ نواب اکبر بگٹی کی وہ 6 تصاویر شئیر کروں گا جو اوریجنل ہیں اور نواب اکبر بگٹی کی موت سے پیلے کی ہیں ان میں ایک تصویر میں وہ ایک کرسی پر بیٹھے ہیں اور ان کے ارد گرد چند اشیاء، جیسے پانی کی بوتل اور چھڑی، موجود ہیں اور وہ موبائل فون پر کسی سے بات کر رہے ہیں۔ ان کے پس منظر میں تراتانی کی پتھریلی چٹان نظر آ رہی ہے ، اور کالے رنگ کا ایک خیمہ بھی دکھائی دے رہا ہے۔ جس پر چینی زبان میں لکھے گئے حروف 救灾 (Jiùzāi) ہیں، جس کا مطلب ہے "آفت سے بچاؤ" یا "آفت میں امداد"۔ اور خیمے کی چھت اگر غور سے دیکھیں تو گھاس پھونس اکٹھا کر کے اسے عارضی بچاؤ کے لئیے استعمال کیا جا رہا تھا۔ان 6 تصاویر میں جو نواب صاحب کی زندگی کی آخری تصاویر ہیں، آپ دیکھ سکتے ہیں کہ وہ کس سخت اور مشکل ماحول میں اپنے ساتھیوں کے ساتھ اپنی زندگی کے آخری لمحات کا مردانہ وار مقابلہ کر رہے تھے۔

اور آخر میں 5 تصاویر آپ ایسی بھی دیکھیں گے جو ترکی کے علاقے کاپاڈوشیا (Cappadocia) کے ایک ہوٹل کی ہیں اور جنہیں حقائق کے برعکس نواب اکبر بگٹی کے نام سے منسوب کیا گیا ہے ۔

کاپاڈوشیا اپنے غار نما ہوٹلوں اور گھروں کے لیے مشہور ہے، جہاں لوگ صدیوں سے رہائش پذیر ہیں۔ یہ علاقہ اپنے قدیم غاروں کی تعمیر کی وجہ سے دنیا بھر میں مشہور ہے۔ ان گھروں اور ہوٹلز کو پہاڑوں اور چٹانوں میں تراش کر بنایا جاتا ہے۔ جس کا ذکر میں آئندہ کبھی کروں گا۔

( سید شایان نے یہ آرٹیکل گھروں اور شہریوں کی روزمرّہ زندگی کے رئیل اسٹیٹ ریسرچ پورٹل اور تھنک ٹینک سید شایان ڈاٹ کوم کے لئے تحریر کیا۔

اور درخت ماحول کی سازگاری کے لئیے لگائے جاتے ہیں۔ باغ کا مقصد شہر کی خوبصورتی اور آرائش میں اضافہ بھی ہوتا ہے۔اور لوگوں کو وقت گزاری کے لئیے قدرتی ماحول کی فراہمی بھی ، تاکہ وہ کچھ وقت پُر سکون، اور آرام دہ جگہ پر گزار سکیں اور قدرتی حسن کا لطف اٹھا سکیں۔

جبکہ پارک (Park) ایک وسیع یا مختصر عوامی علاقہ ہوتا ہے جو عموماً لوگوں کی تفریح اور آرام کے لیے بنایا جاتا ہے۔ پارک میں گھاس کے میدان، درخت، پیدل چلنے کے راستے، کھیل کے میدان، اور بچوں کے لئیے تفریحی سہولیات شامل ہوتی ہیں۔ پارک کا مقصد لوگوں کو تفریحی اور جسمانی سرگرمیوں کے لیے جگہ فراہم کرنا ہوتا ہے۔

*شالا مار باغ، لاہور کے معروف مغل باغات میں سے ایک ہے، لیکن افسوس یہ ہے اس باغ کا % 57 حصہ مختلف تاریخی واقعات، سکھ دور کی تباہ کاریوں، اور شہری ترقی کی وجہ سے ختم ہو چکا ہے۔ سکھ دور میں باغ کے قیمتی حصے لوٹ لیے گئے تھے اور برطانوی دور میں بھی اس کی بحالی کی مناسب کوششیں نہیں ہوئیں۔ اور اب اس باغ کا تقریباً % 43 حصہ باقی رہ گیا ہے۔ جس پر کام چل رہا ہے۔

رہ گئے حضوری باغ اور بادامی باغ تو حضوری باغ، لاہور جو شاہی قلعہ اور بادشاہی مسجد کے درمیان واقع تھا، اور شاہی تقریبات اور محافل کے لیے استعمال ہوتا تھا وقت کے ساتھ، اب کھلے مقام اور عمارتوں میں گم ہو گیا ہے اور بادامی باغ ایک صنعتی اور تجارتی حب کے طور پر جانا جاتا ہے، جہاں باغ کی جگہ فیکٹریوں، ورکشاپس اور مارکیٹوں نے لے لی ہیں

‏ WHO ورلڈ ہیلتھ آرگنائیزیشن نے شہروں میں باغات پارکس اور گرین بیلٹس کی اہمیت کو اجاگر کرنے کے لئیے ایک اصول بنا دیا ہے جس کے مطابق صحت مند زندگی کے لئیے ہر شخص کو 9 مربع فٹ اپنے شہر میں سبز علاقہ ملنا چاہئیے۔ اس معیار کی تحت جب ہم پاکستان کے دس بڑے شہروں میں 5 شہروں کا سبز علاقہ دیکھتے ہیں تو صورتحال کافی گھمبیر نظر آتی ہے

پاکستانی شہروں میں سبز علاقوں کے تناسب کی WHO ورلڈ ہیلتھ آرگنائیزیشن کے فارمولے کے مطابق صورتحال کچھ یوں ہے:

1. اسلام آباد: تقریباً %21.3
2. پشاور: تقریباً %5
3. کراچی: تقریباً %4.5
4. لاہور: تقریباً %3
5. کوئٹہ: تقریباً %2.5 یہ اعداد و شمار UN-Habitat کی رپورٹ

"State of Pakistani Cities"

میں فراہم کیے گئے ہیں، جنہوں نے کچھ عرصہ پہلے پاکستان کے دس بڑے شہروں کی شہری منصوبہ بندی اور سبز ایریا کے استعمال کا جائزہ لیا تھا۔
لاہور کے سرفیس ایریا کا تین فیصد سبز علاقہ ہے
آج لاہور کی آبادی 1 کروڑ 40 لاکھ کے قریب ہے اور شہر تقریباً 1800 کلو میٹر رقبے پر پھیلا ہُوا ہے، جبکہ لاہور کا سبز علاقہ 54 مربع کلومیٹر بنتا ہے۔ جو کہ بہت الارمنگ اور فکر کی بات ہے
اور اب آپ سبز علاقے کے لحاظ سے پہلے پانچ شہر اور ان کے سبز علاقوں کا تناسب بھی ملاحظہ کیجئیے:
1. اوسلو، ناروے - %72
2. برن، سوئٹزرلینڈ - %53
3. لیوبلیانہ، سلووینیا - %50
4. ویانا، آسٹریا - %50
5. سنگاپور - %46.
آج کل جدید ٹیکنالوجیز جیسے سیٹلائٹ امیجری اور جغرافیائی معلوماتی نظام (GIS) کے استعمال سے کسی بھی شہر کے سبز علاقوں کی تفصیلی نقشہ سازی کی جا سکتی ہے۔ لیکن اس کے باوجود ہمارے حکومتی محکمے خواہ محکمہ جنگلات ہو یا سروے آف پاکستان یا دیگر پارکس اینڈ ہارٹیکلچر اتھارٹیز ، اس معاملے میں خاموش ہیں
اس آرٹیکل کو لکھنے کا مقصد بھی یہی ہے کہ پڑھنے والوں کو اندازہ ہو کہ باقی دنیا کے مقابلے میں ہم اسوقت کہاں کھڑے ہیں اور ہم سب کو مل کر کیا کرنا ہو گا۔ ہمارے ملک میں بڑے شہروں میں پارکس اینڈ ہارٹیکلچر اتھارٹی بھی قائم کی گئی ہیں لیکن اس کے باوجود ہماری نوکر شاہی ہمیں محفوظ سطح تک کے سبز شہر دینے میں ناکام ہے

( سید شایان نے یہ آرٹیکل شہر اور شہریوں کی روزمرّہ زندگی کے رئیل اسٹیٹ ریسرچ پورٹل اور تھنک ٹینک سید شایان ڈاٹ کوم کے لئے تحریر کیا۔)

یہ غار "مہر گندھاری" کے نام سے بھی مشہور ہیں، اور یہ لسبیلہ ضلع کے علاقے بلانگری میں واقع ہیں، جو کراچی سے تقریباً 150 کلومیٹر کے فاصلے پر ہے۔
گندرانی غار تقریباً 7ویں صدی عیسوی کے ہیں اور ان کا تعلق بدھ مت کے عہد سے ہے، جب بدھ راہب آج سے 1800 سال پہلے ان غاروں کو اپنی رہائش گاہوں کے ساتھ ساتھ مذہبی تقریبات اور عبادت کے لیے بھی استعمال کرتے تھے۔ اس علاقے میں تقریباً 500 کے قریب یہ غار موجود ہیں جو مختلف سائز اور شکلوں میں ہیں۔ ان غاروں کا فنِ تعمیر پتھر کی تراش خراش سے ہے اور ان میں مختلف کمروں اور ہالز کی موجودگی دکھائی دیتی ہے۔ ہر غار میں الگ الگ کمرے اور چیمبرز ہیں جن میں بدھ مت کی مذہبی علامات اور نقوش کنندہ ہیں۔
مقامی لوگ ایک کہانی سناتے ہیں کہ یہ غار دراصل ایک شہزادی "گندھاری" کے محل کا حصّہ ہیں جہاں وہ اپنے محافظین کے ساتھ رہا کرتی تھی۔ اسی کہانی کی بنا پر ان غاروں کو "مہر گندھاری" بھی کہا جاتا ہے۔ آج کل گندرانی کے یہ غار بلوچستان کی سیاحت کا ایک بڑا سبب ہیں اور ہر سال بہت سے سیاح ان غاروں کی تاریخی اہمیت اور خوبصورتی کو دیکھنے کے لیے یہاں آتے ہیں۔ تاہم، ان غاروں کی حفاظت اور دیکھ بھال کی ضرورت ہے تاکہ یہ تاریخی ورثہ مستقبل کی نسلوں کے لیے محفوظ رہے۔
( اسی طرح کی مزید تحریریں پڑھنے کے لئیے رئیل اسٹیٹ ریسرچ پورٹل اور تھنک ٹینک سید شایان ڈاٹ کوم کو وزٹ کیجئیے۔)

ہیں۔ آج میں ان دس بڑے شہروں کے دس بڑے اور اہم رہائشی علاقوں یا سوسائیٹیوں کے نام تحریر کر رہا ہوں۔ پڑھنے والوں کو دعوت دیتا ہوں کہ اگر میری معلومات ناقص ہیں یا وہ سند کے معیار پر پورا نہیں اترتیں تو براہ کرم تصحیح کریں۔

اگر کسی بھی شہر یا سوسائٹی کی معلومات میں غلطی محسوس ہو تو براہ کرم نشاندہی کریں تاکہ تصحیح کی جا سکے۔

1-کراچی:

1. ڈیفنس ہاؤسنگ اتھارٹی (DHA)
2. بحریہ ٹاؤن (Bahria Town)
3. پی ای سی ایچ ایس (PECHS)
4. کلفٹن (Clifton)
5. گلشنِ اقبال (Gulshan-e-Iqbal)
6. فیڈرل بی ایریا (Federal B Area)
7. گلستانِ جوہر (Gulistan-e-Johar)
8. کارساز (Karsaz)
9. ناظم آباد (Nazimabad)
10. کورنگی کریک (Korangi Creek)

2- لاہور:

1. ڈیفنس ہاؤسنگ اتھارٹی (DHA)
2. بحریہ ٹاؤن (Bahria Town)
3. گلبرگ (Gulberg)
4. جوہر ٹاؤن (Johar Town)
5. ویلینشئیا ٹاؤن (Valencia Town)
6. ماڈل ٹاؤن لاہور ( Model Town)
7. ای ایم ای سوسائٹی (EME Society)
8. واپڈا ٹاؤن (Wapda Town)
9. لاہور کینٹ (Lahore Cantt)
10. لیک سٹی (Lake City)

3-فیصل آباد:

1.مدینہ ٹاؤن (Madina Town)
2.پیپلز کالونی (Peoples Colony)
3.جناح کالونی (Jinnah Colony)
4.سٹیزن کالونی (Citizen Colony)
5.ستارہ گولڈ سٹی (Sitara Gold City)
6.ڈریم گارڈن (Dream Garden)
7.گلبرگ کالونی (Gulberg Colony)
8.مسرور آباد (Masoorabad)
9.سی بی ای سوسائٹی (CBE Society)
10.پارک ویو کالونی (Park View Colony)

4-راولپنڈی:

1. بحریہ ٹاؤن راولپنڈی (Bahria Town Rawalpindi)
2. ڈیفنس ہاؤسنگ اتھارٹی (DHA)
3. گلریز ہاؤسنگ سکیم (Gulrez Housing Scheme)
4. پاکستان ٹاؤن (Pakistan Town)
5. ایئرپورٹ ہاؤسنگ سوسائٹی (Airport Housing Society)
6. میڈیا ٹاؤن (Media Town)
7. پی ڈبلیو ڈی ہاؤسنگ سکیم (PWD Housing Scheme)
8. نیو لالہ زار (New Lalazar)
9. چکری روڈ سوسائٹی (Chakri Road Society)
10. سفاری ویلی (Safari Valley)

5-گوجرانوالہ:

1. سٹی ہاؤسنگ گوجرانوالہ (Citi Housing Gujranwala)
2. ماسٹر سٹی گوجرانوالہ (Master City Gujranwala)
3. ڈی سی کالونی (DC Colony)
4. وزیر آباد روڈ ہاؤسنگ سوسائٹی (Wazirabad Road Housing Society)
5. کینال ویو ہاؤسنگ سوسائٹی (Canal View Housing Society)
6. پروفیسر کالونی (Professor Colony)
7. ماڈل ٹاؤن (Model Town)
8. گلشنِ اقبال (Gulshan-e-Iqbal)
9. علی پور چٹھہ ہاؤسنگ سوسائٹی (Alipur Chatha Housing Society)
10. واپڈا ٹاؤن (Wapda Town)

6-پشاور:

1. حیات آباد (Hayatabad)
2. ریگی ماڈل ٹاؤن (Regi Model Town)
3. ڈیفنس ہاؤسنگ اتھارٹی (DHA)
4. بحریہ ٹاؤن (Bahria Town)
5. پی سی ایس آئی آر کالونی (PCSIR Colony)
6. ورسک روڈ ہاؤسنگ سکیم (Warsak Road Housing Scheme)
7. وزیر باغ (Wazir Bagh)
8. اسلامیہ کالونی (Islamia Colony)
9. گلبرگ پشاور (Gulberg Peshawar)
10. دانش آباد (Danishabad)

7-ملتان:

1.ڈیفنس ہاؤسنگ اتھارٹی (DHA)
2.ملتان کینٹ (Multan Cantt)
3.واپڈا ٹاؤن (Wapda Town)
4.فاطمہ جناح ٹاؤن (Fatima Jinnah Town)
5.ماڈل ٹاؤن (Model Town)
6.پی سی ایس آئی آر کالونی (PCSIR Colony)
7.شاہ رکن عالم کالونی (Shah Rukn-e-Alam Colony)
8.گلگشت کالونی (Gulgasht Colony)
9.نیو ملتان (New Multan)
10.رائل آرچرڈ (Royal Orchard)

8- حیدرآباد

1. لطیف آباد (Latifabad)
2. قاسم آباد (Qasimabad)
3. گلستانِ سرمست ہاؤسنگ سکیم (Gulistan-e-Sarmast Housing Scheme)
4. کوہسار ہاؤسنگ سکیم (Kohsar Housing Scheme)
5. شاہنزی کاٹیجز اور ہاؤسنگ سکیم (Shanzay Cottages & Housing Scheme)
6. حیدرآباد بائی پاس (Hyderabad Bypass)
7. کنٹونمنٹ ایریا (Cantonment Area)
8. علی پیلس (Ali Palace)
9. اسرا ولیج (Isra Village)
10. سائٹ ایریا (SITE Area)

9-اسلام آباد:

1.بحریہ ٹاؤن (Bahria Town)
2.ڈیفنس ہاؤسنگ اتھارٹی (DHA)
3.گلبرگ گرینز (Gulberg Greens)
4.پارک ویو سٹی (Park View City)
5.کیپٹل اسمارٹ سٹی (Capital Smart City)
6.ایف-7 (F-7)
7.چک شہزاد (Chak Shahzad)
8.ای-11 (E-11)
9.ایٹین (Eighteen)
10.گرینڈ حیات اسلام آباد (Grand Hyatt Islamabad)

10- کوئٹہ:

1. سمونگلی روڈ (Samungli Road)
2. جناح ٹاؤن (Jinnah Town)
3. شالیمار ٹاؤن (Shalimar Town)
4. شاہین ٹاؤن (Shaheen Town)
5. ایئرپورٹ روڈ ہاؤسنگ سکیم (Airport Road Housing Scheme)
6. ایوب نیشنل پارک (Ayub National Park)
7. سریاب روڈ ہاؤسنگ سکیم (Sariab Road Housing Scheme)
8. ہزارہ ٹاؤن (Hazara Town)
9. نواں کلی (Nawan Killi)
10. چلتن ہاؤسنگ سکیم (Chiltan Housing Scheme)

(سید شایان نے یہ آرٹیکل رئیل اسٹیٹ ریسرچ پورٹل اور تھنک ٹینک SyedShayan.com کے لئیے تحریر کیا۔ آپ چاہیں تو اس پر اپنا تبصرہ کر سکتے ہیں )

اوسط قیمت: AED 2,000 فی مربع فٹ
‏- USD میں تبدیلی: $544 فی مربع فٹ
‏- PKR میں تبدیلی: PKR 119,680 فی مربع فٹ

2. مرینہ دبئی (Dubai Marina)- یہ ساحلی رہائشی علاقہ ہے جو اپنی عالی شان عمارتوں اور رہائشی ٹاورز کے لیے مشہور ہے۔
- اوسط قیمت: AED 1,500 فی مربع فٹ
‏- USD میں تبدیلی: $408 فی مربع فٹ
‏- PKR میں تبدیلی: PKR 89,760 فی مربع فٹ

3. پام جمیرا (Palm Jumeirah)- یہ جزیرہ نما علاقہ لگژری رہائشی ولاز اور اپارٹمنٹس کے لئیے دُنیا بھر میں اپنی مثال ہے اور سیاحت و مستقل رہائش دونوں کے لئے بہت مقبول ہے۔
- اوسط قیمت: AED 2,200 فی مربع فٹ
‏- USD میں تبدیلی: $599 فی مربع فٹ
‏- PKR میں تبدیلی: PKR 131,648 فی مربع فٹ

4. البرشا (Al Barsha)- اس علاقے میں اوسط درجے سے لیکر لگژری رہائشں تک دونوں صورتیں ممکن ہیں ہیں، اور یہ دبئی کے بڑے شاپنگ مالز کے نزدیک ترین واقع ہے
- اوسط قیمت: AED 1,100 فی مربع فٹ
‏- USD میں تبدیلی: $300 فی مربع فٹ
‏- PKR میں تبدیلی: PKR 65,700 فی مربع فٹ

5. جمیرا بیچ ریذیڈنس (Jumeirah Beach Residence - JBR)- یہ ساحلی علاقہ امیر ترین افراد کی رہائش گاہوں کے طور پر جانا جاتا ہے اور یہاں کثرت سے سیاح سیر و تفریح کے لئیے آتے ہیں۔
- اوسط قیمت: AED 1,600 فی مربع فٹ
‏- USD میں تبدیلی: $436 فی مربع فٹ
‏- PKR میں تبدیلی: PKR 95,840 فی مربع فٹ

6. بزنس بے (Business Bay)- یہ علاقہ تجارتی دفاتر اور لگژری اپارٹمنٹس کے لیے مشہور ہے، اور یہ ڈاؤن ٹاؤن دبئی کے قریب واقع ہے۔
- اوسط قیمت: AED 1,300 فی مربع فٹ
‏- USD میں تبدیلی: $354 فی مربع فٹ
‏- PKR میں تبدیلی: PKR 77,904 فی مربع فٹ

7. الفرجان (Al Furjan)- ایک تیزی سے ترقی پذیر رہائشی علاقہ جو جوائنٹ فیملی کے حامل خاندانوں کے لئیے موزوں ہے، یہاں جدید ٹاؤن ہاؤسز اور ولاز تعمیر کیے گئے ہیں۔
- اوسط قیمت: AED 900 فی مربع فٹ
‏- USD میں تبدیلی: تقریباً $245 فی مربع فٹ
‏- PKR میں تبدیلی: تقریباً PKR 53,910 فی مربع فٹ

8. القوز (Al Quoz)- اگرچہ یہ پہلے ایک صنعتی علاقہ تھا، لیکن اب یہ آرٹ گیلریز اور کریٹیو اسپیسز کی موجودگی کی وجہ سے تبدیل ہو رہا ہے۔
- اوسط قیمت: AED 800 فی مربع فٹ
‏- USD میں تبدیلی: تقریباً $218 فی مربع فٹ
‏- PKR میں تبدیلی: تقریباً PKR 47,920 فی مربع فٹ

9. مدینہ جمیرا (Madinat Jumeirah Living)- یہ لگژری رہائشی کمپلیکس جمیرا میں واقع ہے، جس میں خوبصورت ولاز اور اپارٹمنٹس موجود ہیں۔
- اوسط قیمت: AED 1,800 فی مربع فٹ
‏- USD میں تبدیلی: تقریباً $490 فی مربع فٹ
‏- PKR میں تبدیلی: تقریباً PKR 107,820 فی مربع فٹ

10. دبئی ہلز اسٹیٹ (Dubai Hills Estate)- یہ ایک وسیع رہائشی اور تجارتی ترقیاتی منصوبہ ہے جو گالف کورسز اور پارکس جیسی سہولیات پیش کرتا ہے۔اور معاشی طور پر مضبوط افراد یہاں پراپرٹی کی خریداری میں مصروف ہیں۔
- اوسط قیمت: AED 1,300 فی مربع فٹ
‏- USD میں تبدیلی: تقریباً $354 فی مربع فٹ
‏- PKR میں تبدیلی: تقریباً PKR 77,904 فی مربع فٹ

میں نے کوشش کی ہے کہ ان علاقوں میں پراپرٹی کی قیمتوں کا ایک سرسری جائزہ درہم ، ڈالر اور پاکستانی روپے میں الگ الگ آپ کے سامنے رکھوں تاکہ آپ جس ملک میں بھی رہتے ہوں اور جو کرنسی بھی استعمال کرتے ہیں، آپ کو دوبئی کی رئیل اسٹیٹ مارکیٹ میں سرمایہ کاری کا تخمینہ لگانا آسان ہو۔
میری بتائی گئی قیمتیں ایک عمومی تخمینہ ہیں اور مختلف عوامل کی بنیاد پر تبدیل ہو سکتی ہیں،
یاد رکھئیے، کہ غیر ملکی سرمایہ کاروں کو دُوبئی میں مخصوص ‘فری ہولڈ’ علاقوں میں پراپرٹی خریدنے کی اجازت ہے۔ ڈاؤن ٹاؤن دُوبئی، دُوبئی مرینہ، پام جمیرا، البرشا، جمیرا بیچ ریذیڈنس (JBR)، بزنس بے، الفرجان، مدینہ جمیرا لیونگ، اور دبئی ہلز اسٹیٹ سب فری ہولڈ علاقے ہیں۔ القوز کی ملکیت کی صورتحال تھوڑی مختلف ہو سکتی ہے کیونکہ یہ پہلے ایک صنعتی علاقہ تھا اور وہاں کی ملکیت کے قوانین بھی اسی مطابق ترتیب دیے گئے ہیں۔ لیکن مجھے انوسٹمنٹ کے حساب سے القوز میں کافی پوٹینشیل نظر آتا ہے۔ بہرحال مذکورہ باقی تمام علاقے خاص طور پر غیر ملکیوں کے لیے مخصوص کیے گئے ہیں جہاں وہ پراپرٹی کا مکمل مالکانہ حق حاصل کر سکتے ہیں۔

سرمایہ کاری کے لئے ان علاقوں کا انتخاب کرتے وقت، مارکیٹ کے رجحانات، پراپرٹی کی قیمتیں، اور مستقبل میں ترقیاتی منصوبوں کو مدنظر رکھیں۔ آپ کو دُوبئی میں پراپرٹی خریدنے سے پہلے مقامی قوانین اور رجسٹریشن کے طریقہ کار کو بھی سمجھ لینا چاہیے، اور اس کام میں مدد کے لئے کسی مقامی رئیل اسٹیٹ ایجنٹ یا قانونی مشیر سے مشورہ کرنا فائدہ مند ہو سکتا ہے۔

(سید شایان نے یہ آرٹیکل رئیل اسٹیٹ ریسرچ پورٹل اور تھنک ٹینک SyedShayan.com کے لئیے تحریر کیا۔ آپ چاہیں تو اس پر اپنا تبصرہ کر سکتے ہیں )

پائیداری اور استعمال میں آسانی کی وجہ سے دن بدن اضافہ دیکھنے میں آ رہا ہے۔
کنٹینر میں بنے گھروں کو عام طور پر "شپنگ کنٹینر ہومز" (Shipping Container Homes) یا صرف "کنٹینر ہومز" (Container Homes) کہا جاتا ہے۔ یہ گھر شپنگ کنٹینرز کا استعمال کر کے بنائے جاتے ہیں، جنہیں مکمل رہائشی عمارتوں میں بھی تبدیل کیا جا سکتاہے۔ جیسا کہ، ہالینڈ میں ایمسٹرڈیم میں ٹمپو ہاؤسنگ نے دنیا کا پہلا سٹوڈنٹس کنٹینر کیمپس بنایا، جو طلباء کو سستی رہائش مہیا کرتا ہے۔ یہ پروجیکٹ صرف بڑے شپنگ کنٹینرز کو لیکر بنایا گیا ہے اور اس میں سینکڑوں چھوٹے، لیکن جدید اور مکمل کمرے طلبأ کو تمام رہائشی سہولیات مہیا کر رہے ہیں ۔ (اس آرٹیکل میں اس ہاسٹل کی کچھ تصاویر بھی شامل ہیں)
پہلا شپنگ کنٹینر گھر بنانے کا کریڈٹ امریکی آرکیٹیکٹ فلپ سی کلارک (Philip C. Clark) کو جاتا ہے، جنہوں نے 1987 میں اس تصور کو پیٹنٹ کرایا تھا۔ انہوں نے یہ خیال پیش کیا کہ استعمال شدہ شپنگ کنٹینرز کو رہائشی یونٹس میں تبدیل کیا جا سکتا ہے، جو کہ ماحول دوست اور لاگت میں کافی سستے ہو تے ہیں۔ اس کے بعد، یہ تصور دنیا بھر میں مقبول ہو تا چلا گیا اور آج کئی ممالک میں لوگوں نے اس طرح کے گھر بنا کر ان میں باقائدہ رہنا شروع کر دیا ہے۔
امریکا میں، بہت سے شہروں میں شپنگ کنٹینرز کو تجارتی اور رہائشی مقاصد کے لیے استعمال کیا جاتا ہے۔ ایک نمایاں مثال لاس ویگاس میں “کنٹینر پارک” ہے، جہاں شپنگ کنٹینرز کا استعمال دکانیں، ریستوران، بیوٹی سیلون ، دلچسپ گیمز اور رہائشی یونٹس بنانے کے لیے کیا گیا ہے۔ یہ علاقہ نہ صرف مقامی لوگوں بلکہ سیاحوں کے لیے بھی ایک دلچسپ مقام بن چکا ہے۔
کنٹینرز ھوم کا تصور عالمی سطح پر بڑھتی ہوئی آبادی اور رہائش کی جگہوں کی کمی کے مسائل کا ایک مؤثر حل پیش کرتا ہے، خصوصاً شہری علاقوں میں جہاں زمین کی قیمتیں بہت بڑھ چکی ہیں۔ اس طرح کے گھروں کی تعمیر سے نہ صرف زمین کا بہترین استعمال ہوتا ہے، بلکہ یہ ماحول دوستی کی طرف بھی پیش رفت ہے کیونکہ پرانے مواد کی دوبارہ استعمال سے وسائل کی بچت الگ ہوتی ہے۔ شپنگ کنٹینرز مختلف سائزز میں دستیاب ہوتے ہیں، لیکن سب سے عام سائزز جو عموماً تعمیرات اور ٹرانسپورٹ کے لئے استعمال ہوتے ہیں وہ یہ ہیں:
:1. 20 فٹ کنٹینر • طول: 20 فٹ
• چوڑائی: 8 فٹ
• اونچائی: 8.5 فٹ
• عمومی رقبہ: تقریباً 160 مربع فٹ
:2. 40 فٹ کنٹینر (اسے ہائی کیوب کہتے ہیں)
• طول: 40 فٹ
• چوڑائی: 8 فٹ
• اونچائی: 8.5 فٹ یا 9.5 فٹ (ہائی کیوب)
• عمومی رقبہ: تقریباً 320 مربع فٹ
پُلوں کی تعمیر میں کنٹینرز کا استعمال ایک انوکھا اور کفایتی تجربہ ہے۔ کنٹینرز عام طور پر مضبوط ہوتے ہیں اور بڑے بوجھ کو اٹھانے کی صلاحیت رکھتے ہیں، جس کی وجہ سے ان کا استعمال عارضی یا مستقل پُلوں کی تعمیر کے لئے مناسب سمجھا جاتا ہے۔ ایسے پلوں کی تعمیر میں کنٹینرز کو آپس میں جوڑ کر اور مضبوط بنیادوں پر رکھ کر استعمال کیا جاتا ہے تاکہ وہ مختلف موسمی حالات اور بھاری ٹریفک کا مقابلہ کر سکیں۔ ان پلوں کی تعمیر سے وقت کی بہت بچت ہو جاتی ہے کہ یہ جلدی تعمیر کیے جا سکتے ہیں اور ان کی لاگت بھی کم ہوتی ہے۔ پاکستان میں بھی ہمارے گاؤں اور دیہاتوں یا پہاڑی علاقوں میں کوئی بڑی ندی یا نہر یا پھر جھیل پار کرنے کے لئیے دو یا تین شپنگ کنٹینر لگانے سے آمد و رفت کے سب مسئلے حل ہو سکتے ہیں ۔ اس مضمون میں، میں نے ان کنٹینر کے پُلوں کی کچھ تصاویر صرف اس لئیے لگائی ہیں تاکہ یہ تحریر پڑھ کر ممکن ہے کسی شخص کے دماغ میں آۓ اور کم قیمت بالا نشین کے مصادق ہمارے ملک میں بھی یہ برج یا پُل بنا کر لوگ اپنی مدد آپ کے تحت کمیونٹی ایشوز کو کم سے کم کر سکیں۔
لیکن بدقسمتی سے ہمارے ملک میں کنٹینرز کا دلچسپ استعمال اس وقت دیکھنے میں آتا ہے کہ جب لوگوں کے احتجاجی جلوسوں کو روکنے کے لئیے شہر کی سڑکوں پر جگہ جگہ کنٹینرز والے ٹرک کھڑے کر کے حکومت لوگوں کو جلسے یا جلوس کی جگہ پہنچنے سے روکنے کی کوشش کرتی ہے۔ اگر آپ بھی اپنا کنٹینر ہوم بنانا چاہتے ہیں تو سب سے پہلے آپ کو مناسب ڈیزائن اور فلور پلان تیار کرنا ہوگا، جس کے لیے آپ کسی پروفیشنل آرکیٹیکٹ یا ڈیزائنر کی مدد لے سکتے ہیں۔ اس کے بعد، مقامی حکومت سے تعمیراتی پرمٹ اور دیگر ضروری منظوریاں حاصل کرنی ہوں گی تاکہ تعمیر کے قوانین کی پیروی کی جا سکے۔ آخر میں، آپ کو موزوں کنٹینرز کا انتخاب کر کے انہیں خریدنا یا کرایہ پر لینا ہوگا۔

(سید شایان نے یہ آرٹیکل رئیل اسٹیٹ ریسرچ پورٹل اور تھنک ٹینک SyedShayan.com کے لئیے تحریر کیا۔ آپ چاہیں تو اس پر اپنا تبصرہ کر سکتے ہیں )

تصویر ، یونان (Greece) کے ایک جزیرے سینٹورینی (Santorini) کی ایک گلی کی ہے جو ایجین سمندر (Aegean Sea) میں واقع ہے۔ اس گلی میں سفید چونے کے گھر اور عمارتیں ہیں جن کی کھڑکیاں اور دروازے گہرے نیلے رنگ کے ہیں۔ گلی میں سیاہ اور سفید پتھروں سے بنی زیگزیگ (zigzag) پتھریلی سڑک ہے جو اس جگہ کو ایک منفرد شکل دیتی ہے۔ گلی میں موجود مکانات کی بالکنیوں اور دیواروں پر خوبصورت گلابی اور سرخ پھول لٹک رہے ہیں، جو اس جگہ کو مزید دلکش بنا رہے ہیں۔ یہ جگہ ٹورسٹوں (tourists) کے لئے بہت پرکشش ہے اور ان کی ہر وقت کی چہل پہل سے یہاں کبھی دن اور رات کا احساس ہی نہیں ہو پاتا۔
یہ جزیرہ اپنی منفرد سفید اور نیلی عمارتوں، خوبصورت غروب آفتاب کے مناظر اور دلکش گلیوں کے لئے مشہہور ہے۔ یہاں کی رومانٹک گلیوں میں سیاحوں کے لئیے چھوٹی دکانیں، کیفے، اور آرٹ گیلریاں قائم ہیں سینٹورینی کی اصل خوبصورتی بھی اس کے یہی سفید مکانات اور ان کے یہ نیلے بام و در ہیں جو سمندر کے نیلگوں پانی کے ساتھ دیکھنے والے پر ایک سحر طاری کر دیتے ہیں۔ ان مناظر کو دیکھنے کے لئیے ہر سال سینٹورینی (Santorini) میں تقریباً دو ملین سیاح آتے ہیں۔ خاص طور پر شادیوں اور ہنی مون کے لئے۔ سیاحوں کی بڑی تعداد موسم گرما کے دوران آتی ہے، جب موسم سب سے زیادہ خوشگوار ہوتا ہے۔
سینٹورینی (Santorini) کی تاریخ بہت قدیم ہے۔ یہ جزیرہ تقریباً 3600 سال قبل مسیح (3600 BCE) میں مینوئن تہذیب (Minoan civilization) کے دوران آباد ہوا تھا۔ یہ تہذیب ایک زبردست آتش فشاں پھٹنے کی وجہ سے تباہ ہوئی تھی، جسے تھیرا (Thera) کا آتش فشاں پھٹنا کہا جاتا ہے، اور یہ واقعہ تقریباً 1627 قبل مسیح (1627 BCE) میں ہوا تھا۔ اس آتش فشاں کے پھٹنے سے جزیرہ کی شکل میں بڑی تبدیلی آئی ، سینٹورینی کی موجودہ بناوٹ اسی آتش فشاں کی وجہ سے ہے۔
سینٹورینی (Santorini) کا اصلی نام تھیرا (Thera) ہے، اور یہ یونانی آثار قدیمہ کی دلچسپ مثالوں میں سے ایک ہے۔ جزیرے پر قدیم آثار، جیسے اکروتیری (Akrotiri) کے کھنڈرات، اب بھی موجود ہیں جو اس قدیم تہذیب اور اس کے باشندوں کی یاد دلاتے ہیں، ہر اس شخص کو جو اس جگہ پر آتا ہے۔

(سید شایان نے یہ آرٹیکل رئیل اسٹیٹ ریسرچ پورٹل اور تھنک ٹینک SyedShayan.com کے لئیے تحریر کیا۔ آپ چاہیں تو اس پر اپنا تبصرہ کر سکتے ہیں )

سے فراہم کی جانے والی خدمات ، جیسے کسٹمر سپورٹ، بیک آفس آپریشنز، ڈیٹا پروسیسنگ، اور وہ خدمات جو کمپیوٹرز اور انٹرنیٹ کی مدد سے سرانجام دی جاتی ہیں، / “بزنس پراسیس آؤٹسورسنگ” (BPO) اور بی ایف ایس آئی (BFSI) - بینکنگ، فنانشل سروسز اور انشورنس سیکٹر دفتری جگہوں کی طلب میں اضافہ کا بڑا سبب تھے- ہمیں 2019 میں تین بڑے شہروں کراچی لاہور اور اسلام آباد میں 1.5 ملین اسکوئر فٹ کی لیزنگ دیکھنے کو ملتی تھی لیکن پینڈیمک میں جب گھروں میں بیٹھ کر کام کرنے کا تصور remote work بڑھا تو بہت سی بلڈنگز خالی ہونا شروع ہوئیں اور یوں کرایوں میں نمایاں کمی آتی چلی گئی اور ایک وقت آیا کہ لاہور میں 50 سے 80 روپے اسکوئر فٹ ، کراچی میں 100 سے 125 روپے اسکوائر فٹ اور اسلام آباد میں 150 سے 200 روپے اسکوائر فٹ پر دفتری جگہیں ہنس کر دستیاب تھیں 2022 میں ایک بار پھر لیزنگ کی قیمت بڑھی کہ جب پینڈیمک کے بعد ریموٹ ورک اور فری لانسنگ کے رجحانات نے co-working space کے بزنس کو آگے بڑھایا اور آج ان تین شہروں میں لگ بھگ 200 سے زائد کمپنیاں اس کاروبار سے وابستہ یہ کام کر رہی ہیں اور جن کی وجہ سے دفتری جگہوں کی مانگ میں بے پناہ اضافہ دیکھنے میں آ رہا ہے آج لاہور میں 150 سے 200 روپے سکوائر فٹ کراچی میں 200 سے 300 روپے سکوائر فٹ اور اسلام آباد میں 300 سے 800 روپے سکوائر فٹ پر جگہیں لیز کے لئیے دستیاب ہیں 2024 کی پہلی سہ ماہی کے لیے آنے والے یہ اعدادوشمار جو ہمارے آفس کی سروے ٹیم نے تیار کیے ، دن بدن مضبوط ہو رہے ہیں۔ اور نظر آ رہا ہے کہ ٹیکنالوجی سیکٹر مجموعی لیزنگ میں سب سے بڑا کردار ادا کرنے جا رہا ہے جیسا کہ میرے علم میں ہے کہ ایک ملٹی نیشنل کمپنی پاکستان میں اپنا پہلا جی سی سی ‏ (Global Capability Centers) قائم کرنے کا سوچ رہی ہے۔ اگر ایسا ہُوا تو سوچئیے کہ ہماری رئیل اسٹیٹ مارکیٹ کہاں کھڑی ہو گی جی سی سی (Global Capability Centers) دراصل بڑی ملٹی نیشنل کمپنیوں کے وہ مراکز ہوتے ہیں جو مختلف ممالک میں قائم کیے جاتے ہیں تاکہ وہ اس ملک میں اور آس پاس کے خطّے میں اپنی خدمات، تحقیق، اور ترقیاتی سرگرمیاں جاری رکھ سکیں۔ یہ مراکز کمپنی کی عالمی سطح پر کاروباری ضروریات کو پورا کرنے کے لئے ضروری علم، مہارت اور صلاحیتوں کو اس ملک کی افرادی قوت اور وسائل سے حاصل کرتے ہیں۔ شروع میں، جی سی سیز GCCs عموماً سادہ بیک آفس آپریشنز جیسے ڈیٹا انٹری، کسٹمر سپورٹ، اور اکاؤنٹنگ کے کاموں کے لئے استعمال ہوتے تھے۔ مگر وقت کے ساتھ ساتھ، انہوں نے اپنی صلاحیتوں کو وسیع کیا اور اب وہ نئی ٹیکنالوجیز، مصنوعی ذہانت، تحقیق و ترقی، سافٹ ویئر ڈیولپمنٹ، اور بہت سے دیگر اعلیٰ سطح کے تخلیقی اور انوویشن مبنی کاموں میں مصروف ہیں۔ آپ کو یہ پڑھ کر تعجب ہو گا کہ انڈیا میں اسوقت 1500 سے زیادہ GCCs ہیں اور لگ بھگ 100 ارب ڈالر وہ ان GCCs سے سالانہ لیز کی مد میں کما رہا ہے اور ہماری حکومت تمام وسائل رکھتے ہوۓ آئ ایم ایف سے 7 ارب ڈالر حاصل کرنے کے لئیے یہ ملک گروی رکھنے کو تیار ہے۔ افسوسناک بات ہے کہ پاکستان میں اب تک کوئی ایک گلوبل کیپیبلٹی سینٹر (GCC) نہیں ہے، خاص طور پر جب ہمارے ہمساۓ مُلک اور دیگر خطوں میں ایسے مراکز کی تعداد اور اہمیت بڑھ رہی ہے۔ ایسے مراکز نہ صرف ملکی معیشت کو فروغ دیتے ہیں بلکہ مقامی ٹیلنٹ کے لیے بھی بہتر مواقع پیدا کرتے ہیں۔

(سید شایان نے یہ آرٹیکل رئیل اسٹیٹ ریسرچ پورٹل اور تھنک ٹینک SyedShayan.com کے لئیے تحریر کیا۔ آپ چاہیں تو اس پر اپنا تبصرہ کر سکتے ہیں )

وقت استعمال کیا جا سکتا ہے، اس لیے اسے زیادہ لیکویڈ کہا جاتا ہے۔ .

سونا:

ایک قدیم اور ہمیشہ سے قابل اعتماد سرمایہ کاری کا ذریعہ سمجھا گیا ہے جو معاشی عدم استحکام کے دوران اپنی قیمت برقرار رکھ سکتا ہے۔ یہ مہنگائی کے اثرات سے بھی حفاظت فراہم کرتا ہے۔

بانڈز:

بانڈز حکومتی یا نجی کمپنیوں کی جاری کردہ قرض کی دستاویزات ہوتی ہیں جو ایک مقررہ مدت کے لیے ایک طے شدہ سود کی پیشکش کرتے ہیں۔ یہ نسبتاً محفوظ سرمایہ کاری سمجھی جاتی ہے۔

سٹاک شئیرز:

سٹاک مارکیٹ میں سرمایہ کاری کرنا بھی ایک مقبول طریقہ ہے۔ سٹاک شیئرز کمپنیوں کے ملکیتی حصص ہوتے ہیں، جن سے سرمایہ کار ، کمپنی کی بہتر کارکردگی پر منافع کما سکتے ہیں۔

رئیل اسٹیٹ:

جائیداد جیسے کہ مکانات، دفاتر، یا زمین میں سرمایہ کاری طویل مدتی بچت کا ایک طاقتور ذریعہ ہو سکتی ہے۔ زمینی اثاثے ہمیشہ اپنی قیمت میں اضافے کی وجہ سے عام آدمی اور کرائے کی آمدنی بھی فراہم کر سکتے ہیں۔ اب سوال یہ پیدا ہوتا ہے کہ بچت کیسے کی جاۓ ؟ بچت کرنے کا ایک سنہری اصول یہ ہے کہ جو ایک پیسہ بچاتا ہے وہ ایک لاکھ بچا لیتا ہے

(سید شایان نے یہ آرٹیکل رئیل اسٹیٹ ریسرچ پورٹل اور تھنک ٹینک SyedShayan.com کے لئیے تحریر کیا۔ آپ چاہیں تو اس پر اپنا تبصرہ کر سکتے ہیں )

اپنی رپورٹرڈ ججمنٹ میں سیکشن 4 کو خلاف شریعت قرار دے کر معطل کر دیا جس کے خلاف سپریم کورٹ میں 1999 میں اپیل دائر کر دی گئی اور آج 25 سال گزر گئے ہیں لیکن یہ طے نہیں ہو رہا کہ پوتے اور پوتی کو دادا کی جائیداد میں حصّہ دیا جاۓ یا نہ دیا جاۓ ہمارے عُلمأ میں یتیم پوتے، پوتیوں کی وراثت کے حوالے سے کافی اختلاف پایا جاتا ہے۔ عُلمأ کی اکثریت ( فقہ حنفیہ، فقہ جعفریہ دونوں ) ایسے یتیم پوتوں اور پوتیوں کو (جن کا باپ دادا کی زندگی میں وفات پا گیا ہو،) کو دادا کا بعیدی (دُور پرے کا ) رشتے دار قرار دیتے ہوئے وراثت سے خارج سمجھتی ہے ۔ جب کہ کچھ علما نے یتیم پوتے پوتیوں کو دادا کی وراثت میں حق دار بتایا ہے۔ اور بیٹا چونکہ پوتے کے مقابلہ میں اقرب (قریبی یا نزدیکی ) ہے اس لیے اصولاً وہی مستحقِ وراثت ہے البتہ اگر دادا کی وفات کے وقت اس کا کوئی بیٹا حیات نہ ہو اور پوتے پوتیاں حیات ہوں تو پوتے پوتیاں اس کے وارث بنیں گے کیوں کہ اب ان سے اقرب کوئی اور موجود نہیں ہے ایک واضح قانون نہ ہونے کی وجہ سے پاکستان میں کھربوں روپے کی پراپرٹی اسی وجہ سے تنازعات کا شکار ہے اور عدالتوں میں ہزاروں پراپرٹی کے کیس اس موضوع پر موجود ہیں (یہ مضمون رئیل اسٹیٹ پورٹل syedshayan.com کے لئیے تحریر کیا گیا )

مرحوم بھی ملکی سیاست پر ایسے ہی دلچسپ تبصروں کے لئیے مشہور تھے ) آج سے تقریبأ 100 سال سے بھی زائد عرصہ پہلے جو بات ول راجرز نے کہی تھی وہ آج بھی اگر دیکھا جاۓ تو لگتا ہے کہ جیسے یہ بات انہوں نے آج کے حالات کے مطابق کچھ ہی عرصہ پہلے کہی ہو میں اکثر سوچتا ہوں جس طرح کسان زمین میں بیج ڈال کر اپنی نگہداشت میں فصل تیار ہونے کا انتظار کرتا ہے تاکہ وہ اسے اچھا منافع دے سکے زمیں میں سرمایہ کاری بھی ایسی ہی ہے ہمیں زمین خرید کر اس کے بیش قیمت ہونے کا انتظار کرنا چاہئیے زمین بھی وقت کے ساتھ ساتھ بے پناہ قیمتی اور انمول ہو جاتی ہے (یہ تحریر رئیل اسٹیٹ پورٹل syedshayan.com کے لئیے لکھی گئی)

ہے، جو کہ مصر، اردن، اور اسرائیل کے قریب ہے۔ نیوم کا علاقہ بحر احمر کو عبور کرتے ہوئے مصر کے سینائی جزیرہ نما کے بہت قریب ہے، جہاں مصر کا جدید ترین شہر شرم الشیخ واقع ہے۔ نیوم future living کے تصور کو سامنے رکھ کر ڈیزائن کیا جا رہا ہے اس کے لئیے اس شہر میں 170 کلو میٹر لمبی ایک لائن تیار کی جا رہی ہے جس کی اونچائی 500 میٹر اور چوڑائی محض 200 میٹر ہو گی اور اس لائن کے اندر ایک ورٹیکل سٹی تعمیر ہو رہا ہے جس میں مستقبل کے انسان کی طرح رہائش اختیار کی جاۓ گی اس ہاؤسنگ اور کمرشل پراجیکٹ کو The Line کا نام دیا گیا ہے اس ورٹیکل سٹی کا بنیادی تصور یہ ہے کہ زمین کا استعمال کم سے کم کیا جاۓ اور جو جگہ اس سے بچے وہاں شجرکاری کی جاۓ "دی لائن" کی ایک خصوصیت یہ بھی ہے کہ یہ کاروں، سڑکوں، اور کاربن کے اخراج سے آزاد ایک شہر ہوگا۔ اس شہر میں تمام سہولیات پیدل چل کر پانچ منٹ کی دوری پر ہوں گی۔ "دی لائن" مکمل طور پر Sustainable energy پر چلے گا، جس میں سولر اور ونڈ انرجی شامل ہیں۔ نیوم پروجیکٹ کے ذریعے سعودی عرب دنیا میں معاشی تنوع اور ٹیکنالوجیکل انوویشن کو فروغ دینا چاہتا ہے۔ اس شہر میں رہائش، کاروبار اور تفریح کے لیے جگہیں ایک دوسرے کے انتہائی قریب قریب ہوں گی۔ "دی لائن" کے ذریعے، نیوم شہر تعمیر کرنے کا مقصد دنیا کے سامنے ایک مستقبل کے شہر کا ماڈل پیش کرنا ہے جہاں زندگی کا ہر پہلو جدید ٹیکنالوجی اور ڈیجیٹل سہولیات سے جُڑا ہے مستقبل کے اس شہر کی تعمیر کا اعلان سعودی عرب کے ولی عہد محمد بن سلمان نے اکتوبر 2017 میں کیا تھا۔ یہ پروجیکٹ سعودی عرب کے ویژن 2030 کا اہم حصہ ہے، جس کا مقصد ملک کی معیشت کو تیل کی آمدنی پر انحصار سے ختم کر کے اور مختلف شعبوں سے فائدہ اٹھانا ہے خیال کیا جارہا ہے کہ جس تیزی سے اس پر کام ہو رہا ہے 2030 تک اس پراجیکٹ کے کئی حصے مکمل ہو جائیں گے (یہ مضمون رئیل اسٹیٹ پورٹل سید شایان ڈاٹ کوم کے لئیے تحریر کیا گیا )

جاتا ہے آئیے میں اس کا مختصر جواب دیتا ہوں ضروری نہیں کہ اگر پراپرٹی کی قیمتوں میں اضافہ ہو تو یہ سمجھ لیا جاۓ کہ ملکی معاشی حالات بہتر ہو رہے ہیں اس کا مطلب یہ بھی ہو سکتا ہے کہ ملک میں عدم معاشی مساوات بڑھ رہی ہے امیر زیادہ امیر اور غریب زیادہ غریب ہو رہا ہے اس معاشی عدم مساوات کو اکنامکس کی اصطلاح میں ویلتھ ان ایکوئٹی (Wealth Inequality) یا انکم ان ایکوئٹی (Income Inequality) کہتے ہیں۔ یہ اصطلاحات معیشت کے اندر دولت یا آمدنی کی غیر مساوی تقسیم کو بیان کرتی ہیں، جہاں چند افراد یا گروہوں کے پاس بہت زیادہ دولت یا آمدنی ہوتی ہے جبکہ باقی آبادی کے پاس کم ہوتی ہے۔ اس کے نتیجے میں، معاشرتی و اقتصادی فوائد اور مواقع غیر متوازن طور پر تقسیم ہوتے ہیں۔ پاکستان ایسے ممالک میں، جہاں حکومت لوگوں سے زبردستی اور چالاکی سے ٹیکس وصول کرتی ہے اور یوٹیلیٹی بلز کے ذریعہ ناجائز پیسے بٹورتی ہے تو لوگوں میں بھی اس حکومتی رویے کی وجہ سے شدید رد عمل بڑھتا ہے اور پھر جہاں ممکن ہوتا ہے وہ بھی ٹیکس بچاتے ہیں اور گورنمنٹ کے خزانے میں پیسہ جمع کروانے کی بجاۓ کرپٹ افسران کو رشوت دے کر اپنی جان چھڑاتے ہیں جس سے ان کے پاس Black Money آ جاتی ہے یہ بلیک منی یا کالا دھن پراپرٹی کی قیمتوں میں اضافے کا سب سے بڑا سبب ہے اور ہم خوش ہو رہے ہوتے ہیں کہ مُلک economic stability کی طرف بڑھ رہا ہے اسلئیے میرا کہنا یہ ہے کہ جب بھی پاکستان میں پراپرٹی کی قیمتوں میں اضافہ ہو ۔۔۔ یہ جان لیں کہ کالا دھن یا Black Money اس وقت ہماری سوسائٹی میں زیادہ سرکولیٹ کر رہی ہے کالا دھن کی سرکولیشن کا عمل ہی منی لانڈرنگ کہلاتا ہے اور منی لانڈرنگ کے عمل میں عام طور پر تین مراحل ہوتے ہیں جنہیں آپ با آسانی خود بھی پہچان سکتے ہیں جو کہ یہ ہیں 1.پلیسمنٹ (Placement): غیر قانونی طور پر حاصل کی گئی دولت کو قانونی مالیاتی نظام میں داخل کرنا۔ 2.لیئرنگ (Layering): مختلف مالیاتی لین دین کے ذریعے اس دولت کی اصلیت کو چھپانا۔ 3.انٹیگریشن (Integration): غیر قانونی دولت کو ایسے سرمایہ کاری میں لگانا جس سے یہ دولت قانونی دکھائی دے۔ (یہ مضمون رئیل اسٹیٹ پورٹل سید شایان ڈاٹ کوم کے لیۓ تحریر کیا گیا)

گلابی شہر کہتے ہیں آج کے اس مضمون میں آپ کو میں Red City کے بارے میں بتاؤں گا کہ دنیا میں کس شہر کو اپنی سُرخ عمارتوں اور طرزِ تعمیر کی وجہ سے Red City کہا جاتا ہے تو حقیقت یہ ہے کہ مغربی افریقہ کے مُلک مراکش Marrakech میں ایک شہر مراکش کے نام سے بھی ہے اس شہر کی عمارتیں اور دیواریں زیادہ تر سرخ مٹی سے بنائی گئی ہیں، جو مقامی طور پر عام دستیاب ہے۔ یہ سرخ مٹی اور سُرخ سنگ مرمر کی عمارتیں چمکتے سورج کی دھوپ میں، ایک چمکدار اور گرم سرخ رنگت پیدا ہونے پر دیکھنے والے کی آنکھوں کو خیرہ کرتی ہیں اور اسی وجہ سے اس شہر کو دنیا میں Red City یا “المدينة الحمراء” کے نام سے جانا جاتا ہے، مراکش کی تعمیرات اس کی سب سے بڑی خصوصیت ہے۔ محلات، مساجد، بازار گلیاں اور رہائشی عمارتیں، سب کچھ سرخ مٹی اور سنگ مرمر سے بنا ہے اس کے آرکیٹکچر میں اسلامی، اندلسی، فارسی اور افریقی تاثرات کا امتزاج نظر آتا ہے، جو اسے عالمی ثقافتی ورثے کا ایک گہوارہ بناتا ہے۔ یہاں موجود 12ویں صدی کی کتبیہ (کوتوبیہ) مسجد ہے جس کا انتہائی اونچا مینار (253 فٹ ، 77 میٹر) جو اسپینی قیدیوں نے بنایا تھا۔ دنیا بھر کے مسلمانوں کی سیاحت کی پسندیدہ جگہ ہے اس شہر کا بہت بڑا حصہ آج بھی 12ویں صدی کی دیواروں سے اور تعمیرات سے گِھرا ہوا ہے۔ جب سیاح مراکش میں گھومتے ہیں، تو خود میں زیادہ زندہ دلی اور پُرجوش محسوس کرتے ہیں کیا کسی نے کبھی یہ بھی سوچا ہے کہ ایسا کیوں ہے ؟ نفسیات کے لحاظ سے لال رنگ ایک گرم اور مثبت رنگ ہے جو ہماری جسمانی ضروریات اور زندہ رہنے کی خواہش سے جڑا ہے۔ یہ قوت بخش ہے، جذبات کو بھڑکاتا ہے اور ہمیں عمل کرنے کی ترغیب دیتا ہے۔ یہ مضبوط ارادہ رکھتا ہے اور ان لوگوں کو اعتماد دے سکتا ہے یہ دنیا میں پرچموں پر استعمال ہونے والا سب سے مشہور رنگ ہے، اور تقریباً دنیا کے ستتر 77 فیصد قومی پرچموں میں اس کا استعمال ہوا ہے اس شہر کو سرخ رکھنے کی وجہ مجھے جو سمجھ آتی ہے وہ یہ ہے کہ مراکش ایک امپیریل شہر ہونے کے ناطے، مراکش ملک کا سابق دارالحکومت بھی تھا، طاقت کی علامت اور رعب داب کا مسکن ، اس کی بنیاد 1062 میں الموراویڈ سلطنت کے رہنما یوسف بن تاشفین نے رکھی تھی۔ اور اس وقت اس شہر کی تمام عمارتیں عبادت گاہیں دیواریں گلیاں، مجسمے، اور بلند اوبلسکس کو تابیہ کی ایک معروف تکنیک کا استعمال کرکے ڈیزائن و تعمیر کیا گیا تھا یعنی پانی اور لال مٹی سے بنایا گیا ایک مرکب جو عمارت پر لگنے کے بعد سورج کی روشنی میں اپنی چمک کی وجہ سے دیکھنے والوں پر ہیبت طاری کر دیتا تھا اور یہی مرکب اس شہر کی تعمیرات میں استعمال کیا گیا تاکہ افریقی ممالک سے جن مسلمانوں نے اسپین جا کر اس ملک پر اپنی حکومت قائم کی تھی تو اس قابض ملک کے لوگوں پر ذہنی برتری اور نفسیاتی دباؤ کے لیے ایسا کیا گیا تاکہ انہیں یہ احساس رہے کہ ان کے حکمران کون ہیں اور جس شہر میں وہ رہتے ہیں وہاں کے رہن سہن کا مزاج کیا ہے مراکش Marrakech مُلک کو مراکو Morocco بھی کہتے ہیں یعنی انگریزی اور یورپی زبانوں میں اسے مراکو اور عربی اور مقامی زبانوں یہ ملک مراکش کہلاتا ہے لیکن یاد رہے کہ مراکش کے مشہور شہروں میں مراکش (Marrakech)، کاسابلانکا (Casablanca)، فیض (Fez)، اور رباط (Rabat) شامل ہیں۔ لیکن جب ہم شہروں کی بات کریں تو پھر مراکش شہر کو انگلش میں بھی مراکش ‏Marrakech ہی کہیں گے وہاں اسے مراکو Morocco نہیں کہیں گے۔ یہ ناموں کے حوالے سے بہت بڑا کنفیوژن ہے کہ زیادہ تر لوگ مراکو اور مراکش کو دو الگ الگ ملک تصور کرتے ہیں یا پھر مراکش شہر کو بھی مراکو بول دیتے ہیں اسلئیے میں نے ضروری سمجھا کہ میں اپنے بلاگ میں اس کی وضاحت کر دوں (یہ مضمون رئیل اسٹیٹ پورٹل سید شایان ڈاٹ کوم کے لئیے لکھا گیا)

کہ پانچ دس کروڑ رکھنے والا سچ مچ خود کو اصلی کروڑ پتی سمجھتا رہے لیکن ایک گھر خرید کر اس کے ہاتھ میں روزانہ گھریلو اخراجات کے پیسے بھی نہ ہوں آج سے سو سال پہلے اگر ہندوستانی کرنسی سسٹم میں روپیہ سے پہلے اٹھّنی، چونّی، دونّی ، آنہ، پاؤنی ، پائی ، دھیلا، دمڑی ، کوڑی اور پھوٹی کوڑی بازار میں لین دین کے لئیے مروج تھے تو اب وقت آ گیا ہے کہ لاکھ، کروڑ اور ارب کھرب کے درمیان میں نئے کرنسی نمبرنگ یونٹس تخلیق کیے جائیں مزید یہ کہ ہزار ، لاکھ تو کسی بھی کھاتے میں نہیں کروڑوں روپے رکھنے والوں کو اوسط کرنسی رکھنے والوں میں شمار کر کے متوسط طبقہ خیال کیا جا ۓ اور جس کے پاس دس بیس ارب روپے ہیں اس کو خوشحال اور جن کے پاس کھربوں ہیں ان کو امیر شخص تصور کیا جاۓ ، امیر ترین کے لئیے نام خود سوچئیے کہ اس کو کیا نام دیا جاۓ ؟؟ اسی طرح روپے کی کرنسی نمبرنگ میں کروڑ کے بعد ارب اور ارب کے بعد کھرب آتا ہے۔ جنوبی ایشیا کے مالیاتی نظام میں، یہ اعداد بہت بڑی مالی رقوم کی نمائندگی کے لیے استعمال ہوتے ہیں۔ ایک ارب سو کروڑ کے برابر ہوتا ہے، جبکہ ایک کھرب ایک ہزار ارب کے برابر ہوتا ہے۔ کھرب کے بعد، بہت بڑی مالی تعداد کے لیے ہمارے پاس اردو زبان میں کوئی لفظ نہیں اس لئیے ہمارے ہاں اس کے بعد عام طور پر بین الاقوامی نظام کے مطابق ٹرلین اور اس کے بعد کے اعداد کا استعمال کیا جاتا ہے، ٹرلین کے بعد کے کرنسی کے یونٹس میں کواڈرلین (Quadillion)، کوینٹلین (Quintillion)، اور سیکسٹلین (Sextillion) آتے ہیں۔ ہر ایک یونٹ ایک ہزار گنا بڑا ہوتا ہے، یعنی ایک کواڈرلین ایک ہزار ٹرلین کے برابر ہوتا ہے، ایک کوینٹلین ایک ہزار کواڈرلین کے برابر ہوتا ہے، وغیرہ۔ ان یونٹس کا استعمال بہت بڑی معیشتوں یا مالیاتی معاملات میں کیا جاتا ہے جہاں انتہائی بڑی رقم کو سمجھنے کی ضرورت ہوتی ہے۔ لیکن مجھے لگتا ہے کہ اگر پاکستان میں گھروں اور پلاٹوں کی قیمتیں اسی طرح بڑھتی رہیں تو بڑے سے بڑا کرنسی یونٹ اور مالیاتی نظام اس ملک میں ہیچ ہو جاۓ گا کرنسی کے نئے یونٹس متعارف کرانا اب وقت کا بڑا تقاضہ ہے تاکہ بڑی رقم کو آسانی سے منظم کیا جا سکے تاریخ میں بھی ایسے واقعات موجود ہیں جہاں معیشتوں نے اپنی کرنسی کی قدر کو بہتر بنانے کے لیے کرنسی کے نئے یونٹس متعارف کروائے ہیں۔ افراط زر کی شرح بہت زیادہ ہو جائے تو حکومتیں کبھی کبھی “ڈی-نومینیشن” کا عمل بھی اپناتی ہیں، جہاں پرانی کرنسی کے بڑے نوٹوں کو نئی کرنسی کے چھوٹے مالیت کے نوٹوں سے بدل دیا جاتا ہے تاکہ کرنسی کی معیاری قدر کو بحال کیا جا سکے (سید شایان نے یہ مضمون رئیل اسٹیت پورٹل سید شایان ڈاٹ کوم کے لئیے تحریر کیا)

تو ایسا کیوں ہوتا ہے کہ ہمارے ان دو شہروں کو آۓ دن فضائی آلودگی کا ٹائٹل نمبر ون دے دیا جاتا ہے اس انڈکس کی مدد سے ہمیں اس سوال کا جواب مل جاۓ گا کیونکہ ائیر کوالٹی انڈکس (AQI) فضائی آلودگی کی سطح کو سمجھنے کے لئے ڈیزائن کیا گیا ہے۔ اس میں ہر رنگ ایک مخصوص AQI کی سطح کی نمائندگی کرتا ہے اور یہ بتاتا ہے کہ ہوا کی کوالٹی کتنی صحت بخش یا نقصان دہ ہو سکتی ہے۔ یہاں اُن 6 رنگوں کی فہرست دی گئی ہے جو عام طور پر اس انڈکس میں استعمال ہوتے ہیں: 1. سبز (0-50 AQI: بہترین ): یہ رنگ بہترین ہوا کی کوالٹی کو ظاہر کرتا ہے۔ اس سطح پر، ہوا صاف ہوتی ہے اور آلودگی کا صحت پر کوئی منفی اثر نہیں ہوتا۔ 2. پیلا (51-100 AQI: معمولی اچھی ): اس رنگ کا استعمال قابل قبول ہوا کی کوالٹی کو ظاہر کرنے کے لعئے کیا جاتا ہے۔ کچھ حساس افراد کو معمولی اثرات کا سامنا ہو سکتا ہے لیکن عام طور پر عوام کے لئے یہ سطح محفوظ ہوتی ہے۔ 3. نارنجی (101-150 AQI: ناسازگار برائے حساس افراد): اس رنگ کا مطلب ہے کہ حساس لوگوں جیسے بچے، بوڑھے، اور دمہ کے مریضوں کو ہوا کی کوالٹی کے منفی اثرات کا سامنا ہو سکتا ہے۔ 4. لال (151-200 AQI: ناسازگار): یہ رنگ ناسازگار ہوا کی کوالٹی کو ظاہر کرتا ہے۔ اس سطح پر، عوام کے تمام افراد کو صحت کے منفی اثرات کا خطرہ ہو سکتا ہے۔ 5. بنفشی (201-300 AQI: بہت ناسازگار): بہت ناسازگار ہوا کی کوالٹی کی نمائندگی کرتا ہے۔ یہ سطح عوام کے لئے سنگین صحتی خطرات کا باعث بن سکتی ہے۔ 6. مرون (301-500 AQI: خطرناک): اس رنگ کا مطلب ہے کہ ہوا کی کوالٹی خطرناک سطح تک پہنچ چکی ہے۔ اس سطح پر، فضائی آلودگی ہنگامی صورتحال کی نمائندگی کرتی ہے، جس سے عوام کی صحت پر فوری اور سنگین خطرات پیدا ہوتے ہیں۔ اس انڈکس سے لوگوں کو اپنی حفاظت کے لئے بروقت اور مناسب اقدامات کرنے کا شعور حاصل ہو سکتا ہے، خاص طور پر بچوں، بوڑھے افراد، اور دمہ کے مریضوں کو اس سے آگاہ کرنا ضروری ہے یاد رہے کہ شہروں کی ہوا میں آلودگی کی وجہ اس کے اپنے ناسمجھ شہری ہیں یہ کوئی قدرتی آفت نہیں ہماری اپنی حرکات اس آلودگی کی سب سے بڑی وجہ ہیں تازہ ہوا اس وقت آلودہ ہو جاتی ہے جب اس میں پارٹیکولیٹ میٹر، نائٹروجن ڈائی آکسائیڈ، سلفر ڈائی آکسائیڈ، اوزون، اور کاربن مونوآکسائیڈ کی مقدار شامل ہو جاتی ہے لیکن آلودگی کے یہ عناصر آتے کہاں سے ہیں ؟ آئیے جانتے ہیں پارٹیکولیٹ میٹر (PM): ہوا میں تیرتے ہوۓ یہ ننھے اور باریک خطرناک ذرات دھول اور جنگل کی آگ کے ساتھ ساتھ گاڑیوں کے دھوئیں، صنعتی اخراج، کنسٹرکشن سائٹس، زرعی فصلوں کو جلانے، اور گھریلو فوسل فیولز کے جلانے سے آتے ہیں۔ ان ذرات کی موجودگی ہوا کی کوالٹی خراب , اور سانس کی بیماریوں، دل کی تکلیف، اور آستھما کا سبب بنتی ہے۔ سلفر ڈائی آکسائیڈ (SO2) کوئلہ، تیل، اور دیگر فوسل فیولز جن میں سلفر ہو جلانے سے ہوا میں مل جاتی ہے نائٹروجن ڈائی آکسائیڈ (NO2) فوسل فیولز جیسے کہ پیٹرول، ڈیزل، کوئلہ، اور گیس کو جلانے کے عمل سے خارج ہوتی ہے، خاص طور پر گاڑیوں کے انجنوں، تھرمل پاور پلانٹس، اور دیگر صنعتی یونٹس سے اخراج اس کا سبب ہے گراؤنڈ لیول اوزون، جو سورج کی روشنی میں نائٹروجن آکسائیڈز اور وولیٹائل آرگینک کمپاؤنڈز کے ردعمل سے بنتی ہے، فضائی آلودگی کو بڑھاتی ہے اور انسانی صحت و ماحول پر منفی اثر ڈالتی ہے۔ کاربن مونو آکسائیڈ (CO) فوسل فیولز جیسے پیٹرول، ڈیزل، کوئلہ، یا لکڑی کے ناقص جلنے سے، خصوصاً گاڑیوں کے اگزاسٹ اور گھریلو ہیٹنگ سے خارج ہوتی ہے۔ آخر میں مجھے یہی کہنا ہے کہ اگر ہوا کی آلودگی پر اب بھی قابو نہ پایا گیا تو وہ وقت دور نہیں جب سانس لینا بہت دشوار ہو گا، اور ہمارے شہریوں کو سانس لینے کے لئے چائنہ کے شہریوں کی طرح کینیڈا سے فریش ائیر کے سلنڈرز امپورٹ کرنا پڑیں گے۔ لیکن وہ تو دولت مند ملک ہے اس کی حکومت نے اپنے شہریوں کے سانس لینے کے لئیے سلنڈرز امپورٹ کر لئیے ، پاکستان کی حکومت کیا اپنے شہریوں کو ایسی کوئی سہولت دے سکے گی ؟ (سید شایان نے یہ مضمون رئیل اسٹیت پورٹل سید شایان ڈاٹ کوم کے لئیے تحریر کیا)

ایک دلچسپ معمہ ہے۔ تو کیوں نہ ان خالی کمروں کو کچھ اضافی آمدنی کا ذریعہ بنایا جائے؟ کیا ایسا ممکن ہے ؟؟ جی ہاں ایسا کرنے سے آپ اپنے گھروں کے بڑھتے ہوۓ بجلی پانی اور گیس کے بل با آسانی ادا کر سکیں گے اور اس اضافی آمدنی سے خاصی رقم بچا بھی سکیں گے اس کے لئیے آپ کو کیا کرنا ہو گا ؟؟ بہت سادہ سی بات ہے یہ آج کے زمانے میں، اس کے لئیے پہلے آپ جانییے کہ Airbnb کیا ہے !! یہ دراصل ایک آن لائن مارکیٹ پلیس ہے جو لوگوں کو ان کے گھر یا گھر کے کچھ کمرے عارضی طور پر دو چار دن کرایہ پر دینے کی سہولت مہیا کرتا ہے اور پوری دنیا سے آپ کے شہر میں آنے والوں کو مختلف اقسام کی رہائش گاہوں میں قیام کا انتخاب کرنے کی سہولت دیتا ہے، جن میں اپارٹمنٹس، گھر یا گھر کے کچھ کمرے یا فارم ہاؤسز شامل ہیں۔ پاکستان میں جس طرح لوگ بائیکیا Bykia یا اُوبر Uber کو کال کر کے سواری منگواتے ہیں اور جہاں جانا چاہیں چلے جاتے ہیں بالکل اسی طرح دُنیا بھر میں جب لوگ کسی دوسرے ملک یا اپنے ملک میں ایک شہر سے دوسرے شہر جانا چاہیں تو وہ Airbnb کی سائٹ ہر جاتے ہیں اور اپنی پسندیدہ جگہ کا خود انتخاب کر کے اور جتنے دن کا ان کا وزٹ ہے اتنے دن کے پیسے وہ Airbnb کو جمع کروا دیتے ہیں اگر کسی شخص نے آپ کے گھر کا انتخاب کیا ہے تو Airbnb مہمان کے آپ کے گھر تک پہنچنے کے 24 گھنٹے کے اندر وہ پیسے اپنی فیس کاٹ کر آپ کے اکاؤینٹ میں جمع کروا دے گا یہ بہت سادہ اور آسان طریقہ ہے اور اس وقت دنیا بھر میں سیاحوں کا ایک شہر سے دوسرے شہر پہنچنے اور ایک ملک سے دوسرے ملک جانے کا سب سے پاپولر طریقہ ہے مثال سے سمجھاتا ہوں جب آپ Airbnb پر اپنی پراپرٹی کرایہ پر دیتے کے لئیے پوسٹ کرتے ہیں اور کوئی مہمان آپ کی جگہ بُک کرتا ہے، تو آپ کو آپ کے مقرر کردہ کرایہ کی رقم اس طرح ملے گی: 1. بکنگ کی تصدیق: جب ایک مہمان آپ کی پراپرٹی کی بکنگ کرتا ہے، تو Airbnb اسی وقت جگہ کی تصدیق کر کے مہمان سے پوری رقم وصول کر لیتا ہے۔ 2. پیسے کی منتقلی: Airbnb آپ کو مہمان کے چیک ان کے بعد، عام طور پر 24 گھنٹے کے اندر، پیسے منتقل کرتا ہے۔ 3. ادائیگی کا طریقہ : آپ اپنے Airbnb اکاؤنٹ میں ادائیگی کے طریقے کے طور پر بینک ٹرانسفر، PayPal، اور دیگر مقامی ادائیگی کے آپشنز منتخب کر سکتے ہیں۔ آپ کی مقامی کرنسی اور ملک کے حساب سے دستیاب ادائیگی کے طریقے مختلف ہو سکتے ہیں۔ یہاں یہ بات اہم ہے کہ چونکہ پاکستان میں Airbnb ادائیگیوں کے لیے PayPal دستیاب نہیں ہے۔ مقامی اور بین الاقوامی کریڈٹ کارڈز جیسے Visa اور Mastercard استعمال کیے جا سکتے ہیں۔ ڈیبٹ کارڈز بھی کچھ صورتوں میں قبول کیے جاتے ہیں۔ ادائیگی کے دیگر آپشنز میں Apple Pay یا Google Pay شامل ہو سکتے ہیں، اگر آپکا بینک یا کارڈ ایشوئر ان کی حمایت کرتا ہو۔ بینک سے مشورہ کریں کہ آپ کے کارڈ کو کون سی انٹرنیشنل ٹرانزیکشنز کی اجازت ہے۔ اضافی فیس یا شرائط کے بارے میں بھی معلومات حاصل کریں۔ Airbnb کی ویب سائٹ یا ایپ پر دستیاب اختیارات کی جانچ پڑتال کریں، کیونکہ دستیاب ادائیگی کے طریقے وقت کے ساتھ تبدیل ہو سکتے ہیں۔ 4. مطلوبہ فِیس: Airbnb میزبانوں سے کم سے کم 1 فیصد سروس فیس وصول کرتا ہے، جو کہ کل بکنگ کی رقم کا ایک فیصد یا اس سے بھی زیادہ تین یا پانچ فیصد بھی ہو سکتا ہے۔ یہ فیس بکنگ کی کل رقم سے کاٹ لی جاتی ہے، اور پھر باقی رقم میزبان کو منتقل کی جاتی ہے۔ 5. ٹیکس قوانین : مختلف ملکوں کے قوانین کے مطابق، آپ کو اپنی آمدنی پر ٹیکس بھی ادا کرنا پڑ سکتا ہے۔ Airbnb کچھ مقامات پر ٹیکس جمع کرنے اور ادا کرنے کا بھی انتظام کرتا ہے۔ اپنی بات کو اور آسانی سے سمجھاتا ہوں اگر آپ نے اپنے گھر کے کمرے کا کرایہ فی یوم 5000 مقرر کیا ہے اور آپ اسے Airbnb پر لسٹ کرتے ہیں، تو آپ کو ملنے والی رقم کا حساب کچھ اس طرح ہوگا: 1. کل کرایہ: 5000 روپے (فی یوم کے حساب سے) ‏2. Airbnb سروس فیس: Airbnb میزبانوں سے سروس فیس کے طور پر تقریباً %3سے %5 تک کا چارج کرتا ہے (یہ شرح مختلف ہو سکتی ہے)۔ مثال کے طور پر، اگر ہم 3 فیصد سروس فیس کا اندازہ لگا لیں تو 5000 روپے کا %3 150 روپے ہے 3. آپ کو ملنے والی رقم 150 روپے کاٹ کر 4850 روپے ہے لہٰذا، اگر آپ کے کمرے کا فی یوم کرایہ 5000 روپے ہے اور Airbnb 3% سروس فیس لیتا ہے، تو آپ کو فی یوم کی بکنگ پر تقریباً 4850 روپے ملیں گے۔ اور ا اور اگر Airbnb پر مہمان آپ کی پراپرٹی کو ایک ہفتے کے لیے یا اس سے بھی زیادہ عرصے کے لئیےبُک کرتا ہے، تو بھی آپ کو پورے ہفتے یا تمام عرصے کی ادائیگی مہمان کے چیک اِن کے 24 گھنٹے بعد مل جائے گی، یہ رقم آپ کے منتخب کردہ ادائیگی کے طریقہ کے مطابق آپ کو منتقل کر دی جائے گی، یہ ضروری ہے کہ آپ Airbnb کی ویب سائٹ پر موجودہ سروس فیس کی شرحوں کو چیک کریں کیونکہ یہ شرحیں وقت اور مارکیٹ کی صورتحال کے حساب سے تبدیل ہو سکتی ہیں۔ اس کے علاوہ، کچھ ممالک یا شہروں میں ٹیکس یا دیگر فیسیں بھی اپلائی ہو سکتی ہیں۔ تو ان کو ذہن میں رکھنا بھی ضروری ہے یہ سمجھنا بھی ضروری ہے کہ ادائیگی کی پالیسی اور فیس کی شرائط وقت کے ساتھ بدل سکتی ہیں، اس لیے اپنی لسٹنگ بنانے یا بکنگ قبول کرنے سے پہلے Airbnb کی موجودہ پالیسیوں کو ضرور چیک کر لیں۔ پاکستان میں بعض ایسے گھرانے موجود ہیں کہ جہاں گھر کا سربراہ نہیں ہے اور گھر کی خواتین یا بچے کسی کو گھر کرایہ پر دینے سے ڈرتے ہیں ان کے لئیے Airbnb بہت آئیڈیل ہے ایک تو ان کی آمدنی جگہ کو ماہانہ کرایہ پر دینے سے زیادہ ہوتی ہے اور پھر دوسرے مختلف ممالک کے لوگوں سے انٹر ایکشن کرنے سے ان کے دنیا بھر کے مختلف ثقافتوں اور پس منظر کے لوگوں سے ملنے کا موقع ملتا ہے جو انہیں آگے چل کر سوشل لائف میں اور بھی فائدہ پہنچا سکتا ہے اور سب سے اہم بات یہ ہے کہ خالی کمروں کو کرایہ پر دے کر آپ ایک اچھی خاصی رقم کما سکتے ہیں۔ یہ آمدنی آپ کے روزمرہ کے اخراجات میں مدد دے سکتی ہے، یا پھر آپ اسے کسی خاص مقصد کے لیے جمع کر سکتے ہیں۔ میں نے کوشش کی ہے کہ انتہائی سادہ زبان میں آپ کو میں Airbnb پر اپنی جگہ بُک کروانے اور پیمنٹ کی بابت آسان طریقے سے سمجھاؤں لیکن اگر پھر بھی آپ کے ذہن میں کوئی سوال ہے تو آپ پاکستان میں رئیل اسٹیٹ پورٹل ‘جائیداد آن لائن’ کے ای میل mail@jaidadonline.co پر انکوائری کر کے مزید سمجھ سکتے ہیں یا واٹس ایپ 03004233755 پر میسیج کر سکتے ہیں ۔ بعض افراد کو انٹرنیٹ پر جا کر اپنی جگہ Airbnb پر بُک کروانا دشوار محسوس ہو تو بھی آپ اس کپمنی کے نمائندہ کو واٹس ایپ پر میسیج کر سکتے ہیں اس صورت میں پھر آپ کو کچھ نہیں کرنا یہ کمپنی اپنے چارجز وصول کر کے یہ سہولیات سالانہ بنیاد پر آپ کو مہیا کر دے گی (سید شایان نے یہ مضمون رئیل اسٹیت پورٹل سید شایان ڈاٹ کوم کے لئیے تحریر کیا)

کہ وہ اپنی پراپرٹی کی آفیشل فائل ضرورت پڑنے پر کسی بھی وقت ایل ڈی اے جا کر بآسانی چیک کر سکتا تھا کہ کہیں اس کی غیر موجودگی میں کسی نے اس کی پراپرٹی کے کاغذات میں کوئی ردّو بدل نہ کر لیا ہو کیونکہ ایل ڈی اے میں یہ ایک شکایت بہت عام ہے کہ جب کوئی شہری اپنی پراپرٹی کی فائل چیک کرنے ایل ڈی اے آفس گیا تو اسے معلوم ہُوا کہ اس کی پراپرٹی تو جعلی کاغذات بنوا کر کس اور کو فروخت کر دی گئی ہے اور اس کی فائل میں اس سودے کا باقائدہ بیعنامہ بھی لگا ہُوا ہے صرف ٹرانسفر باقی ہے اب ایل ڈی اے افسران کو وہ لاکھ کہتا پھرے کہ اس نے کسی سے کوئی سودا نہیں کیا اور اس کے ساتھ کسی نے فراڈ کیا ہے افسران کا جواب ایک ہی ہو گا کہ چونکہ اس کی فائل میں agreement to sell موجود ہے اس لئیے وہ اس کی کوئی مدد نہیں کر سکتے اس معاملے کو حل کرنے کے لئیے اسے عدالت سے رجوع کرنا ہو گا اپنے کمزور عدالتی نظام کی وجہ سے میں اپنے ہر واقف کار کو یہ مشورہ دیا کرتا ہوں اور یہ ویڈیو دیکھنے والوں کو بھی یہی ایڈوائس کروں گا کہ سال میں ایک بار اپنی پراپرٹی کی فائل سب رجسٹرار یا متعلقہ اتھارٹی کے آفس میں خود جا کر یا اپنا اٹارنی بھیج کر لازمی چیک کیا کریں بہت ممکن ہے کہ آپ کی فائل سے کاغذات نکال کر قبضہ مافیا نے عملے کے کسی رکن سے ملکر آپ کے جعلی دستخطوں سے کسی سے معاہدہ سیل کر لیا ہو اب ظاہر ہے کہ اس کی ٹرانسفر تو ممکن نہیں ہے کہ اس معاملے میں ایل ڈی اے کا طریقہُ کار کافی سخت ہے لیکن فائل کی حد تک کاغذات میں رد و بدل باسانی کیا جا سکتا ہے بات ہو رہی تھی ایل ڈی اے کے اس نئے قانون کی کہ جس میں فائل چیک کرنے کی فیس اب دس ہزار روپے عاید کر دی گئی ہے یعنی ایک عام آدمی سے یہ حق بھی چھین لیا گیا ہے کہ وہ اپنی پراپرٹی کی فائل بھی اب نہیں دیکھ سکتا اور اگر اسے دیکھنا بہت ضروری ہے تو پہلے دس ہزار روپے فیس وہ ایل ڈی اے میں جمع کرواۓ ہمارے ہاں ایک عام پریکٹس یہ بھی ہے کہ جب کوئی شخص اپنی پراپرٹی فروخت کرتا ہے تو وہ نئے خریدار کو ایل ڈی اے لے جا کر اپنی فائل کا معائنہ کرواتا ہے کہ خریدنے والا آرام سے چیک کر لے کہ جو پراپرٹی وہ خرید رہا ہے وہ تمام جھگڑوں سے پاک صاف اور liaison free ہے نیا خریدار بھی اپنے وکیل کے ساتھ اس فائل کی dew diligence کرتا ہے اور تمام ضروری کاغذات کی فوٹو اسٹیٹ کروا ئی جاتی ہے کیونکہ agreement to sell یا نئی سیل ڈیڈ لکھنے کے لئیے ان کاغذات کا سامنے ہونا انتہائی essential ہے لیکن اس قانون کے بعد اب ایسا ممکن نہیں رہا آج اگر آپ کو ایل ڈی اے میں اپنی فائل چیک کرنے کی ضرورت پڑ گئی ہے تو سب سے پہلے آپ ادارے کی ون ونڈو پر جا کر اپنی پراپرٹی کی فائل دیکھنے کی درخواست دیں گے جس کے ساتھ دس ہزار روپے کی بنک ڈیپازٹ سلپ کا ہونا لازمی ہے کہ ایل ڈی اے اس کے بغیر آپ کی درخواست accept ہی نہیں کرے گا جب آپ قومی خزانے میں دس ہزار روپے ایڈوانس جمع کروائیں گے تب ہی ایل ڈی اے انتظامیہ آپ کو اپنی فائل چیک کرنے کی اجازت دے گی اور اگر کہیں آپ کو اس فائل میں لگے کاغذات کی فوٹو اسٹیٹ کی بھی ضرورت پڑ گئی ہے تو فی کاغذ ایک ہزار روپیہ آپ کو الگ سے ادا کرنا ہو گا یعنی بالفرض اگر آپ کی فائل میں دو سو کاغذات موجود ہیں اور آپ کو ان سب کی فوٹو کاپیز کی ضرورت ہے تو سیدھا سیدھا ایک ہزار فی فوٹو سٹیٹ کے حساب سے دو لاکھ روپیہ آپ کو مزید ایل ڈی اے کو ادا کرنا ہو گا اپنی بات آگے بڑھانے سے پہلے ایل ڈی اے کی اُس گورننگ باڈی میں شامل ان سولہ ممبران جن کی مشاورت سے یہ رول بنایا گیا ہے میں ان کے نام آپ سے شئیر کرنا چاہوں گا تاکہ عام آدمی بھی اب یہ بات جان سکے کہ پاکستان میں جن قوانین کا ہم ہر وقت رونا روتے ہیں اور یہی سوچتے رہتے ہیں کہ اس طرح کے مضحکہ خیز قانون بناتا کون ہے تو یہ ہمارے اپنے ہی عوامی نمائندہ اور افسران ہوتے ہیں کہ جب اقتدار میں آتے ہیں یا اہم حکومتی عہدوں پر فائز ہوتے ہیں تو بلا سوچے سمجھے ایسے ایسے قوانین بنا جاتے ہیں کہ بعد میں انکی ان لاپرواہیوں کا سامنا عام عوام کو کرنا پڑتا ہے ا چودھری پرویز الہی اسوقت کے وزیر اعلی پنجاب اور چئیر مین ایل ڈی اے میاں اسلم اقبال اسوقت کے وائس چئیرمین ایل ڈی اے اور سینئیر منسٹر شیخ امتیاز محمود اس وقت کے وائس چئیر مین واسا سعدیہ سہیل رانا ایم پی اے عمُر آفتاب ایم پی اے شیخوپورہ ملک مختار احمد ایم پی اے قصور محمد عاطف ایم پی اے ننکانہ صاحب عامر ریاض قریشی ممبر ایل ڈی اے و پولیٹیکل فگر طارق ثنأ باجوہ ممبر ایل ڈی اے و پولیٹیکل فگر محمّد عامر جان کمشنر لاہور محمد علی رندھاوا سیکریٹری فائنانس عامر احمد خان ڈی جی ایل ڈی اے غفران احمد مینیجنگ ڈائیریکٹر واسا ڈاکٹر سہیل انور چودھری شکیل احمد سیکریٹری HUD اینڈ PHE ڈیپارٹمنٹ مسٹریس ماریہ طارق نمائندہ سیکریٹری LG اینڈ UG آپ نے دیکھا کہ اس گورننگ باڈی میں 9 عوامی نمائندے اور 7 سول سروس کے نمائندے موجود ہیں جو اس نئے قانون کو بناۓ جانے کے براہِ راست ذمہ دار ہیں کیا ان میں کوئی ایک معزز ممبر بھی مجھے یہ بتا سکتا ہے کہ ایک عام شہری کو اپنی فائل چیک کرنے پر یا اس کی فوٹو اسٹیٹ کاپیاں کروانے پر جو خطیر رقم LDA اس نئے قانون کے تحت وصول کر رہا ہے وہ کس حد تک جائز ہے ؟ اور اس قانون کے آنے کے بعد ایل ڈی اے میں رشوت ستانی کا جو ریکارڈ اضافہ ہوا ہے ۔۔۔ تو کوئی ایک ممبر بھی اسے justify کر سکتا ہے ؟ کیا کوئی بھی ایک ممبر یہ سمجھا سکتا ہے کہ اس رُول کو بنانے کی ضرورت پیش ہی کیوں آئی ؟ جب ایل ڈی اے کسی پراپرٹی کی ٹرانسفر یا پلیسمنٹ کے وقت جو بھاری فیس لیتا ہے وہ کس لئیے لیتا ہے؟ وہ فیس اسی بات کی لی جاتی ہے کہ پراپرٹی کی ٹرانسفر یا پلیسمنٹ پر ایل ڈی اے کو چونکہ آئندہ ایک نیا ریکارڈ maintain کرنا ہو گا یا مستقبل قریب میں اس فائل پر کوئی اضافی کام کرنا پڑے گا اور اس اضافی کام کے لئیے اس کی ایڈوانس فیس ٹرانسفر فِیس وصول کر لی جاتی ہے تو اب ایل ڈی فائل دیکھنے پر دس ہزار روپے اور فی کاغذ فوٹو اسٹیٹ ایک ہزار کیسے وصول کر سکتی ہے کیا ایل ڈی اے کی 16 ممبران کی وہ گورننگ باڈی جس نے یہ قانون پاس کیا ہے اس میں شامل کوئی ایک ممبر بھی کوئی ایک justification بھی اس قانون کے حق میں دے سکتا ہے ؟ آپ پوچھیں گے کہ قانون کا justification سے کیا تعلق ہے؟ اس کا جواب میں اسی موضوع پر دوسری episode میں دوں گا اس وقت تک کے لئیے اجازت خُدا حافظ

کرے کہ 1947 میں پاکستان کا لینڈ ایریا کیا تھا اور آج 2023 میں کیا ہے؟ اور ہمارے مُلک کی انٹرنیشنل باؤنڈریز کی لمبائی اور پوزیشن کیا ہے نیز ہماری کوسٹ لائن کی لمبائی کتنی ہے ؟
▫️سروے آف پاکستان کا محکمہ سائنس و ٹیکنالوجی سے منسٹری آف ڈیفنس کے حوالے کرنے کی وجہ کیا ہے ؟ (سروے آف پاکستان کا محکمہ منسٹری آف ڈیفنس سے لیکر فوری طور پر محکمہ داخلہ کے انتظام میں دیا جاۓ)


[اس مضمون کے مصنّف سید شایان ، رئیل اسٹیٹ اینالسٹ اور پریکٹیشنر ہونے کے ساتھ اپنے نام سے منسوب اسلام آباد میں حال ہی میں قائم ہونے والے پاکستان کے پہلے پراپرٹی ریسرچ کے ادارے -SIRER-
‏Syed Shayan Institute for Real Estate Research
کے سربراہ اور .Real Estate Syndicate Inc کے فاؤنڈر اور سی ای او ہیں۔ یہ مضمون انہوں نے رئیل اسٹیٹ اور پراپرٹی سے متعلق معلومات اور خبروں کے پورٹل ‘جائیداد آن لائن’ www.JaidadOnline.co کے لئیے تحریر کیا ہے ]

وکی پیڈیا کے مطابق پاکستان رقبے کے لحاظ سے دنیا کا 33واں بڑا ملک ہے اور جنوبی ایشیا کا دوسرا بڑا ملک ہے، جو 881,913 مربع کلومیٹر پر پھیلا ہوا ہے۔
لیکن مئی 2023 میں عالمی بینک (WORLD BANK) ، نے جو دنیا کے تمام ممالک کے developments Indicators کا مجموعہ سرکاری طور پر تسلیم شدہ ذرائع سے مرتب کیا ہے ۔ اس میں پاکستان کا کل رقبہ 770,880 مربع کلو میٹر بتایا گیا ہے ( یاد رہے کہ ورلڈ بنک کی اس رپورٹ کو دنیا بھر کے ممالک کے ڈیٹا کے بارے میں سب سے authentic document تسلیم کیا جاتا ہے) اس حساب سے ہمارا 111,033 یعنی ایک لاکھ گیارہ ہزار اعشاریہ تینتس کلو میٹر رقبہ حکومت کے اپنے ہی پہلے اعداد و شمار سے کم ظاہر ہو رہا ہے؟ اور میرے لئیے یہ بہت تشویش کی بات تھی کہ کیا واقعی ہمارے ملک کا یہ رقبہ کم ہو گیا ہے یا حکومتی سطح پر کہیں اعداد و شمار کی غلطی ہوئی ہے؟ ہر دو صورتوں میں پاکستان کا اصل لینڈ ایریا ہے کتنا ؟ میں نے کئی روز گُوگل کے علاوہ دوسرے پروفیشنل search engines پر بھی جا کر اپنے سوال کا جواب تلاش کیا لیکن وہاں بھی مجھے کوئی خاص کامیابی نہ ملی چنانچہ میں نے سروے آف پاکستان کے ہیڈ آفس واقع فیض آباد راولپنڈی کے جیوگرافکل انفارمیشن سنٹر کے سربراہ محمد قاسم سے رابطہ کیا اور مُلک پاکستان کے کُل زمینی رقبہ کے بارے میں اُن سے اصل حقائق دریافت کیے کیونکہ میری دانست میں یہی وہ محکمہ ہے جو پاکستان کے مختلف علاقوں کا وقتا فوقتا سروے کر کے نقشے تیار کرتا اور چھاپتا ہے اور پاکستان کی ایک ایک انچ زمین کا ریکارڈ اس کے پاس محفوظ ہے میرا یہ خیال تھا کہ اس محکمے سے زیادہ authentic معلومات اور درست جواب مجھے کہیں اور سے نہیں مل سکتا لیکن یہاں مجھے کہا گیا کہ آپ کو پاکستان کے کُل زمینی رقبے کا نہیں بتایا جا سکتا البتہ ہم آپ کو چاروں صوبوں اور اسلام آباد کا زمینی رقبہ بتا دیتے ہیں اور انہوں نے مجھے اسلام آباد اور باقی چاروں صوبوں کا زمینی رقبہ الگ الگ لکھوا دیا جو یہ ہے
بلوچستان= 347,138 سکوائر کلو میٹر
پنجاب= 205,030 سکوائر کلو میٹر
سندھ= 140,928 سکوائر کلو میٹر
کے پی کے= 101,758 سکوائر کلو میٹر
اسلام آباد= 901 سکوائر کلو میٹر
جب میں نے ان تمام figures کو جمع کیا تو جواب آیا 795,755 سکوائر کلو میٹر ۔ یعنی سروے آف پاکستان کے مطابق پاکستان کا آفیشل زمینی رقبہ 7لاکھ 95 ہزار 7 سو 55 اسکوائر میٹر ہے۔ چونکہ حکومتی سطح پر ایسا ممکن نہیں ہے کہ وہ کشمیر اور گلگت بلتستان کے علاقے کو پاکستان کے نقشے اور لینڈ ایریا میں شامل کر سکے تو میں نے خُود اپنے پڑھنے والوں کی معلومات اور دلچسپی کے لئیے گلگت و بلتستان کے زمینی رقبے 69107 اسکوائر میٹر اور کشمیر کے زمینی رقبے 11717 اسکوئر کلو میٹر کو سروے آف پاکستان کی طرف سے دیئے گئے آفیشل اعداو شمار 795,755 میں جمع کر لیا تو جواب آیا 876,579 اسکوئر کلو میٹر ، یعنی دوسرے لفظوں میں پاکستان کا نان آفیشل لینڈ ایریا پاکستان کے آفیشل لینڈ ایریا سے 80824 سکوائر کلو میٹر زیادہ ہے
میں حیران ہوں کہ وکی پیڈیا پر پاکستان کا لینڈ ایریا 881,913 مربع کلو میٹر کیوں دکھایا جا رہا ہے اور ہماری انفارمیشن منسٹری اس پر خاموش کیوں ہے جبکہ یہ رقبہ آفیشلی 795,755 مربع اسکوائر میٹر ہے اور کشمیر گلگت بلتستان کو ڈال لینے سے نان آفیشلی 876,579 مربع اسکوائر میٹر ہے۔(لیکن ہماری واٹر باڈیز کا ایریا مائنس کرنے سے ہمارا لینڈ ایریا کافی کم ہو جاتا ہے) یہ سوال میں نے لاہور میں واقع سروے آف پاکستان کے پنجاب آفس میں تعینات ٹیکنیکل شعبہ کے انچارج سجاد سیال سے پوچھا تو انہوں نے کمال مہربانی سے کام لیتے ہوۓ مجھے وہ بنیادی اصول سمجھایا کہ جس کو بنیاد بنا کر کسی بھی مُلک کا لینڈ ایریا calculate کیا جاتا ہے اور جس کا ذکر میں آئندہ اپنے کسی آرٹیکل میں کرونگا لیکن یہاں مجھے یہ احساس ہُوا کہ شاید اس محکمے میں کسی کو بھی یہ پتہ نہیں کہ وکی پیڈیا پر پاکستان کا رقبہ کیا شو ہو رہا ہے اور کس نے یہ اعداد حکومت کی طرف سے وکی پیڈیا کے ڈیٹا میں درج کرواۓ ہیں جب میں نے ان سے پوچھا کہ کیا سروے آف پاکستان جیسے بڑے ادارے میں کوئی پبلک ریلیشنز آفیسر نہیں ہے جو انٹرنیٹ پر محکمے کے ڈیجیٹل ڈیٹا کی درستگی کا خیال رکھے تو مجھے معلوم ہُوا کہ ایسی کوئی اسامی یہاں نہیں ہے
یاد رہے کہ سروے آف پاکستان عرصہ دراز سے منسٹری آف ڈیفنس کے زیر انتظام کام کر رہا ہے حالانکہ اس سے قبل یہ محکمہ منسٹری آف سائنس اینڈ ٹیکنالوجی کے تابع تھا اور اس سے بھی پہلے منسٹری آف فوڈ اینڈ ایگریکلچرل یہ محکمہ چلا رہی تھی منسٹری آف ڈیفنس نے یہ محکمہ کیوں اپنے انتظام میں لیا ؟ میرے اس سوال کا کوئی افسر logical جواب نہ دے سکا البتہ مجھے یہ معلوم ہُوا کہ چونکہ سروے آف پاکستان کا اصل کام نقشے تیار کرنا اور انہیں publish کرنا ہے اور چونکہ پاک فوج ان نقشوں کی سب سے بڑی خریدار ہے اس لئیے منسٹری آف ڈیفنس کی خواہش پر ضیأالحق کے دور میں یہ محکمہ فوج کے حوالے کر دیا گیا
میری راۓ یہ ہے کہ پاک فوج ہمارے ملک کی زمینی سرحدوں کی حفاظت کی ذمہ دار ہے اگر وہ ایسے اہم محکمے کو خود چلانا شروع کر دے گی اور زمین اور سرحدی باؤنڈریز کی پیمائش اور ان کا ریکارڈ بھی خود رکھنا شروع کرے گی تو اس پر چیکنگ اور بیلنس کا نظام کون رکھے گا اسلئیے میری تجویز ہے کہ سروے آف پاکستان کا محکمہ منسٹری آف ڈیفنس سے لیکر فوری طور پر محکمہ داخلہ کے انتظام میں دیا جاۓ

بات ہو رہی تھی پاکستان کے actual land area کی جس میں محکمے نے واٹر باڈیز کے ایریا کو بھی لینڈ ایریا میں ڈال رکھا ہے اپنے پڑھنے والوں کو میں یہ بھی بتاتا چلوں کہ پاکستان میں کل 24 دریا بہتے ہیں جن میں سے 8 دریا خیبرپختونخواہ ، 7 بلوچستان، 5 پنجاب اور 4 سندھ میں بہتے ہیں۔ پاکستان کا بڑا دریائی نظام ہمالیہ اور قراقرم کے سلسلے سے نکلتا ہے ایسے ہی ہمارے ملک میں تقریباً 60 کے قریب جھیلیں ہیں مثال کے طور پر منچر جھیل جو پاکستان کی سب سے بڑی جھیل ہے اور 260 کلو میٹر کے علاقے پر پھیلی ہے اس کو اور اس طرح کی تمام جھیلوں اور واٹر باڈیز کو ہم ہرگز ہرگز لینڈ ایریا میں شامل نہیں کر سکتے واٹر باڈیز کی calculation دُنیا بھر میں الگ سے کی جاتی ہے اور ان کا مُلک کے لینڈ ایریا سے تعلق نہیں ہوتا لیکن سروے آف پاکستان کے ایک اعلی افسر نے اپنا نام نہ بتانے کی شرط پر مجھے بتایا کہ ہم نے اپنے لینڈ ایریا میں واٹر باڈیز کا ایریا بھی شامل کیا ہوا ہے اور چونک ہمارے ہیڈ آفس نے واٹر باڈیز کو لینڈ ایریا میں ڈالا ہُوا ہے تو اس پر ہم بحیثیت ملازم محکمہ اپنی کوئی راۓ نہیں دے سکتے یہ انکشاف میرے لئیے بہت حیران کن اور تکلیف دہ تھا

ایک اور حکومتی ادارے پاکستان کوسٹل ڈویلپمنٹ کا کہنا ہے کہ پاکستان کے پاس بحیرہ عرب کے ساتھ 1001 کلو میٹر میل لمبی ساحلی پٹی (coastline)ہے جو بحر ہند ، بحیرہ عرب اور عظیم دریائے سندھ تک پھیلی ہوئی ہے تو جب تک ان تمام واٹر باڈیز کے تمام رقبوں کو سروے آف ہاکستان کے دئیے گئے لینڈ ایریا سے مائنس نہیں کر دیا جاتا اس وقت تک پاکستان کا ایکچوئل لینڈ ایریا ہمارے سامنے نہیں آ سکتا
میں آج دو ہفتوں کی تمام محنت اور کوشش کے باوجود بھی پاکستان کے لینڈ ایریا کی درست figure حاصل کرنے میں ناکام رہا ہوں اور کوئی محکمہ ایسا نہیں ہے جو یہ بتا سکے کہ پاکستان کی اِن لینڈ واٹر باڈیز کی کُل تعداد کیا ہے اور کتنا زمینی رقبہ ان کے زیر ِاثر ہے یہی سوال اگر انڈیا کے حوالے سے پوچھا جاتا تو آپ کو ترنت جواب ملتا کہ پورے انڈیا میں واٹر باڈیز کی کل تعداد 24,24,540 ہے یعنی 24 لاکھ 24 ہزار 540۔

تو کہنا یہ چاہتا ہوں کہ جب تک ہمیں اپنی واٹر باڈیز کی کُل تعداد کا پتہ نہیں چل جاتا ہم پاکستان کے زمینی رقبے کے بارے میں کوئی حتمی راۓ نہیں دے سکتے

چنانچہ میں پوری کوشش کر رہا ہوں کہ مجھے درست اعداد و شَمار حاصل ہو جائیں اور جونہی مجھے اس میں کامیابی ملتی ہے میں اسی وقت دوبارہ آپ کی خدمت میں درست اعداد و شمار کے ساتھ حاضر ہو جاؤں گا
اسوقت تو میں اس کوشش میں ہوں کہ میں پاکستان کے لینڈ ایریا کے موجودہ ایشو کو قومی اسمبلی کی کسی قائمہ کمیٹی کے سامنے پیش کر سکوں ۔

نوٹ:-
سروے آف پاکستان کا شائع کردہ ایک نقشہ پڑھنے والوں کی دلچسپی کے لئیے میں پہلی مرتبہ شائع کر رہا ہوں جسے محکمے نے administrative pakistan کا نام دیا ہے اور جسے سروے آف پاکستان کے لاہور آفس سے میں نے نقد خرید کر اس مضمون کا حصہ بنایا ہے
اس نقشے میں سروے آف پاکستان نے کشمیر اور گلگت بلتستان کے علاقوں کو پاکستان کے نقشے میں شامل نہیں کیا لیکن حیران کُن طور پر ہماری انٹرنیشنل باؤنڈری جمّوں تک جاتی دکھائی دیتی ہے اس کے علاوہ اس نقشے میں جو آبادی (population) پاکستان کے مختلف شہروں کی بتائی گئی ہے وہ 2017 کی مردم شماری کے مطابق ہے جبکہ ہمارے ملک میں ساتویں مردم شماری 2023 میں ہو چکی ہے اس سے محکمے کی کارگزاری کا ہمیں بخوبی اندازہ ہو جاتا ہے

کے سمجھ کر پڑھنا لازم ہے۔ قسط 1 [ اس مضمون کے مصنّف سید شایان ، رئیل اسٹیٹ اینالسٹ اور پریکٹیشنر ہونے کے ساتھ اپنے نام سے منسوب پاکستان کے پہلے پراپرٹی ریسرچ کے ادارے -SIRER- Syed Shayan Institute for Real Estate Research کے سربراہ اور .Real Estate Syndicate Inc کے فاؤنڈر اور سی ای او ہیں۔ یہ مضمون انہوں نے رئیل اسٹیٹ اور پراپرٹی سے متعلق معلومات اور خبروں کے پورٹل ‘جائیداد آن لائن’ www.JaidadOnline.co کے لئیے تحریر کیا ہے ] پراپرٹی ٹیکس جاننے اور سمجھنے کے 2 مرحلے ہیں 🔻پہلے مرحلے میں آپ کو 6 باتوں کا جاننا لازم ہے 1- پراپرٹی کا سٹیٹس کیا ہے کمرشل یا رہائشی (گورنمنٹ ڈاکومنٹس ریکارڈ کے مطابق) 2- پراپرٹی ذاتی استعمال میں ہے یا کراۓ پر دی ہوئی ہے یا جزوی کراۓ پر ہے 3- پراپرٹی کس شہر میں ہے 4- پراپرٹی شہر کے کس محلّے ( علاقہ/ایریا / ایڈریس) میں واقع ہے 5- اگر پراپرٹی رہائشی ہے تو ٹھیک لیکن اگر وہ کمرشل ہے تو کیا main لوکیشن پر ہے یا off لوکیشن پر ؟ (اس کا علم ہمیں اس ویلیویشن ٹیبل valuation table (شیڈول) سے ہوتا ہے جو محکمہ ایکسائز کی ویب سائٹ پر موجود ہے ) 6- پراپرٹی جس لوکیشن / محلے / ایڈریس پر ہے وہ کس کیٹگری میں fall کرتی ہے یعنی A یا B یا C یا D یا E وغیرہ (کیٹگری سے ہمیں اندازہ ہوتا ہے کہ متعلقہ پراپرٹی پر کتنی مالیت کا ٹیکس عاید ہو گا) (پوائنٹ 5 اور 6 جاننے کے لئیےآپ اپنے صوبے یا territory کے محکمہ ایکسائز و ٹیکسیشن کی ویب سائٹ پر جا کر اپنے شہر اور پھر محلّے اور پھر اس محلّےکی کیٹگری معلوم کر سکتے ہیں) میں نیچے محکمہ ایکسائز ٹیکسیشن پنجاب کی ویب سائٹ کا لنگ دے رہا ہوں لیکن انتہائی افسوس کا مقام ہے کہ محکمے نے اپنی ویب سائٹ پر valuation table (شیڈول) تو دیا ہے لیکن کسی بھی شہر یا ٹاؤن محلے یا علاقے کی کیٹگری کی تفصیلات وہاں سرے سے موجود ہی نہیں ہیں www.excise.punjab.gov.pk چونکہ کیٹگریز کی تفصیلات محکمے کی ویب سائٹ پر نہیں ہیں اسلئیے آپ محکمہ ایکسائز ٹیکسیشن کو فون کر کے کیٹیگریز کی تفصیلات PDF فائل کے ذریعے اپنے موبائل پر منگوا سکتے ہیں پہلے مرحلے کے 6 پوائنٹس آپ اگر اچھی طرح سمجھ گئے ہیں تو سمجھئیے کہ پہلا مرحلہ آپ نے کامیابی سے طے کر لیا اب آپ دوسرے مرحلے میں آئیے ▫️دوسرے مرحلے میں پہلے یہ بات ذہن نشین کر لیجئیے کہ پراپرٹی ٹیکس آپ اپنی زمین اور زمین پر بنی تعمیرات دونوں پر ادا کرتےہیں 🔻دوسرے مرحلے میں درج ذیل 7 باتیں سمجھ کر آپ اپنا پراپرٹی ٹیکس نکال سکتے ہیں 1- یہ کہ آپ جس گھر یا بلڈنگ کے مالک ہیں اس کی زمین گزوں (Yards) کے حساب سے کتنی بنتی ہے اپنے مرلوں یا کنالوں کو آپ گزوں (yards) میں convert کر لیں (مثال کے طور پر آپ کا گھر ایک کنال کا ہے تو اس کا مطلب ہے کہ آپ 500 گز کے مالک ہیں) 2- آپ کی زمین پر کنسٹرکشن کتنے اسکوائر فٹ ہوئی ہے (مثال کے طور پر آپ کا گھر ایک کنال کا ہے اور اس پر constructed area تقریباً 5000 سکوائر فٹ ہے) 3- اب آپ Locations Category List میں یہ چیک کریں کہ آپ کا گھر کس کیٹگری میں آتا ہے 4- جب آپ کو معلوم ہو گیا کہ آپ کی پراپرٹی کی کیٹگری کیا ہے تو اب آپ valuation table (شیڈول) میں جا کر دیکھئیے کہ یہاں زمین کا ریٹ کیا ہے اور کنسٹرکشن کا ریٹ کیا ہے ریٹ نکالنے ویلیویشن ٹیبل کے کالمز غور سے پڑھیں اور اچھی طرح سے سمجھ لیجئیے کہ آپ کی پراپرٹی کمرشل ہے یا رہائشی اور آپ کے اپنے استعمال self میں ہے یا کراۓ پر rented پر دی ہوئی ہے 5- ویلیویشن ٹیبل کے کالمز میں جو رقم بھی درج ہے اس کو آپ اپنی زمین اور کنسٹرکشن کی figures سے الگ الگ ضرب دے لیں اور پھر دونوں رقموں کو جمع کر لیں جمع کر کے جو جواب آۓ گا یا جو figure بنے گی تو یہ سمجھئیے کہ یہ ایک مہینے کے برابر آپ کی پراپرٹی کی ویلیویشن ہے 6- اب اس ماہانہ ویلیو یشن کو آپ 12 سے ضرب (multiply) کر دیں تو یہ آپ کی پراپرٹی کی سالانہ ویلیویشن نکل آۓ گی 7- سالانہ ویلیویشن میں جو رقم بھی آۓ اس کا آپ 5 فیصد نکال لیں اور یہ %5 ہی آپ کا سالانہ پراپرٹی ٹیکس ہے 🔻 پراپرٹی ٹیکس سمجھنے کے لئیے چند اور اہم باتیں ▫️میں نے اس مضمون میں list of locations category کا ایک صفحہ اور valuation table (شیڈول)کا ایک صفحہ نمونے کے طور پر شائع کیا ہے جسے محکمہ ایکسائز و ٹیکسیشن (E&T ) پنجاب نے تیار کیا ہے اس سے آپ کو پراپرٹی ٹیکس نکالنے میں کافی مدد ملے گی ▫️اگر آپ شہر کے اربن یا کارپوریشن ایریا میں رہتے ہیں تو درج بالا طریقے سے آپ اپنا پراپرٹی ٹیکس نکال سکتے ہیں لیکن اگر آپ اپنے شہر کے کینٹ ایریا یا ڈی ایچ اے یا suburban یا مضافاتی (rural ) ایریا میں رہتے ہیں تو ان علاقوں کا پراپرٹی ٹیکس نکالنےکا طریقہ اور ہے جو اس مضمون کی دوسری قسط میں پیش کیا جاۓ گا ▫️پراپرٹی ٹیکس کا پیمنٹ چالان جون کے آخر یا جولائی اگست کے مہینوں میں جاری کر دیا جاتا ہے اور 30 ستمبر تک اسے ادا کرنا لازم ہوتا ہے لیکن مجھے اس بات پر حیرانگی ہے کہ راولپنڈی کنٹونمنٹ بورڈ نے ٹیکس گزاروں کو یہ ترغیب دی ہے کہ وہ اگر 28 جون 2023 تک اپنا پراپرٹی ٹیکس جمع کروا دیں تو ان کو 10 فیصد رعائیت حاصل ہو گی ▫️پراپرٹی ٹیکس دراصل آپ کی پراپرٹی کی سالانہ ویلیوییشن کے مساوی رقم کا %5 ہوتا پے اگر آپ اپنے شہر کے کینٹ ایریا میں رہتے ہیں تو تب آپ کو پراپرٹی ٹیکس %5 کی بجاۓ % 15 pay کرنا ہو گا دوسرے لفظوں میں جو لوگ لاہور کینٹ میں رہتے ہیں ان کو باقی لاہور کے علاقوں میں رہنے والوں کی نسبت %10 ٹیکس زیادہ دینا ہو گا ▫️پراپرٹی ٹیکس زمین اور بلڈنگ دونوں پر الگ الگ عاید ہوتا ہے لیکن pay ایک ساتھ کرنا ہوتا ہے اور ان کا چالان فارم بھی ایک ہی بنتا ہے۔ زمین پر فی گز (per yard ) اور کنسٹرکشن پر فی سکوئر فٹ (per sq. ft)کے حساب سے یہ ٹیکس عاید ہوتا ہے ▫️ایسی پراپرٹی جس میں کوئی جھگڑا dispute ہے اور معاملہ عدالت میں ہے اس کا پراپرٹی ٹیکس اس فریق کو ادا کرنا ہو گا جس کے نام پر pt1 فارم ہے یا ٹرانسفر لیٹر ہے یا سیل ڈِیڈ ہے اور اگر cancellation of sale deed کا دعوی ہے تو دعوی دار پراپرٹی ٹیکس دے گا اور اگر پراپرٹی کرایہ پر ہے اور پراپرٹی کا مالک غائب ہے تو جو کرایہ دار ہے یا قابض ہے پراپرٹی ٹیکس بھی اسی سے وصول کیا جاۓ گا ▫️میرے ایک دوست نے آج ہی (کہ جب میں یہ آرٹیکل لکھ رہا ہوں) مجھے فون کر کے پوچھا ہے کہ مجھے اپنے ایک فلیٹ جو میں نے کرایہ پر دیا ہوا ہے کا اس سال پراپرٹی ٹیکس کا چالان 75000 روپے موصول ہوا ہے جو پچھلے سال 15000 روپے تھا تو ایسا کیوں ہُوا ہے؟ تو اس کا سیدھا جواب یہ ہے کہ یہ clerical mistake بھی ہو سکتی ہے اس کے لئیے آپ اپنے علاقے کی کیٹگری اور ویلیویشن ٹیبل چیک کریں اور یہ بھی ممکن ہے کہ محکمہ ایکسائز نے اس علاقے میں جہاں فلیٹ ہے اس سال ہونے والی کسی اہم ڈویلپمنٹ کی وجہ سے اس علاقے کی ویلیو میں کچھ فیصد اضافہ کر دیا ہو اور اس کی کیٹگری تبدیل ہو گئی ہو ▫️انکم ٹیکس کے معاملات 6 سال بعد حکومت یا محکمے کی جانب سے کھولے نہیں جا سکتے یہ قانون ہے ، لیکن پراپرٹی ٹیکس اگر آپ نے کسی سال ادا نہ کیا ہو وہ بیس پچیس یا پچاس سال بعد بھی ادا کرنا لازمی ہے ▫️بیواؤں، نابالغ یتیم اور معذور افراد کے ملکیتی مکان یا عمارت جس کے ٹیکس واجبات 12,150 روپے سالانہ تک ہیں یہ سب پراپرٹی ٹیکس سے مستثنیٰ (exempted) ہیں۔ وفاقی یا صوبائی حکومت سے ریٹائرڈ سرکاری ملازم کی ملکیت اور زیر قبضہ 1 کنال تک کا ایک رہائشی مکان بھی اس ٹیکس سے مستثنیٰ ہے۔

بولا تھا "جوئل، میں مارٹی بول رہا ہوں دیکھو، میں تم کو اپنے سیل فون سے کال کر رہا ہوں۔۔ “ 'Joel, this is Marty Cooper.' 'I'm calling you from a cellular phone, but a real cellular phone, a hand-held portable cellular phone. واقعہ یہ ہے کہ جوئل بھی کافی عرصے سے ایسا موبائل فون بنانے کی کوشش کر رہا تھا کہ جو انسان اپنی گاڑی میں بیٹھ کر بھی استعمال کر سکے اور اس کے لیئے وہ وہیکلز ٹیکنالوجی کو سٹڈی کر رہا تھا لیکن مارٹن کوپر سمجھتا تھا کہ سیلولر فون جیسی ڈیوائس انسان کے ہاتھ میں ایسی ہونا چاہئیے کہ وہ اسے جہاں چاہے لے جا سکے اور وہ گھر یا گاڑی کا محتاج نہ ہو تو اس موضوع پر دونوں میں بحث رہا کرتی تھی جوئل کا خیال تھا کہ گاڑی کے بغیر یہ ممکن نہ ہو گا اس اثنأ میں ایک روز مارٹن کوپر نے ٹی وی سیریز Star Trek دیکھی تو کیپٹن کِرک کے communicator کو دیکھ کر اس کے ذہن میں یکلخت یہ خیال کُوندا کہ ایسی ہی ڈیوائس بنانے کا تو وہ سوچ رہا ہے اور ایسا اب ممکن ہے اس نے سوچا اور پھر ایک روز اس نے ایسا کر دکھایا یہ 3 اپریل 1973 کی تاریخ تھی ، کہ جب مارٹن نے جوئل کو کال کر کے اسے اپنی ایجاد سے آگاہ کیا تھا یعنی آج موبائل فون کو بنے ہوۓ پچاس سال ہونے کو آۓ ہیں ان پچاس سالوں میں دنیا میں جو تبدیلی موبائل فون کے بننے سے آئی ہے وہ کسی بھی سائنسی ایجاد سے کہیں زیادہ ہے اس سے پہلے میں بنجمن فرینکلن جنہوں نے بجلی [Electricity] دریافت کی تھی ان کی دریافت کو سائنس کی سب سے بڑی کامیابی سمجھتا تھا پھر ایڈیسن نے اسی بجلی سے الیکٹرک بلب ایجاد کر کے بجلی کی اہمیت کو اور منوایا تھا بجلی کی ایجاد کے بعد جو بھی سائنسی ایجاد ہوئی پاور اس کی بنیاد تھی بالکل ایسے ہی جیسے آج سٹیف جوب نے سیلولر فون کو محض ایک ہارڈوئیر اور بات کرنے کی ڈیوائس سے ایک سافٹ وئیر میں بدل دیا اور موبائل فون کے touch phone تک پہنچنے کے سفر میں سٹیف جوب کی اس ایجاد نے دنیا کا منظر نامہ بدل کر رکھ دیا ہے نیل آرم سٹرونگ، جو چاند پر قدم رکھنے والا پہلا انسان ہے اس نے چاند پر قدم رکھتے ہوۓ یہ تاریخی جملہ کہا تھا “One small step for man, one giant leap for mankind." بیشک چاند پر انسانی قدم عام آدمی کے لئیے ایک چھوٹا قدم لیکن بنی نوع انسان کے لئیے ایک بڑی چھلانگ کے مترادف سمجھا جاتا ہے لیکن میں سائنسی ترقی کا موازنہ کروں تو چاند تک پہنچنے کی سائنسی کامیابی سے زیادہ اہم انسان کا سیلولر فون ایجاد کر لینا ہے کہ جب اپنے موبائل پر گوگل ارتھ کے ذریعے ایک عام آدمی بھی ورچوئلی چاند ومریخ پر پہنچ سکتا ہے آج جب میں نیل آرم سٹرونگ کا موازنہ مقبولیت کے حساب سے بنجمین فرینکلن یا ایڈیسن یا مارٹی کوپر یا سٹیف جوب سے کروں تو میں ان سب کو نیل ارم سٹرونگ پر فوقیت دیتا ہوں کیونکہ ان سائنسدانوں نے عام آدمی کی زندگی میں سہولت لانے کے لئیے کرہ ارض پر رہنے والے ہر شخص کو ایک دوسرے کے بہت قریب کر دیا ہے ایسی ہی مزید تحریریں پڑھنے اور جاننے کے لئیے ویب سائٹ/ بلاگ وزٹ کیجئیے

داریاں کس حد تک نبھا رہی ہیں پڑھنے والے اس پر اپنی راۓ دے سکتے ہیں مملکتِ پاکستان اصل میں چار صوبوں ، وفاقی دارلحکومت اسلام آباد کی ٹیریٹری ، گلگت بلتستان ، کشیمر اور وفاق کے زیر انتظام قبائلی علاقہ جات فاٹا FATA پر مشتمل ہے جسے 2018 میں صوبہ پختونخواہ میں ضم merge کر دیا گیا صوبہ پختونخواہ میں 34 اہم شہروں میں سے جن 12 شہروں کی ترقی کے لئیے ڈویلپمنٹ اتھاریٹیز قائم ہیں ان کے نام یہ ہیں پشاور ڈویلپمنٹ اتھارٹی PDA ایبٹ آباد ڈویلپمنٹ اتھارٹی ADA بنّوُں ڈویلپمنٹ اتھارٹی BDA (ڈی آئی خان) ڈیرہ ڈویلپمنٹ اتھارٹی DDA گلیات ڈویلپمنٹ اتھارٹی GDA کرک ڈویلپمنٹ اتھارٹی KDA کاغان ڈویلپمنٹ اتھارٹی KDA کوہاٹ ڈویلپمنٹ اتھارٹی KDA مردان ڈویلپمنٹ اتھارٹی MDA مانسہرہ ڈویلپمنٹ اتھارٹی MDA صوابی ڈویلپمنٹ اتھارٹی SDA سوات ڈویلپمنٹ اتھارٹی SDA پنجاب کے بھی لگ بھگ 42 بڑے شہروں میں سے 8 شہروں میں یہ اتھارٹیز موجود ہیں صرف لاہور شہر کو خوبصورت اور بے نظیر بنانے کے لئیے LDA کے علاوہ RUDA راوی اربن ڈویلپمنٹ اتھارٹی بنائی گئی ہے جو دریاۓ راوی کے علاقے میں نیا لاہور آباد کرنے جا رہی ہے اور شہر میں کارپوریٹ کلچر کو پیدا کرنے کی غرض سےجو سنٹرل بزنس ڈسٹرکٹ بنایا جا رہا ہے اسے بھی ایک اتھارٹی یعنی پنجاب سنٹرل بزنس ڈسٹرکٹ ڈویلپمنٹ اتھارٹی کا نام دیا گیا ہے پنجاب کے شہروں کی ڈویلپمنٹ اتھارٹیز کے نام یہ ہیں لاہور ڈویلپمنٹ اتھارٹی LDA فیصل آباد ڈویلپمنٹ اتھارٹی FDA ملتان ڈویلپمنٹ اتھارٹی MDA راولپنڈی ڈویلپمنٹ اتھارٹی RDA گوجرانوالہ ڈویلپمنٹ اتھارٹی GDA بہاولپور ڈویلپمنٹ اتھارٹی BDA سرگودھا ڈویلپمنٹ اتھارٹی SDA ڈی جی خان ڈویلپمنٹ اتھارٹی روڈا RUDA راوی اربن ڈویلپمنٹ اتھارٹی سندھ کے 29 بڑے شہروں میں صرف 4 شہروں میں یہ اتھارٹیز قائم ہیں صرف کراچی کے لئیے 3 ڈویلپمنٹ اتھارٹیز قائم ہیں کراچی ڈویلپمنٹ اتھارٹی KDA ملیر ڈویلپمنٹ اتھارٹی (کراجی) MDA لیاری ڈویلپمنٹ اتھارٹی LDA حیدر آباد ڈویلپمنٹ اتھارٹی HDA سکھر ڈویلپمنٹ اتھارٹی SDA لاڑکانہ ڈویلپمنٹ اتھارٹی LDA بلوچستان کے 36 شہروں میں صرف دو شہروں میں ڈویلپمنٹ اتھارٹیز قائم ہیں کوئٹہ ڈویلپمنٹ اتھارٹی QDA گوادر ڈویلپمنٹ اتھارٹی GDA باقی صوبے کے تمام شہروں کے لئیے بلوچستان ڈویلپمنٹ اتھارٹی BDA سنئۂ 1974 میں قائم کی گئی وفاقی دارلحکومت اسلام آباد میں ڈویلپمنٹ اتھارٹی کو CDA یعنی کیپیٹل ڈویلپمنٹ اتھارٹی کا نام دیا گیا ہے گلگت بلتستان کے علاقے میں 14 شہروں میں صرف 2 شہروں کے لئیے ڈویلپمنٹ اتھارٹیز موجود ہیں گلگت ڈویلپمنٹ اتھارٹی GDA سکردو ڈویلپمنٹ اتھارٹی SDA آزاد کشمیر کے 20 شہروں میں سے بھی 4 ڈویلپمنٹ اتھارٹیز والے شہروں کے نام یہ ہیں ڈویلپمنٹ اتھارٹی مظفر آباد DAM میر پُور ڈویلپمنٹ اتھارٹی MDA پرل ڈویلپمنٹ اتھارٹی راولا کوٹ پونچھ PDA کوٹلی ڈویلپمنٹ اتھارٹی KDA فاٹا FATA شمال مغربی پاکستان میں ایک آئینی طور پر نامزد قبائلی علاقہ ہے جو سات نیم خودمختار قبائلی ایجنسیوں اور چھ سرحدی علاقوں پر مشتمل ہے۔ فاٹا کا 2018 میں صوبہ پختونخواہ میں merge ہو گیا تھا لیکن فاٹا ڈویلپمنٹ اتھارٹی ان قبائلی علاقوں میں اپنا تعمیر و ترقی میں اپنا کردار ادا کر رہی ہے پاکستان بھر میں تحصیل اور ضلعی سطح کے 189 شہروں میں سے صرف 36 شہروں میں یہ ڈویلیپمنٹ اتھارٹیز قائم ہیں سوچنا یہ ہے کہ جن شہروں میں ڈویلپمنٹ اتھارٹیز بنائی گئی ہیں وہ اپنے شہروں کی تعمیر و ترقی کے لئیے کیا کر رہی ہیں اور جن شہروں میں یہ اتھاریٹیز موجود نہیں تو وہاں تعمیر و ترقی کا معیار کیا ہے ؟ اور سب سے اہم بات یہ کہ کتنی آبادی والے شہر کو ڈویلپمنٹ اتھارٹی کی ضرورت ہے میری کمپنی پچھلے دو سال سے پاکستان کے رئیل اسٹیٹ سیکٹر پر ایک پورٹل پر کام کر رہی ہے جسے ‘جائیداد آن لائن’ کا نام دیا گیا ہے اس پورٹل پر دوران ریسرچ مجھ پر یہ عقدہ کھلا کہ پاکستاں میں تقریباً ساڑھے تین ہزار (3500) شہر اور ٹاؤنز ہیں لیکن صرف دس شہر ایسے ہیں جن کی تعداد دس لاکھ سے اوپر ہے دُنیا میں اگر کسی شہر کی آبادی دس لاکھ یعنی ون ملین سے کراس کر جاۓ تو ایسے شہر کے لئیے میٹروپولیٹن سٹی کی ٹرم استعمال کی جا تی ہے تو جاننا میں یہ چاہتا ہوں کہ ہمارے ہاؤسنگ اور لوکل گورنمنٹ کے محکمہ جات کے اعلی عہدے داران اور وزیر صاحبان کو ان حقائق کا ادراک ہے ؟ اور اگر ہے تو انہوں نے دس لاکھ یعنی ون ملین سے زائد آبادی والے شہروں کو میٹرو پولیٹن شہر کا درجہ دلوانے کے لیئے کیا کردار ادا کیا ؟؟ ا (باقی آئندہ) [ اس مضمون کے مصنّف ، رئیل اسٹیٹ اینالسٹ اور پریکٹیشنر سید شایان ہیں جسے انہوں نے رئیل اسٹیٹ اور پراپرٹی سے متعلق معلومات اور خبروں کے پورٹل ‘جائیداد آن لائن’ کے لئیے تحریر کیا ]

ہے لیکن گھروں کے معاملے میں وہ 2 منزلوں سے زیادہ کی اجازت نہیں دیتے جبکہ رہائشی پلاٹوں کی قیمتیں اب آسمان کو چُھو رہی ہیں اچھی جدید آبادیوں میں رہائشی پلاٹ اب تین ، چار کروڑ روپے سے لیکر آٹھ ، نو کروڑ کا بک رہا ہے اس صورتحال میں اگر گھر بھی تین یا چار منزلہ بنایا جاۓ تو ایک عام آدمی کا پلاٹ کی قیمت پر زیادہ خرچ ہونے کا ازالہ ہو سکتا ہے دوسرے ہمارے معاشرے میں زیادہ تر جوائنٹ فیملی سسٹم ہے لیکن دو منزلہ گھروں کی شرط کی وجہ سے سب سے زیادہ نقصان ہمارے جوائنٹ فیملی سسٹم کو پہنچا ہے نئے شادی شدہ جوڑے جب اپنے جوائنٹ فیملی سسٹم سے باہر نکلنا چاہتے ہیں تو ان میں نوّے فیصد کے پاس ایک ہی دلیل ہوتی ہے کہ گھر چھوٹا پڑ گیا ہے اور فیملی ممبرز کی تعداد میں خاطر خواہ اضافہ ہوا ہے ایک زمانہ تھا کہ ایک منزلہ گھر کی بجاۓ two-storey homes کو more affordable option سمجھا جاتا تھا لیکن جب سے پاکستان میں رئیل اسٹیٹ کے نرخوں میں اضافہ ہُوا ہے اب 2 منزلہ گھر بنانا اکنامکس کے حساب سے کوئی فائدے کا سودا نہیں رہا ضرورت اس امر کی ہے کہ تمام شہروں کی ڈویلمپنٹ اتھارٹیز بدلتے حالات کے تقاضوں کے مد ِ نظر تین یا چار منزلہ تک گھروں کی تعمیر کی اجازت دیں اس سے ایک بڑا فائدہ یہ ہو گا کہ مہنگا پلاٹ خرید کر اور اس پر اس سے مہنگا گھر بنانے کے بعد بہت سے ایسے بھی ہوں گے جو اپنے گھر کی دو منزلیں کرایہ پر دیکر اس سے مالی فائدہ حاصل کر سکیں گے دنیا بھر میں airbnb کا تصور بہت بڑھ چکا ہے جس میں آپ روزانہ کی بنیاد ہر اپنے گھر کے کمرے کراۓ پر دے کر اپنی ماہانہ آمدنی میں قابلِ ذکر اضافہ کر سکتے ہیں میں اپنے پڑھنے والوں کو بھی مشورہ دوں گا کہ وہ airbnb یا booking.com جیسی ویب سائٹس پرخود کو رجسٹر کروا کر ہر ماہ انتہائی معقول انکم اپنے گھر کے ایک یا دو کمروں سے بھی حاصل کر سکتے ہیں اب اسلامی یا پردہ دار گھرانے بھی بآسانی اپنے گھر کی دو یا ایک منزل کراۓ پر دے سکتے ہیں اس کے لئیے وہ گھر کا طرز تعمیر ایسا رکھ سکتے ہیں کہ گھر کی زائد منزلوں کا ، گھر کے مکینوں سے کوئی تعلق نہ رہے جیسے جیسے دُنیا میں گھر بنانے کے لئیے مخصوص پلاٹس مہنگے ہو رہے ہیں ویسے ویسے ان کا سائز بھی کم ہو رہا ہے اور رہائشی تصوّر Horizontal کی بجاۓ Vertical کی جانب بڑھ رہا ہے ایک زمانہ تھا کہ جب کوئی رہائشی اسکیم بنتی تو اس میں بارہ ، دس اور آٹھ کنال کے پلاٹس کی بڑی تعداد ہوتی تھی 1921 میں لاہور میں جب ماڈل ٹاؤن بنا یا یکم جنوری 1970 میں جب گلبرگ اسکیم لانچ ہوئی تو ان رہائشی اسکیموں کے ابتدائی نقشے اٹھا کر سٹڈی کیجئیے بڑے پلاٹس بہت بڑی تعداد میں دستیاب ہوتے تھے اب جدید سے جدید آبادی جب اناؤنس ہوتی ہے تو پلاٹس کی تعداد دو کنال سے ایک کنال یا دس مرلے یا پانچ مرلے پر مشتمل ہوتی ہے اور اب ان سوسائیٹیز میں ایک بڑی تعداد میں چھ یا آٹھ دس منزلہ رہائشی فلیٹس رہنے کے لئیے پیش کیے جا رہے ہیں اب اگر فلیٹس چھ آٹھ یا دس منزلہ ہو سکتے ہیں تو پھر ہاؤسنگ سوسائیٹیز ایکٹ میں قانون سازی کر کے گھروں کے تین یا چار منزلہ ہونے کے قانون کو بھی سہل کیا جا سکتا ہے اس وقت دنیا میں رہائش کے لئیے سب سے مہنگی زمین یورپی ملک مناکو Monaco کے ایریا Monte Carlo میں ہے جہاں صرف 16 سکوائر میٹر پلاٹ کے ٹکڑے کی قیمت ون ملین ڈالر یعنی 30 کروڑ روپے پاکستانی ہے اس کے مقابلے میں لندن میں آپ ون ملین ڈالر میں 25 اسکوئر میٹر ، نیویارک میں 28 سکوائر میٹر اور پیرس میں 39 سکوائر میٹر زمین کا ٹکڑا ہی خرید سکتے ہیں اسی لئیے دنیا بھر میں apartment living کا تصوّر زیادہ مضبوط ہوا ہے جاپان اور ہانگ کانگ کے شہری بھی اپنے ملک کے سخت ٹیکس اور زمینی قوانین سے بچنے کے لیے جدید اور آسانی سے بن جانے والے دو یا تین منزلہ ’مائیکرو ہومز‘ میں رہنا زیادہ پسند کرتے ہیں [ اس مضمون کے مصنّف سید شایان ، رئیل اسٹیٹ اینالسٹ اور پریکٹیشنر ہونے کے ساتھ ساتھ پاکستان میں رئیل اسٹیٹ انوسٹرز کے انٹرنیشنل کنسورشیم کے سربراہ ہیں یہ مضمون انہوں نے رئیل اسٹیٹ اور پراپرٹی سے متعلق معلومات اور خبروں کے پورٹل ‘جائیداد آن لائن’ کے لئیے تحریر کیا ]

لاہور سے باہر کا وزٹ پلان کیے بیٹھا تھا چنانچہ میں نے اپنے پلان میں کچھ تبدیلی کر لی 12 دسمبر کی رات 12 بجے کے بعد مجھے وقفے وقفے کے بعد تواتر سے میرے فیس ُبک فرینڈز کی طرف سے birthday wishes موصول ہوتی رہیں اور میری توجہ بار بار فیس بُک کے notifications کی طرف جاتی رہی صُبح جب میں نیند سے بیدار ہُوا اور سائیڈ ٹیبل پر دھرے موبائل کو آن کیا تو پچیس تیس نوٹیفیکیشنز میرے منتظر تھے جنہیں باری باری میں نے آرام سے پڑھا اور ان لوگوں کے نام یا Dpz کو غور سے دیکھا جو میری فیس بک فرینڈز لسٹ میں شامل تو ہیں لیکن میں انہیں نہیں جانتا تھا اس کے باوجود انہوں نے مجھے birthday wish کی تھی ان میں کچھ میسیجز ان کے بھی تھے جن سے میرے پرانی شناسائی تھی مگر اب ہم ایک دوسرے کے لئیے اجنبی بن کر رہ گئے ہیں بچپن اور کالج کے زمانے کے یار دوست تھے کچھ بزنس لائف میں آ کر بننے والے دوست تھے کچھ میسیجز میری فرم کے سٹاف کے تھے چند رشتے داروں اور خاندان کے افراد نے بھی اس جنم دن پر میرے لئیے نیک خواہشات کا اظہار کیا تھا ان messages کو پڑھتے ہوۓ میرے ذہن میں ایسے ہی خیال آیا کہ میرے پانچ ہزار فیس بک فرینڈز میں سے مجھے محض ساٹھ ستّر نے برتھ ڈے وش کی ہے، کچھ دوستوں کے نام جو اسوقت میرے ذہن میں آۓ ان کے بارے سوچا کہ انہوں نے مجھے وِش نہیں کی لیکن پھرخود کو سمجھایا کہ سید شایان ابھی صُبح صُبح کا وقت ہے سارا دن پڑا ہے زندگی میں دس جھمیلے ہیں، مصروفیات ہیں تم کو تو خود اپنی برتھ ڈے یاد نہیں رہتی آج کی برتھ ڈے کا علم بھی تمھیں ایک نوٹیفیکیشن سے ہُوا ہے اور اب تم سوچ رہے ہو کہ باقی دوستوں نے تمھیں برتھ ڈے وش کیوں نہیں کی ! خیر ، موبائل سے فراغت کے بعد میں نے اپنے روز مرہ کے کاموں کا آغاز کیا چونکہ سردیاں شروع ہو گئی ہیں چنانچہ ایک کپ گرم کافی کا لیا ۔ کچھ دیر ٹی وی آن کر کے ریموٹ سے کچھ دیر چینل سرفنگ کی اور پھر مارننگ واک پر ماڈل ٹاؤن پارک چلا گیا ٹریک پر قدرے خاموشی تھی کچھ لوگ چہل قدمی اور کچھ ریس واک کر رہے تھے کچھ ٹریک کنارے گراؤنڈ میں ایکسرسائز میں مصروف تھے میں تیز قدموں واک کرتا ہوا سرد موسم انجواۓ کرتا رہا حتی کہ پسینے کی نمی میرے ٹریک سوٹ میں اتر آئی میری عادت ہے کہ میں واک کے دوران موبائل گاڑی میں رکھ کر جاتا ہوں چنانچہ واک ختم کر کے جب گاڑی میں آ کر بیٹھا اور ڈرائیور نے گاڑی سٹارٹ کی تو میں نے ٹائم دیکھنے کی غرض سے موبائل آن کیا تو سکرین پر فیس بک کےآئی کون پر لال رنگ کا نوٹیفیکشن الرٹ مجھے نظر آیا اسے کلک کیا تو پندرہ بیس نوٹیفیکیشن تھے جن میں میرے لئیے birthday wishes تھیں اور یوں مجھےیاد آیا کہ آج تو میری سالگرہ کا دن ہے ورنہ لمبی اور تھکا دینے والی واک کے بعد یہ بات ذہن سے مکمل نکل چکی تھی کہ آج میرا جنم دن ہے میں نے گھر واپسی کے دوران گاڑی میں بیٹھے بیٹھے دلچسپی سے تمام میسیجز پڑھے اور میسیجز بھیجنے والے فرینڈز کے پروفائل کو غور سے دیکھتا رہا کچھ فرینڈز نے پچھلے سال آج ہی کے دن مجھے برتھ ڈے وش کیا تھا اور پھر پورے سال نہ انہوں نے کوئی مجھے ٹیکسٹ کیا اور نہ میں نے ان کو اور آج پھر ان کا birthday wish مجھے مل چکا تھا۔ میں نے بھی پچھلے سال سے یہ معمول بنایا ہُوا ہے کہ ہر روز صُبح سویرے فیس ُبک پر جب مجھے ایسے FB فرینڈز کے بارے میں نو ٹیفیکیشن ملتا ہے کہ جن کی آج برتھ ڈے ہوتی ہے تو میں اسی وقت سب دوستوں کو happy birthday کا میسیج بھیج دیتا ہوں خیر فیس بُک پر میسیجز پڑھتا گھر پہنچا تو میری وائف اور بیٹی نے ناشتے کی میز پر مجھے برتھ ڈے وش کیا اسی اثنأ میں میرے بیٹے کا مجھے لندن سے واٹس ایپ میسیج موصول ہُوا جس میں وہ مجھے برتھ ڈے وش کرنے کے ساتھ ساتھ بتا رہا تھا کہ آج کے دن وہ مجھے اور گھر والوں کو miss کر رہا ہے بیٹے کو اور بیوی بیٹی کا شکریہ ادا کر کے آفس روانہ ہُوا کہ آج معمول سے ہٹ کر زیادہ میٹنگز تھیں دوپہر سے بھی آگے تک میٹنگز چلیں اور میں ان کاروباری معاملات میں ایسا گِھرا رہا کہ سہ پہر تک مجھے وقت نہ ملا حتی کہ دوپہر کا لنچ بھی مجھے skip کرنا پڑا۔ سہ پہر کچھ فراغت ہوئی تو موبائل پر آنے والی کالز اور میسیجز پڑھنے کے لئیے موبائل آن کیا تو فیس بک پر یکدم پچاس ساٹھ میسیجز دیکھے تو چونکا اور مجھے یکدم خیال آیا کہ آج تو میرا Birthday ہے چانچہ آفس کے بورڈ روم میں بیٹھے بیٹھےہی تمام میسیجز میں نے تیزی سے پڑھ ڈالے ان میں میرے کچھ ان دوستوں کے میسیجز بھی تھے جن کے بارے میں میں صبح سوچ رہا تھا کہ انہوں نے مجھے برتھ ڈے وش نہیں کی اور یوں مجھے اپنے چہرے پر ایک مسکراہٹ کا احساس ہُوا اتنے میں میری وائف نے مجھے موبائل پر پیغام دیا کہ تمھاری برتھ ڈے celebration کے لئیے فلاں ریسٹورنٹ میں بکنگ کروا لی گئی ہے اس لئیے آفس سے فری ہو کر شام آٹھ بجے وہاں پہنچ جانا اپنی برتھ ڈے وشز دیکھنے اور فیس بک کے بار بار کے نوٹیفیکیشنز کے چکر میں آج میں اپنے ان فیس بُک فرینڈز کو برتھ ڈے وش نہیں کر سکا تھا کہ جو میری طرح آج کی تاریخ میں پیدا ہوۓ تھے چنانچہ میرے پاس کچھ وقت تھا میں نے آفس میں بیٹھے بیٹھے فیس بُک پر برتھ ڈے والا نوٹیفیکیشن ڈھونڈا تو چالیس کے قریب اور بھی ایسے دوست تھے جن کی آج برتھ ڈے تھی چنانچہ ایک ترتیب سے سب کو میں نے Happy Birthday کا میسیج بھیجنا شروع کیا میری عادت ہے کہ ٹیکسٹ send کرنے سے پہلے یہ ضرور دیکھتا ہوں کہ نام کیا ہے اور DP میں کیا ڈسپلے ہے چنانچہ عادتاً میں نے ایک ایک کر کے مییسیجز بھیجنا شروع کئے۔ اس اثنأ میں مجھے انٹرکوم پر مجھے پی اے نے بتایا کہ آفس سٹاف آپ کو برتھ ڈے وش کرنا چاہتا ہے میں نے اس سے کچھ دیر کی معذرت چاہی اور اسے کہا کہ میں کچھ ضروری ٹیکسٹ کر کے نیچے آ کر خود ملتا ہوں اور پھر تیزی سے لسٹ میں موجود فرینڈز کو Happy Birthday کا ٹیکسٹ بھیجنا شروع کیا اب میری توجہ اسوقت صرف لسٹ کی طرف تھی کہ کسی طرح یہ مختصر ہو کر ختم ہو چنانچہ نام اور Dpz دیکھے بغیر میں دھڑا دھڑ robotically سب کو Happy Birthday ٹائپ کیے جا رہا تھا حالانکہ میں میسیج بھیجتے وقت یہ خیال رکھتا ہوں کہ جس سے مراسم خاص ہیں ایک دو جملے بھی برتھ ڈے وش کے ساتھ تحریر کر دوں لیکن چونکہ آج میں جلدی میں زیادہ تھا اسلئیے صرف Happy Birthday کے دو حرفی پیغام سے اس پوری لسٹ کو بھگتا کر دل ہی دل میں خوش ہو لیا کہ جیسے میں نے کوئی بہت بڑا سماجی کارنامہ انجام دے دیا ہے اس کے بعد میں اپنے سٹاف سے ملاقات کر کے اور کیک کٹوا کر گاڑی میں جا بیٹھا ڈرائیور مجھے لیکر ریسٹورنٹ پہنچا جہاں پہلے سے میری فیملی برتھ ڈے سیلیبلیشن کے لئیے موجود تھی دن بھر کے جھمیلوں سے فراغت کے بعد جو یہ لمحات مجھے میسر آۓ میں انہیں خود پر قدرت کا انعام سمجھتا ہوں فیملی کے ساتھ کیک کاٹا میرے لئیے کچھ گفٹس تھے وہ وصول کئیے کھانا کھایا اور پھر رات گئے ہم لوگ اپنے گھر کو لوٹے۔ موبائل پر اب بھی مجھے برتھ ڈے نوٹیفیکیشنز آ رہی تھیں لیکن میں نے سوچا تھا کہ اب رات کو تمام کاموں سے فراغت کے بعد ایک ساتھ ہی تمام میسجز اور مسڈ کالز دیکھوں گا اور رپلائی کروں گا چانچہ رات تقریباً ایک بجے میں اپنی سٹڈی ٹیبل پر بیٹھا دوستوں کی طرف سے موصول ہونے والے برتھ ڈے میسیجز چیک کر رہا تھا تو ایک خاص بات میں نے یہ نوٹ کی کہ زیادہ تر میسیجز دو حرفی تھے یعنی Happy Birthday- اچانک ایک میسیج میرے سامنے ایسا آیا کہ جسے پڑھ کر میرا سر چکرا گیا اور ندامت سے میری آنکھیں بھیگ گئیں میسیج بھیجنے والی نامعلوم لڑکی نے لکھا تھا “انکل ، آج شام آپ کا مجھے میرے والد کی برتھ ڈے پر happy birthday کا میسیج وصول ہُوا میرے بابا اس سال 5 جولائی کو دو ماہ مسلسل بےہوش رہنے کے بعد ہسپتال ہی میں انتقال کر گئے تھے آپ چونکہ بابا کے دوست ہوں گے اس لئے میں نے ضروری سمجھا کہ آپ کو inform کر دوں”
(سید شایان نے یہ آرٹیکل رئیل اسٹیٹ ریسرچ پورٹل اور تھنک ٹینک SyedShayan.com کے لئیے تحریر کیا۔ آپ چاہیں تو اس پر اپنا تبصرہ کر سکتے ہیں )

تھے چونکہ شراب کھلے عام مارکیٹ میں موجود نہ ہوتی تھی تو کچھ لوگوں نے خفیہ طور پر لوگوں کو شراب مہیا کرنا شروع کر دی اور یہاں سے ڈکشنری میں ایک نیا لفظ داخل ہُوا bootleggers آپ نے پاکستان میں بھی اکثر امیر لوگوں کے مونہہ سے یہ لفظ سُنا ہو گا کہ میرا bootlegger بہت ایماندار شخص ہے، مجھے اوریجنل وہسکی مہیا کرتا ہے ۔۔Lolll بات ہو رہی تھی امریکہ میں شراب پر پابندی کی اس پابندی کے دوران پورے ملک میں سمگلنگ کا رجحان بڑھ گیا شراب پر ممانعت نے چونکہ شراب کی قانونی فروخت کو بند کر دیا تھا چنانچہ پورے امریکہ میں شراب کی غیر قانونی سپلائی شروع ہو گئی bootleggers میکسیکو اور کینیڈا کے ساتھ ساتھ یورپ سے شراب سمگل کرنے لگے چونکہ یہ شراب بحری جہازوں میں لائی جاتی تھی تو شراب کے ساتھ ساتھ دیگر نشہ آور اشیأ اور سونے اور کرنسی بھی سمگلنگ کی فہرست میں آ گئیں پورے امریکہ میں اس ایک پابندی سے جو معاشرے میں اخلاقی گراوٹ آئی اس موضوع پر امریکی کانگریس میں کُھل کر بحث ہوئی اور مذہبی طبقے خصوصاً پروٹسٹنس Protestants اور اُن ترقی پسند خواتین کو جنہوں نے تحریک چلا کر شراب پر پابندی لگوائی تھی یہ سمجھا گیا کہ شراب پر پابندی یعنی National prohibition of alcohol ایک Noble Experiment تھا تاکہ ملک سے جرائم اور بدعنوانی کو کم کیا جا سکے سماجی مسائل حل ہو سکیں رشوت ستانی کا خاتمہ ہو سکے عوام کی صحت اور حفظانِ صحت کے اصولوں کو بہتر بنایا جا سکے لیکن ایسا ہُوا نہیں بلکہ الکوحل پر پابندی سے ان تمام مسائل اور برائیوں پر قابو پانے کی بجاۓ اس میں اُلٹا بے پناہ اضافہ ہُوا۔ کہا جاتا ہے کہ جھوٹ تمام برائیوں کی جڑ ہے اس زمانے میں سب سے بڑا معاشرتی نقصان امریکہ کو یہ ہوا کہ لوگ شراب پیتے اور گھر والوں اور دوستوں میں انکار کر دیتے کہ انہوں نے شراب پی ہے اور پھر آہستہ آہستہ انہوں نے زندگی کے دیگر معاملات میں بھی جھوٹ بولنا شروع کر دیا چانچہ ان برائیوں اور سوشل مسائل سے نمٹنے کے لئیے 13(تیرہ) سال بعد شراب پر پابندی کے بعد امریکہ نے 1933 میں الکوحل پر سے پابندی اٹھا لی شراب پر پابندی کے زمانے میں شراب ضائع کرنے کی کچھ تصاویر بھی ملاحظہ کیجئیے اس موضوع کو مزید جاننے کے لئیے میری ویب سائٹ پر آئیے
(سید شایان نے یہ آرٹیکل رئیل اسٹیٹ ریسرچ پورٹل اور تھنک ٹینک SyedShayan.com کے لئیے تحریر کیا۔ آپ چاہیں تو اس پر اپنا تبصرہ کر سکتے ہیں )

دکن کے وزیر اعظم رہنے والے سر اکبر حیدری کی بھانجی اور لیڈی امینہ حیدری کی پوتی تھیں جنہوں نے حیدرآباد میں مسلم اور ہندو خواتین کی ایک ساتھ تعلیم کے لیے بے پناہ کام کیا۔ ثُریا کی شادی ایک سول سروس آفیسر بدرالدین طیب جی سے ہوئی جو بعد میں علیگڑھ مسلم یونیورسٹی کے وائس چانسلر بھی رہے۔ انڈیا کا موجودہ قومی پرچم ، تحریک آذادی میں ہندوؤں کی نمائندہ سیاسی جماعت انڈین نیشنل کانگریس کے جھنڈے سے بہت مشابہہ ہے جسے ایک آذادی پسند ہندوستانی مصنف اور استاد پِنگالی وینکایا نے ڈیزائن کیا تھا۔ اور 1922 میں کانگریس نے اسے اپنی پارٹی کے جھنڈے کے طور پر منظور کیا پِنگالی نے جھنڈے میں دو رنگوں گہرا نارنجی اور سبز کا استعمال کیا تھا نارنجی رنگ ہندوؤں اور سبز مسلمانوں کی نمائندگی کر رہا تھا جب یہ جھنڈا گاندھی جی کے سامنے پیش کیا گیا تو اس میں گاندھی جی نے ہندوستان کی دیگر قومیتوں اور ریاستوں کی نمائندگی کے لیے سفید رنگ کا اضافہ کروا دیا تھا اور یوں انڈین نیشنل کانگریس کا نمائندہ جھنڈا تین رنگوں نارنجی سفید اور سبز رنگ میں تیار اور منظور ہُوا تھا بعد ازاں ایک کانگریسی لیڈر کی تجویز پر اس جھنڈے پر گاندھی جی کے سوت کاتنے والے چرخے کا عکس بھی شامل کیا گیا میں اس آرٹیکل میں پِنگالی وینکایا کے ڈیزائن کردہ جھنڈے کا امیج ان کی اپنی ذاتی تصویر کے ساتھ پیش کر رہا ہوں جسے پچھلے دنوں 2022 کے آخر میں انڈین حکومت نے ایک یادگاری ٹکٹ پر شائع کیا ہے کہ جب اس جھنڈے کی تخلیق کے سو سال پورے ہوۓ اور اس موقعہ پر پورے ہندوستان میں یہ بحث دوبارہ شروع ہو گئی کہ ہندوستان کا موجودہ قومی پرچم جو ثریا طیب جی نے جواہر لال نہرو کی فرمائش پر ڈیزائن کیا تو اس ڈیزائن کی خالق کو اس کا اصل حق کیوں نہیں دیا جا رہا اور پنگالی وینکالیا ، جس نے انڈین نیشنل کانگریس کا جھنڈا ڈیزائن کیا تھا اس کو بھارت سرکار قومی پرچم کا خالق بھی قرار دے رہی ہے جو انتہائی ناانصافی ہے کہ ایک حقدار کو اس کا حق اس لئیے نہیں دیا جا رہا کہ وہ مسلمان ہے اور ایسا کرنے سے دنیا یہ تاثر لے سکتی ہے کہ ایک ہندو مُلک کی شناخت ایک مسلمان کی مرہونِ منت ہے اگر بغور دیکھا جاۓ تو یادگاری ٹکٹ پر جن جھنڈوں کا عکس دیا گیا ہے وہ نیشنل انڈین کانگریس کے ہی جھنڈے ہیں ، مُلک ہندوستان کے نہیں واقعہ یہ ہے کہ جب کانگریسی رہنما جواہر لال نہرو کو یہ احساس ہونے لگا کہ اب انگریزوں کا اقتدار زیادہ دیر نہیں چلے گا اور ہندوستان جلد آذاد ہو گا تو اس موقعہ پر ان کو یہ خیال ستانے لگا کہ انگریزوں سے آذادی کے بعد اس ملک کا قومی پرچم اور قومی ترانہ کیا ہو گا چنانچہ فیصلہ ہُوا کہ کانگریس کے جھنڈے کو ہندوستان کی تمام سیاسی جماعتوں کے لئیے قابل قبول بنانے اور قومی پرچم کی شناخت دینے کے لئیے اسے دوبارہ ڈیزائن کروایا جاۓ چنانچہ اس کے لئیے ایک کميٹی تشکیل دی گئی اور حیدرآباد دکن سے تعلق رکھنے والی ایک مصّورہ اور آرٹسٹ ثریا بدرالدین کو جواہر لال نہرو کی فرمائش پر اس کميٹی میں شامل کیا گیا نہرو نے انہیں ہدایت کی کہ وہ اس جھنڈے کو یوں ڈیزائن کریں کہ برصغیر میں رہنے والی تمام قومیں اور مذاہب کے پیرو کار اس کو ایک پرچم کے طور پر اپنا لیں چنانچہ ثریا طیب جی نے اس جھنڈے میں بنیادی تبدیلیاں کیں اور اس کے رنگوں کی ترکیب کو بہتر بنا کر اور اس میں سے چرخے کو نکال کر قدیم ہندوستان کے بادشاہ اشوک اعظم سے منسوب اشوک کی لاٹ (جو آج کے انڈیا کا قومی ریاستی نشان بھی ہے ) پر نصب اشوک چکرا کو نئے سرے سے ڈیزائن کیا اور یوں پرچم کے سفید حصے کے درمیان میں یہ نیلے رنگ کا گول چکرا (وہیل wheal) جو چوبیس خانوں پر مشتمل ہے اور جو دن کے چوبیس گھنٹوں کی نمائندگی کرتا ہے چونکہ اشوک چکر دھرم کی نمائندگی بھی کرتا ہے اور اسے دھرم کا پہیے بھی کہا جاتا ہے۔ یوں ، یہ جھنڈا تمام مذاہب کو اپنے دامن میں سمیٹ کر ہندوستان کے تمام عقائد کی نمائندگی کرتا ہے۔ آسمان اور سمندروں کے رنگ کی نمائندگی کرنے کے لئے جھنڈے میں اشوک چکر کو نیلا رنگ دیا گیا ہے پرچم تیار ہونے پر ثریا طیب جی نے اسے جواہر لال نہرو کو پیش کیا تو انہوں نے اسے اسی وقت منظور کر کے اپنی گاڑی پر نصب کیا اور اس میں بیٹھ کر پوری دلّی کا چکر لگایا تاکہ دنیا کو یہ معلوم ہو جاۓ کہ اب آذاد ہندوستان کا اپنا الگ سے ایک قومی پرچم ہے اور جسے آج بہت سے بھارتی پیار سے ترنگا (triangl) بھی کہتے ہیں اس سے قبل بھارت کے قومی ترانے کے انتخاب پر بھی یہ بحث اُٹھی تھی کہ جب علامہ اقبال کی بانگِ درا میں شامل نظم ‘ ترانۂ ہندی’—سارے جہاں سے اچھا ہندوستاں ہمارا— کو مہاتما گاندھی نے ہندوستاں کا قومی ترانہ قرار دے دیا تھا لیکن بعد میں اس خیال کو اس لئیے رد کر دیا گیا کہ بیشتر کانگریسی رہنما یہ سمجھتے تھے کہ اقبال پاکستان بنانے کی سازش میں محمد علی جناح کے شریک کار تھے چانچہ رابندر ناتھ ٹیگور کی نظم ‘جانا گانا مانا’ کو بھارت کے قومی ترانہ کا درجہ دے دیا گیا دلچسپی کی بات یہ ہے کہ تحریکِ آذادی میں مسلمانوں کی نمائندہ جماعت آل انڈیا مسلم لیگ کا ہرا جھنڈا بھی پاکستان کے موجودہ قومی پرچم سے بہت مشابہہ ہے۔ مسلم لیگ کے جھنڈے میں صرف ایک سفید پٹی کا اضافہ کرنے اور اس کے ہلکے ہرے رنگ کو گہرے سبز رنگ سے تبدیل کرنے پر سید امیر الدین قدوائی کو پاکستان حکومت اپنے قومی پرچم کا خالق قرار دیتی ہے [اس مضمون کو لکھنے والے سید شایان گورنمنٹ کالج یونیورسٹی لاہور کی راوینز کوئز سوسائٹی کے فاؤنڈر اور پہلے صدر (1977) بھی رہے ہیں سید شایان کی مزید تحریریں پڑھنے اور تاریخ سے جڑے ایسے ہی حقائق جاننےکے لئیے آپ ویب سائٹ/ بلاگ کو وزٹ کیجئیے www.syedshayan.com