▫️وزارتِ خزانہ نے ہوش اڑا دینے والے اعداد و شمار جاری کر دیے۔ ▫️سزا اسے مل رہی ہے جو سستی بجلی بنا رہا ہے، اور تحفظ اسے جو بجلی بنانے میں اربوں ڈبو رہا ہے۔
13 فروری کو وزارتِ خزانہ کی سالانہ اسٹیٹ اونڈ انٹرپرائزز (State Owned Enterprises) رپورٹ مالی سال 2025 جاری کی گئی۔
مالی سال 2025 میں SOEs کے مجموعی نقصانات 832.8 ارب روپے بتائے گئے ہیں جن میں پاور سیکٹر کا حصہ سب سے نمایاں ہے۔
پاکستان میں اس وقت چار بڑی سرکاری بجلی پیدا کرنے والی تھرمل جنریشن کمپنیاں یعنی GENCOs، جو Government Owned Generation Companies کہلاتی ہیں، وزارتِ توانائی پاور ڈویژن کے ماتحت کام کر رہی ہیں، اور چاروں ہی ہر سال کی طرح اس سال بھی شدید مالی خسارے میں ہیں۔
▪️جامشورو پاور کمپنی یعنی GENCO I (مقام جامشورو سندھ) کا حالیہ رپورٹ کے مطابق تقریباً 1.3 ارب روپے نقصان ظاہر کیا گیا ہے، جبکہ زمینی حقائق اس سے زیادہ خسارہ بتاتے ہیں۔ فرنس آئل پر انحصار اور پرانے یونٹس کی کم تھرمل ایفیشنسی…
