▫️ٹھیلے والے، چھابڑی فروش اور اسٹال لگا کر روزگار کمانے والے کہاں جائیں۔ ▫️حکومت پہلے ہر یونین کونسل کی سطح پر ایک ہاکرز بازار بناتی اور پھر تجاوزات کے خلاف آپریشن کرتی۔ ▫️خُدارا، شہر کی صفائی کے نام پر غریبوں کا صفایا نہ کریں۔
سبزی فروش، پھل فروش، چھابڑی والے، ریڑھی بان، تھڑیے، ٹھیہ دار، خوانچہ فروش، پھیری والے، ہاکرز، فٹ پاتھ پر اسٹال لگانے والے، ٹھیلے پر سامان بیچنے والے، چائے اور پکوان والے، سڑک کنارے ناشتہ، انڈا پراٹھا اور حلوہ پوری لگانے والے، دہی بھلے اور چنا چاٹ لگانے والے، سموسے اور پکوڑے تیار کرنے والے، لڈو پیٹھی اور پٹھورے لگانے والے، شامی برگر، شوارما اور بن کباب بنانے والے، تکہ و کباب فروش، بھنے چنے، مونگ پھلی اور مکئی کے دانے بیچنے والے، جوس اور شربت والے، آئس کریم اور گولا گنڈا فروخت کرنے والے، مٹکہ قلفی والے، کپڑے، جرابیں، کھلونے، ازاربند، غبارے، موبائل کور، چارجر اور دیگر چھوٹا الیکٹرانک سامان بیچنے والے، گھوم گھوم کر کتابیں اور اسٹیشنری بیچنے والے، جوتے پالش کرنے والے، سائیکل یا…
