Home
Image

پنجاب دے شہراں دی زوننگ بدل کے دولت بناؤن دا نواں کھیل: فائدہ کِنوں تے نقصان کِنوں؟

▫
رہائشی علاقیاں نوں کمرشل وچ بدلّن دا کاروبار

▫
فیصلے کون کر رہیا اے؟ فائدہ کون چُک رہیا اے؟

▫
تے ایس دا شہر، ٹریفک تے عام شہری اُتے کی اثر پے رہیا اے؟

کسی رہائشی علاقے وچ سرکاری یا کمرشل دفتر قائم ہو جانا یا تعلیمی ادارے کھل جانا زوننگ دی ناکامی دی نشانی اے۔

میں گارڈن ٹاؤن لاہور دے ابوبکر بلاک وچ رہندا آں۔ کجھ سال پہلاں تک ایہ اک مکمل رہائشی علاقہ سمجھیا جاندا سی، پُرسکون، صاف، محفوظ تے رہن جوگ۔

پر فیر اک دن میرے گھر توں صرف چار گھراں دے فاصلے اُتے حکومت دا Excise and Taxation Office کھول دِتا گیا۔

اوہدے بعد سڑک اُتے گاڑیاں دا رش مستقل ہو گیا، لوکاں دیاں قطاراں لگن لگ پئیاں، بنچاں اُتے بیٹھے ایجنٹاں نے پوری سڑک نوں دفتر بنا دِتا، تے اردگرد دے گھراں وچ رہن والیاں لئی اپنے گھر تک پہنچنا وی مشکل ہو گیا۔

ایس توں پہلاں کجھ Call Centers تے Marriage Halls وی ایتھے قائم ہو چکے سن۔

ایس طرح علاقے دی پُرسکون، ہوادار رہائشی فضا تے گھنے درخت، جیہڑے کدی ایس دی پہچان ہوندے سن، ہولی ہولی ختم ہوندے گئے تے اوہناں دی جگہ لوکاں دے ہجوم تے گاڑیاں دے ہر وقت دے شور نے لے لئی۔

شہر دے اک بہت قیمتی رہائشی علاقے وچ کمرشل سرگرمیاں دا فائدہ نہ مینوں ہویا تے نہ میرے گوانڈھیاں نوں۔

فائدہ صرف اوہناں دو چار لوکاں نوں ہویا جنہاں نے رہائشی علاقے وچ اپنے گھر کمرشل سرگرمیاں لئی کرائے اُتے دے دِتے۔

پر جنہاں نوں ایتھے ہی رہنا سی، اوہ ہن کئی مسئلیاں دا سامنا کر رہے نیں۔

پر اصل سوال ایہ اے کہ کرایہ داراں نوں کمرشل سرگرمیاں دی اجازت شہر دی Development Authority نے آخر دِتی کیویں، جدوں کہ میرا گھر تے اردگرد دے سارے گھر صاف طور اُتے شہر دے Residential Zone وچ آندے نیں؟

ممکن اے کجھ لوک پچھن کہ Residential Zone ہوندا کی اے؟

آؤ ایس نوں سادہ طریقے نال سمجھدے آں۔

Zoning دا بنیادی مطلب ایہ اے کہ شہر یا علاقے نوں نقشے اُتے تقسیم کرکے ایہ فیصلہ کیتا جاوے کہ:

▫
کتھے صرف گھر بن سکدے نیں۔
▫
کتھے دکاناں تے پلازے بن سکدے نیں۔
▫
کتھے فیکٹری لگ سکدی اے۔
▫
کتھے پارک، Green Area یا Open Space لازمی برقرار رہوے گی۔
▫
کتھے سکول، ہسپتال، مسجد یا Public Building بنے گی۔
▫
تے کتھے Transport دا مرکزی نیٹ ورک، Bus Routes، سڑکاں تے Traffic Corridors بنن گے، تاں جو شہر منظم، محفوظ تے رہن جوگ رہ سکے۔

ایہ تقسیم قانونی ہوندی اے تے ایس نوں شہر دا Land Use Plan یا Zoning Code آکھیا جاندا اے۔

دنیا دے زیادہ تر Metropolitan شہراں وچ زمین نوں پنج توں ست بنیادی Zoning Categories وچ تقسیم کیتا جاندا اے، تاں جو شہر منظم طریقے نال ترقی کرے تے رہائش، تجارت تے ماحول وچ توازن قائم رہے۔

عام طور اُتے ایہ Categories شامل ہوندیاں نیں:

▫
Residential Zone
▫
Commercial Zone
▫
Industrial Zone
▫
Green یا Open Space Zone
▫
Public and Community Zone

کجھ وڈے شہراں وچ Mixed-Use تے Special Planning District وی شامل ہوندے نیں، پر بنیادی ڈھانچہ دنیا بھر وچ تقریباً اکّو جیہا ہوندا اے۔

ایہ نظام شہری ترقی، ٹریفک دے بوجھ مطابق Infrastructure دی تقسیم تے مجموعی نظم و ضبط دی بنیاد فراہم کردا اے۔

زوننگ دا بنیادی مقصد کی اے؟

ہر وڈے شہر وچ Zoning ایس لئی کیتی جاندی اے تاں جو شہر منظم، متوازن تے محفوظ طریقے نال ترقی کرے تے ہر جگہ اوہی تعمیر ہووے جیہڑی اوہ علاقے لئی مناسب اے۔

مقصد ایہ اے کہ رہائشی محلّیاں وچ سکون برقرار رہے، Commercial Zones وچ مناسب سڑکاں تے Parking موجود ہووے، تے فیکٹریاں رہائشی آبادی توں دور رکھیاں جان۔

ایس طرح Parks، Green Belts تے Open Spaces محفوظ رہن، تاں جو شہریاں نوں صاف ماحول تے کھلیاں جگہاں مل سکّن۔

Zoning ٹریفک دے بوجھ، Sewerage، بجلی تے پانی دے نظام نوں متوازن رکھدی اے، تے ایہ یقینی بناؤندی اے کہ قانونی منظوری توں بغیر کوئی وی مالک اپنی جگہ دا استعمال تبدیل نہ کر سکے۔

سادے لفظاں وچ، Zoning شہر نوں بے ترتیبی، افراتفری تے بغیر منصوبہ بندی تعمیرات توں بچاؤن دا بنیادی نظام اے۔

یاد رکھو کہ ہر شہر وچ Zoning توں پہلاں اک باقاعدہ Master Plan بنایا جاندا اے، جیہڑا عام طور اُتے 20 توں 25 سال لئی ہوندا اے۔

ایس نوں Statutory Master Plan یا Approved Master Plan آکھیا جاندا اے، تے ایس دے تحت پورے شہر دی Zoning، Land Use تے Development دا نقشہ طے ہوندا اے۔

زوننگ بدلّن دا فائدہ کِنوں ہوندا اے تے نقصان کِنوں؟ اوہ گل جیہڑی عوام اکثر نہیں سمجھدی

Zoning دی تبدیلی علاقے دے پراپرٹی مالکان نوں شروع وچ خوش ضرور کردی اے، کیونکہ اوہ سوچدے نیں کہ ہن اوہناں دا گھر کروڑاں وچ وکے گا۔

پر حقیقت ایہ اے کہ Change of Land Use دا اصل فائدہ صرف کجھ خاص لوکاں نوں ملدا اے۔

مثلاً ترقیاتی اداریاں دے کجھ ملازم، جنہاں کول پراپرٹیاں دیاں فائلیں تے اندرونی معلومات ہوندیاں نیں، منتخب Developers، Property Groups تے مقامی سیاسی لوگ۔

پر نقصان پورے علاقے نوں برداشت کرنا پیندا اے۔

جدوں اک رہائشی علاقہ Residential Zone توں Commercial Zone وچ بدلدا اے تاں شروع وچ قیمت ودھدی اے، پر چند سال بعد Traffic Pressure، شور، Parking دی تباہی، Sewerage اُتے بوجھ، Infrastructure اُتے اضافی Load تے Green Areas دی تباہی پورے علاقے نوں متاثر کرنا شروع کر دیندی اے۔

ہاں، Main Road اُتے واقع پراپرٹی دی قیمت ضرور ودھ سکدی اے، پر اندرلیاں سڑکاں تے گلیاں دے گھراں دی قدر گھٹنا شروع ہو سکدی اے۔

اوہناں دے خریدار محدود ہو جاندے نیں، کیونکہ Market دا زیادہ دھیان Main Road Front Properties ول چلا جاندا اے۔

تے اوہی لوک جیہڑے شروع وچ قیمت ودھن اُتے خوش ہوندے نیں، چند سالاں بعد ایس تبدیلی دے سب توں وڈے متاثرہ بن سکدے نیں۔

ساڈے ہاں Zoning دے ناں اُتے کی ہو رہیا اے؟

پنجاب، خاص طور اُتے لاہور وچ، Zoning دا عمل اپنی اصل شہری منصوبہ بندی والی حیثیت کھو کے کئی وار اک منافع بخش کاروبار بن جاندا اے۔

Change of Land Use دے ناں اُتے رہائشی گھراں نوں Commercial، Green Belts نوں Concrete تے سکولاں یا ہسپتالاں لئی مختص زمین نوں پلازیاں وچ بدلّن دیاں مثالاں سامنے آندیاں نیں۔

ایس عمل نوں Zoning Manipulation تے Unregulated Conversion آکھیا جاندا اے۔

ایس نال Master Plan کمزور ہوندا اے تے شہر دی ساخت بگڑدی جاندی اے۔

رہائشی Plot نوں Commercial قرار دیندے ہی کئی وار اوہدی قیمت چند دناں وچ دو یا تین گنا تک ودھ سکدی اے۔

ایس نال Speculative Development تاں ودھدی اے، پر شہری ضرورتاں پس منظر وچ چلی جاندیاں نیں۔

ایہی وجہ اے کہ لاہور، فیصل آباد، ملتان، راولپنڈی تے ہور شہراں وچ زمین اوہی رہندی اے، پر Classification بدلّن نال پورا Market Dynamics بدل جاندا اے۔

نتیجہ ایہ اے کہ شہر اک منظم نظام دی بجائے بے ترتیب تے لالچ اُتے مبنی Real Estate Expansion دا شکار ہو جاندے نیں۔

اصل مسئلہ ایہ اے کہ Zoning دی تبدیلی دے فیصلے عوام دے سامنے نہیں ہوندے۔

نہ مناسب Open Hearing ہوندی اے، نہ اہلِ محلہ دی باقاعدہ رائے لی جاندی اے، تے نہ ہی Planning دے اصولاں اُتے عوامی بحث ہوندی اے۔

زیادہ اختیار چند لوکاں اُتے مشتمل Land Use Conversion Committee دے کول ہوندا اے، جیہڑی پورے علاقے دے مستقبل اُتے اثر انداز ہون والا فیصلہ کر سکدی اے۔

درخواست دی File بندھی، رسمی Note لگیا، دستخط ہوئے تے اک Residential Zone Commercial وچ بدل گیا۔

عوام نوں کئی وار اوہدوں پتا لگدا اے جدوں فیصلہ پہلے ہی ہو چکیا ہوندا اے۔

ایس نظام نوں درست کرن لئی Commercialization دا اختیار Development Authority توں واپس لینا پئے گا

پنجاب وچ Zoning دے بگڑے ہوئے نظام نوں درست کرن لئی سب توں پہلاں اک واضح قانونی Framework نافذ کرنا پئے گا، جیہڑا دنیا دے منظم شہراں وچ بنیادی اصول سمجھیا جاندا اے۔

ایس وچ Unified Zoning Code، Public Hearing، Environmental Impact Assessment تے اک آزاد Independent Land Use Authority شامل ہووے۔

ترقی یافتہ ملکاں وچ Zoning دی کسی وڈی تبدیلی دی منظوری اوہدوں تک نہیں دِتی جاندی جدوں تک دو بنیادی مرحلے مکمل نہ ہون۔

پہلا مرحلہ Public Notice دا ہوندا اے۔

دوجا مرحلہ Open Hearing دا، جتھے علاقے دے رہائشی، کاروباری لوگ تے متعلقہ شہری تنظیمیں آ کے اپنی رائے، اعتراضات تے تجاویز پیش کردیاں نیں۔

ایہ شفافیت ایس لئی ضروری اے کیونکہ Zoning دی ہر تبدیلی شہری زندگی، ٹریفک، ماحول تے علاقے دے مستقبل اُتے سیدھا اثر پاؤندی اے۔

نیویارک، لندن، استنبول تے دبئی ورگے وڈے شہراں وچ Land Conversion کوئی معمولی کارروائی نہیں ہوندی۔

اوہتھے تبدیلی اوہدوں ہی منظور ہوندی اے جدوں مکمل تحقیق توں ثابت ہووے کہ علاقے دی Traffic Capacity متاثر نہیں ہووے گی، Parking کافی اے، Green Belts محفوظ رہن گیاں تے Infrastructure اُتے غیر ضروری بوجھ نہیں پئے گا۔

ایہ فیصلہ کسی اک ادارے دا وی نہیں ہوندا۔

اوہتھے اک باقاعدہ Urban Planning Board بیٹھدا اے، جس وچ Town Planners، Environmental Experts، Legal Experts، Engineers تے علاقے دے نمائندے شامل ہوندے نیں، تے سب دی رائے نوں اہمیت دِتی جاندی اے۔

پنجاب دے تمام شہراں وچ وی ایہو طریقہ اپنانا ضروری اے۔

ہر مجوزہ تبدیلی پہلے میڈیا دے ذریعے عوام دے سامنے پیش ہووے، فیر Technical Experts دے Panel کول جاوے، تے آخر وچ شہر دی Main City Council، جتھے منتخب نمائندے تے Technocrats شامل ہون، اوہ ایس نوں منظور کرکے Development Authority نوں صرف عملدرآمد لئی دےوے۔

Commercialization دا فیصلہ کرن دا اختیار صرف Development Authorities دے کول نہیں ہونا چاہیدا۔

جدوں تک Zoning دا عمل واضح قانون، شفاف طریقہ کار تے شہریاں دی باقاعدہ شمولیت توں بغیر چلدا رہوے گا، شہر کمزور ہی رہن گے تے طاقت چند بااثر ہتھاں وچ سمٹی رہوے گی۔
1
Views
66
26

مزید زمینی حقائق

Image

Image

Image

Image

Image